السلام عليكم ورحمة الله وبركاته
مرحباً بالأستاذ هلالي الشماسية
الله يكون بعون مدرسي الصفوف الاولية
بعد ماجربت اسبوع واحد حسيت بمعاناتهم وهذا انا بس مسكت منهج شوي ولا جاني الضغط والسكر
مادري لان توجيهي ثانوي ومتعوده على تدريس الكبار
كنت ادخل الحصة الاولى على ثالث ثانوي والحصة الثانية على ثاني ابتدائي
وبعدين ارجع لثاني ثانوي تعال شف تقلب المعاملة و مرغمة على هذا
عند الابتدائي اضحكـ وابتسم وطبطب على ظهر الطالبات وانا من جواتي احترق
ماني متعوده على هالتصرفات تصير قدامي
بس تصدق هالمتعة هاللي تحس فيها انا احس فيها اذا دخلت على ثالث ثانوي
اتمنى الجرس مايدق وخاصة اذا كان موضوع الدرس يفتح مجال للتحاور مع الطالبات
عاد نصائحك ماقريتهن اخاف اتفاول على نفسي ويمسكوني ابتدائي بكرى
وبشرني عسى هالقرار ينطبق علينا خريجات كلية التربية
كل ماصار نقص بالأبتدائي قالوا افزعوا يالثانوي
كانهم عينونا على شان بس نفزع للابتدائي
امدكـ الله بالصحة والعافية
ودمنا ودمت في رضى الرحمن
