نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ][ EPL 3 ][ المانيو ينتصر بالخمسة .. القنرز يواصل الاكتساح .. البلوز يواصل الاقناع .. الريدز يخسر بالثلاثة ][ تقديم + متابعة ][

أسيــ الزعيم ــر · #10 25/08/2009, 03:23 AM

شباب لازم نرسل طلب للإتحاد الإنجليزي بوضع جميع مباريات الدوري الإنجليزي يوم الاثنين من كل اسبوع الساعة 10 بالليل .. لما لوحظ من كثرة التحشيش من الأندية التي تلعب في هذا التوقيت .. شكل يوم التحشيش عندهم

المباراة ما شفت الا الشوط الثاني و الى اللحين ما انتهى عندي لأني ما قدرت اشوفها مباشرة .. لكن شوط يكفيني بالمتعة اللي فيه .. عاد اليوم شفت فولفسبورغ و هامبورج اعادة و هالمباراة .. و كلها مباريات تحشييييييييش

هاردلك لـ ليفربول الخسارة .. المباراة شفتها من لحظة الهدف الثاني .. أونيل سكر جميع المنافذ على الريدز .. و اذا تخطوا كمية اللاعبين اللي في الدفاع يطلع لهم شبح الحارس

حرام عليك يا شيخ

صحيح ابي الريدز ينهزمون و لو اني ما فكرت فيهم كمنافسين

لكن ما ودي ينهزمون بسبب هالرجال

اليوم جيرارد مهوب جيرارد اللي نعرفه .. حتى تسديدته اللي تصدى لها فريدل مهيب تسديدات جيرارد حتى لو كانت قوية لكن ما يلعبها كذا بالعادة .. بالعادة يخلي الحارس يتمصع و لا يشوفها الا في الباب .. هذا غير نكبة البلنتي

مهوب وقتها لـ ليفربول أبد .. وسط السيطرة الليفربولية و و تقليص الفارق يجي هالخطأ الشنيع من القائد !

حتى جونسون اللي تألق المباراتين اللي راحت اليوم في الشوط الثاني كان نااااااااااااااايم .. ما شفنا اختراقاته الهجومية و لا عرضياته .. ما له الا تسديدة واحدة في الدقايق الأخيرة

بس خلوا عنكم كان ليفربول في قمة مستواه او لا .. المباراة على اللي شفته واضح انها مهيب رايحة الا لـ الفيلا !

اللحين ليفربول 3 مباريات و هزيمتين .. حصيلة ممتازة لأحد فرق البيج فور .. و إن شاءالله ارسنال يسويها في المانيو يوم السبت لأني داري ان عزمهم مهوب قوي

موفقين يا شباب