نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || رابطة ♥ ريال مدريد ♥ ||

زيدانandراؤول · #6702 24/09/2009, 03:37 PM

هذي مشاركة قناص المتميزه في منتدى اخر

إقتباس

الرسالة الأصلية كتبت بواسطة S i m p l y


	[align=right] 1 مبروك الفوز .. فوز بارتياح وبنص تيم أساسي .. بلاعبين يلعبون سوا لأول مرة بملعب صعب و2-0.. نقاط على السريع .. فزنا بسهولة .. لكن أشوف إننا عانينا الشوط الثاني شوي بسبب حماس فياريال ومشكلة أزلية بقاقو .. قاقو أمس قطع كور .. وقف باصات بنص ملعب فياريال .. لكن مشكلته زي ماقالوا الشباب .. خصوصاً الشوط الثاني .. فياريال أول مايمسك كورته .. فرناندو يضغط .. أحياناً المفروض ينتظرهم يجون له هو .. مايضغط عليهم بمناطقهم ويطلعّونه برا اللعبه بسرعة .. اذا بدا يشكل فياريال خطورة عليك بنص ملعبك .. تدوّر فرناندو ؟ يصير برّا اللعبة .. مدري وش مشكلته .. الولد مستواه أفضل من مباراة خيريز مانختلف .. لكن هالاشياء لازم تتطور وتتغير .. هي تجي مع الخبرة ومع اللعب .. بس كل المواهب اللي جت للفريق ياتطورّت .. ياطلعت .. مارسيللو هيغواين سيرجيو راموس .. مواهب تطورت مع الوقت وبسرعة .. خافي جارسيا وغيره محلّك سرّ وانشاتوا .. فرناندو لازم يقدّر إن الفرصة أعطيت له كثير ولازم هالموسم يستغلها ويخطو خطوته ويتعب غيره .. صحيح إن عقليته برا الملعب وتصاريحه عاجبتني جداً .. بس بنفس الوقت ما أحب مقارنته بألونسو .. ظالمة جداً له وصعبة عليه .. اذا ماقدر يطور نفسه بينباع لامحالة ! الفريق مع معاناته أمس إلا إن إيكر ماكان مرماه مهدد بفرصة هدف .. السناتر أعجبوني .. ألبيول سيء ؟ عاجبني طول الفترة الماضية .. محتاج لاعب سريع معه .. أشوفه يتعب مع ميتز وجاراي .. ثقال ولاعندهم ميزة القيادة زي سيرجيو أمس وبيبي .. معانتنا كانت إذا تعدوا قاقو ونص ملعبنا .. بجهة مارسيللو .. يضم كثير للداخل ويترك وراه فراغ ويجي من وراه أوفرات .. ماراح نتضرر كثير من هالمشكلة بالليقا .. هالمشكلة بتوضح بمباريات كبار .. بالتشامب .. كلاسيكو .. نحتاج باك يفهم كيف يدافع قبل لايهاجم .. صحيح إن مارسيللو خراااافي إذا تقدّم .. ومهاري ورؤيته كويسة ويعطي كم خيار وسريع .. يحتاج له شغل بسيط بالأوفرات .. بنفس الوقت مارسيللو خانته تغطية قوتي معه .. قوتي أمس صحيح كان أفضل من قوتي المعتاد .. لكن لحد هالوقت .. قوتي كمحور ثاني سيء سيء بأدواره الدفاعية .. أمس كان جيّد بأدواره الهجومية واحتفاظه بالكورة .. لكن دفاعياً .. مايعجبني أبد .. لكن ماننسى إنه إحتياطي سوبر ! هيغواين وبنزيما .. مدري كيف وضعهم .. لكن الأول قبل اسبوع مسجل هدف على زيوريخ لو إيش مايسجله راؤول .. فيزكالي الولد أفضل .. مهارياً الولد أمهر .. سرعة الولد أسرع .. صحيح أمس ماسجل .. لكن ماهي مشكلته .. هذي مشكلة الأحكام النهائية اللي تطلع بعد كل 90 دقيقة نلعبها .. قبل 4 أيام قاقو المفروض يلعب بالدوري السوداني .. وأمس أفضل لاعب .. ماهي مشكلة هيغو أو البنز .. مشكلتنا حنا .. طبيعي كل لاعب يكون سيء أحياناً ولايكون بالفورمه .. مثلاً كاكا أمس سيء .. شرايكم يصير دكّة ؟ لعبوا علينا الميلان فيه .. بنزيمه مثلاً .. سجل 5 أهداف بالبريسيزون .. صنع حوالي 6 الظاهر .. لعب مباراتين بس بالدوري أساسي ومسجل هدف واحد .. والعالم شابة فيه .. ناسية إنه جاي من ليون .. ناسية إنه كل مالعب بدون راؤول يكون أفضل وياخذ راحته .. مشكلة بنزيمه برضو مقارنته بفيّا .. وبهالنقطة نتفّق .. لكن بالنهاية بنزيمه لاعبنا وخلاص .. اممم سالفة إنهم ماصعبوها على راؤول .. معليش من هو راؤول حالياً ؟ .. واضح إنه بيللي بيدفيّه بالدكة كثير .. كل المباريات الصعبة برّا أرضنا يكون دكّة .. ولو لعب لحد الدقيقة 60 كحد أقصى ويطلع .. هذا من ناحية حصانة ومكانة ووجود كأساسي .. من ناحية فنيّة .. راؤول .. لاسرعة لامهارة لاقوة بدنية لاطول .. اللي يميزه إنه أول واحد يقابل الأوفر .. أول واحد يركض لحارس المرمى بعد أي تسديدة .. أفضل شخص يكمل الكورة بعد ماتطيح من الحارس .. من سنتين راحت .. أتحدى إذا راؤول مسجل هدفين بس من مهارة فردية وتجاوز لـ لاعبين اثنين أو ثلاثة .. أتحدى إذا راؤول مرة فك سبرنت وتجاوز له لاعب .. على إيش يصعبونها عليه ؟ مشكلتهم مالعبوا باستمرارية .. الفريق ككل كتيم أساسي ماكمل 4 مباريات أساسي للإصابات .. محتاجين الوقت بس وننسى هالكلام كله كريستيانو قوي جداً .. كاكا بالطريق .. بنزيمه لو لعب بدون مهاجم معه ووراه رونالدو وكاكا بس .. لمباراتين متتاليتين .. أجزم إنه بيكون خارق للعادة .. الولد الكورة تحت رجله خرااافي .. وذكي اذا سحب له مدافع ونزل على الطرف .. مشكلته بوجود راؤول ملزم يكون داخل الـ 18 .. تحسهم مايعرفون وش المطلوب منهم .. راؤول بكل اتجاه يركض وبدون فايدة غالباً .. ينزل من الـ 18 والفريق كله بملعب الخصم وياخذ الكورة من لاس ويرجعها له .. عن قولة تراني موجود ياناس وألعب .. ما ادري وش فايدة هالحركة مثلاً .. هو لازم يرضى بالواقع ويفهم إنه منتهي .. متى يحس ما ادري ؟ منتظر نكمل لنهاية أكتوبر بفريقنا الأساسي وبدون إصابات .. بنشوف شي مرضي جداً إن شاء الله .. نقول يارب شكراً لكم[/align]

هذا هو افضل تحليل بخصوص ريال مدريد هذا الموسم
مع احترامي لجميع من اجتهد من الاعضاء وحلل طوال الايام الماضيه
اتفق معك في كل حرف ذكرته اخوي عبدالرحمن

بدءا بقاقو
واصدار الاحكام النهائيه على اللاعبين كل 90 دقيقه
ايجوايين لم يسجل امس فيبدأ البعض يقول ايجوايين سيئ هذا الموسم !!!!
لاحظو اننا تونا مابدينا اساسا

الولد مسجل هدف في اخر مباراة لعبها وبشكل صعب جدا
وتسبب في الهدف الاخر

وبالامس لم يكن جيدا ولكنه كاد ان يسجل هدفين
لولا عدم توفيقه في الاولى وبراعة المدافع في الثانيه التي اخرجها من على خط المرمى
اتمنى من بعض الاخوان مشاهدة كم مره يضيع توريس فرصا سهله في كل مباراة او مباراتين
في النهايه هو توريس احد افضل 3 مهاجمين في العالم
مااريد ان اوصله هو انه من الطبيعي ان يضيع اللاعب فرصا سهله
ومن الطبيعي ان يتفاوت في بعض المبارايات المستوى
ولكن الحكم يكون بعد انقضاء الموسم
او اذا اردنا اصدار الحكم النهائي فلابد لذلك ان يكون بعد تحليل اداء اللاعب في اخر موسمين
وهنا نقول ان اللاعب هو صاحب افضل معدل تهديفي وسجل 24 هدف العام الماضي معظمها كان هدف حسم للمباراة

اتفق ايضا معك في نقطة
مارسيللو دفاعيا وعدم قيام قوتي بالدور الذي قام به جرانيرو مع لاس
وعن قاقو بعد 3 مواسم قضاها يتوجب ان يتقدم خطوه باتجاه التطور والا !!!
والحديث على استحالة تفضيل راؤول على ايجوايين او بنزيمه حاليا
وانهما لم ولن يسهلا المهمه له لانه باختصار ليس منافسا وندا لهم بالوقت الحالي
خصوصا ان الفريق بحاجه الى مهاجم قوي ومهاري وسريع قادر على الاحتفاظ بالكره
والسرعه والقوه هي من خذلتنا العام الماضي امام الليفر واليوفي
ايضا نقطة البيول كانت في مكانها فهو يشكل ثنائي قوي مع بيبي او راموس
ولكن الدفاع بالبيول مع جاراي او ميتسلدر يفتقد للسرعه المطلوبه ويشكل نقطة ضعف واضحه

راموس بيبي البيول اربيلوا
هو الرباعي المثالي دفاعيا

لاس الونسو جرانيرو
هو الوسط المثالي

كاكا بنزيمه رونالدو
هو الثلاثي المفضل هجوميا

قوتي
ايجوايين
راؤول
تشملهم المداوره واحتياطي ممتاز لهذا الموسم

اتمنى فقط اللعب بديارا بدلا من جرانيرو
في الكلاسيكو بالكامب نو
او امام الفرق الاوربيه الكبرى في ارضهم عند ادوار خروج المغلوب

راؤول
اتمنى ان يكون قد استوعب دوره الجديد في الفريق
فهو لن يشارك في اللقاءات القويه وهذا واضح وضوح الشمس
يبدو لي انه قد تفهم ذلك ولن يكون عقبه امام وحدة اللاعبين ونجاح المشروع

في النهايه هو حريص جدا على ختام مسيرته في الريال بدون مشاكل
وايضا احلام اللاعبين في هذا العمرتصبح اكثر واقعيه ومنطقيه من سن الشباب النسبي كرويا