نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ][ كالشيو 20 ][ الانتر بصعوبة يكسب السامب .. اليوفي يكسب الفيولا و يواصل المطاردة .. ميلان يذبح بولونيا .. و رومـا تتفنن بالسان باولو ][ متابعة ][

skroo · #12 25/01/2009, 01:20 AM

إقتباس

الرسالة الأصلية كتبت بواسطة Sєcяєт Đrєαм


	. هلا ناصر دامك جيت ودي أسألك سؤال فـ بالي ٌ من زمان ٌ الحين وش رأيك بـ مولينارو ٌ فـ الوقت الحالي ٌ ؟ هل تشوفه ٌ بـ مستوى اليوفي ٌ , وإذا كان لا ليه ٌ الإداره ما تحركت ٌ وجابت ٌ غيره ٌ فـ الوقت ذا ؟ أبي أعرفُ رأيك ُ لإن مولينارو إشوفه نقطة ضعف عندكم ٌ , ما أشوفه ظهير عصري إبدا ً , رإيك يهمني . ../..سيااا../..

هلا محمد
شوف بخصوص مولينارو فطبيعي انه مهو مقنع لجوفنتوس ولا هو بمستوى النادي
لكن احقاقا للحق خل اقولك قصة مولينارو :
مولينارو شراه اليوفي من سيينا ( يوفنتوس الصغير ) يوم كانو يلعبون مع بعض بالسيريا B
العام كان رمز لوصف العاهه والنكبة بالاضافة الى خويه نوتشيرينو
اللي حصل ان رانييري تخلص من نوتشيرينو يوم جاب سيسوكو
باقي مولينارو ماكان له بديل العام , هالموسم جابو له دي شيلي اللي لعب اليوم
مولينارو عنده ميزات :
1- نشبة بالرقابة man to man
2- لياقة عالية طول المباراة
3- سرعة وسبرنت ممتاز وسبق انه لحق سوارزو وكاكا وروبين رغم انهم سلق وسريعين
عيوبه :
1- المناولات = 0
2- التهديف = 0
3- الرفعات = 0
4- خلق المساحات = 0
5- تفاهم مع الوسط = 0

طبعا الاصفار

صيغة مبالغة لكن المقصد انه سيء فيها
لكن الجماهير صابرين عليه لان زامبروتا ببداياته كان كذا نكبة درجة اولى وبعدين تطور وصار خيالي وبعدين صار واطي يوم انتقل

مولينارو الشهادة لله تغير عن العام , العام كان مصيبة وهالموسم اهون شوي
ومدري ليه انا متأمل ان شاء الله انه بيتطور اكثر واكثر , وبالفعل هو تطور حاليا وعنده قابلية للتطور
ملاحظه / مولينارو صاحو عليه الجماهير في مباراة زينيت في تورينو وهبلو فيه وطلع مطنقر ودافع عنه رانييري ورقم 33 ( ماودي اقول اسمه لانه مدح اسرائيل

بس نقول عساه يتطور ان شاء الله

انت تقول ورا ماجابو غيره , وانا اقول العين بصيرة واليد قصيرة
النادي في مرحلة بناء وتطوير اقتصادي في جميع المجالات ولا عندهم واحد كاش مثل موراتي او ابرواهموفتش يكب قروش
اللهم بيع وشراء ودعم من المساهمين , بالرغم ان الملاك كاشات بشكل غير طبيعي ويكفيهم فيراري !! بس ما يتدخلون بامور النادي , واللي اعرفه ان الصفقة الوحيدة اللي تدخلو فيها العائلة كانت بالستينيات يوم شرا انيللي ثلاثي اعتبروه بوقته ثلاثي ذهبي ( جون تشارلز وسيفروي وواحد سويدي مدري دنماركي الظاهر ) والا الباقي كله بيع وشراء
غير كذا الادارة عندها بناء ملعب وقاعدين يشتغلون فيه فما اتوقع يتهورون بصفقات واصلا ماعندهم قروش مثل مايقول الرئيس دايم فكيف يتهورون وهم طفارى رايحين فيها

تراني خنبقت واجد بالرد وعساني قدرت اوصلك اي معلومة
واذا دقرت في نقطة معينة وقلي واشرحها لك
واعذرني وراي نومة فاستعجلت بالرد ولا رتبته

)