نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

شوق الكويت · #1 21/05/2009, 09:48 PM

في احد الايام ... كعادتي دخلت من الجامعه مرهقه ومعصبه ومالي خلق احد ......

ابوي يبتسم لي وانا الف وجهي واصعد غرفتي وامي تنادي تقول انزلي للغداء ولهنا للغدا معاج وانا اقولها مالي خلق غدا بنام تعبانه ......

اخوي يناديني يقول تعالي ماتصدقين اشصارلي اليوم وانا بالدوام ..... واشوفه بنظره من طرف عيني واقول بعدين بعدين ..... وادخل الغرفه واسكر الباب ........

بدلت ملابسي استعدادا للنوم توني بغمض عيني للنوم ........ مافي نفس مافي اكسجين الم شديد في بطني .....
ابي اتحرك اوصل للباب انادي احد مو قادره .... بمد يدي امسك الجوال مو قادره

سبحان الله قلب الأم

دقت امي بالصدفه تحاول للمره الاخيره تناديني للغداء العائلي وقدرت ارد عالجوال واقول .........امممممممممممممممممممم

امي احذفت الجوال واركضت للغرفه وطبعا معاها اهلي ........

انا اتصبب من العرق واتألم الم شديد الف عيني يمين اشوف امي اللي تترجاني علشان اجلس معهم .....

الف عيني يسار اشوف ابوي اللي ماينام الليل الا وهو محققلي اللي ابيه .....

واشوف اخوي اللي طول عمري اشوفه بقوه الرجال فجأه شفته ضعيف منكسر يرتجف .... خايف على اخته

احس بنبضات قلبي تقل وفجأه اخذ شهيق ويوقف الهوا .... واحس اللي بالغرفه كلهم يوقف هواهم معي ....

ارجع اتنفس الكل يتنفس معي ..... اشوف اختي اللي كبرت معها وعشت معها طول مراحل حياتي ....

تشوفني ومابيدها حيله ....... احس جسمي كله يرتجف وفجأه ولاول مره بحياتي اكتشف اني ضعيفه لاحول لي ولا قوه ......

وين شوق اللي تسولف وتضحك .... وين شوق اللي تعصب وتصرخ ومايهمها احد .....

وين شوق الانسانه القويه ..... لاول مره ادركت بحياتي اني مااقدر استغني عن اهلي ......

شفت حنان الابوه بنظره ابوي .... شفت عطف الاخوه بنظره اخوي

شفت خوف الام بعين امي اللي ماوقفت دمووع ......

بحيل الله وقوته ارجعت لي الحياه مره ثانيه ببطئ شديد لكنها ارجعت ......

اول ماصحيت وهديت حسيت اني ندمانه على كل لحظه قضيتها مع صديقاتي وتركت فيها اهلي وكل لحظه دخلت فيها النت وتركت جمعة اهل ......

واخيرا اكتشفت ان مهما حبوك الناس محد بيحبك كثر اهلك

الله يخليهم لي يارب.......

اختكم شوق الكويت

[/SIZE]