[yasser10]

السـلام عليكم

بصراحه بدخل بالموضوع على طول وبدون مقدمات لأننا ملينا من اللجنه والمعاملات المبيته مسبقا والمستقصده لزحف زعيم اسيا ومتصدر الدوري على كل صغيره وكبيره حتى أنهم يبحثون عن أدق الأمور وأتخاذ اجراءات عليها بناء على بيانات تصدر من نادي معين أو تصاريح أو مقالات أو حتى " سالفة مجلس ".

كلنا نعلم ماقال أو بالاصح مايتسـأل عنه رادوي تجـاه لاعب النصر (24) .. وهل هو ....!! صحيح أو لا .. لأنه ماله إلا الظاهر والظاهر واضـح .

وسبحان الله ما أسرع أن اتخذوا عقاباً ضد القآئد رادوي والسبب هو كلام بذئ صدر منه مع انه لم يقر بذلك بل تسأل عنه !! لكن ليش مايربطون الامور في بعضها البعض ويشوفون ماهو السبب الذي دعى رادوي للإدلآء بهذا التصريح .. أنا لا أقول هل رادوي أخطأ ام أنه لم يخطي أنا اتسأل لماذا فقط على رادوي والهلال فقـط ..

وإذا عقاب رادوي علشان الالفاظ التي صدرت منه .. طيب وينهم عن الجماهير اللي تردد عبارات نابئه ومخله بالاداب ضد الكابتن ياسر القحطاني ... لمدة موسمين وهم على هالحال ولا فيه أحد حرك ساكناً تجاهم .

والله شي يقهر .. مايقهروني بعباراتهم لا لا لأنه ماضر السحاب نبـح الكـ ...!! اللي يقهرني أنه مافيه عقوبات أبد مع أنها عبارات تخدش الرياضه السعودية مع العلم أنه فيه جمهور " صغير " وكبير ومتابعين خلف الشاشات وش راح تكون نظرتهم أو وش راح يسوون لما يشوفون هالالفاظ تصدر في الملاعب وخاصة الصغار .. ولا " باللغه العربيه " يعني مفهومه على طول .!!

لاعب النصر (24) معروفه أخلاقه " المتدنيـه " من زمان من يوم كان يعلب للنادي الاهلي ومعروفه مشاكله التي نقلها من ديربي الغربيه لديربي الوسطى .. يعني بسأل سؤال واحد للمعنيين بالامر : الحين لاعب النصر(24) صدرت له اكثر من سالفه ومشكله هذا اللي ظهر بالاعلام ولا ماخفي كان أعظم منها ضد : علي التركي "لاعب الخليج سابقا" و محمد نور ومرزوق العتيبي وحسن خليفه ومحمد امين وأحمد الفريدي ونونو اسيس وعبدالعزيز الدوسري ورادوي ( ولآ أنسى حركة لاعب النصر رقم (24) ضد المذيع خالد العرافه في اوربت سابقا .. حركة وليس كلام وعليه تعرفون من هو (24) وهل ماقاله رادوي صح أو لا ) وغيررهم والله كثيررر .. سؤالي الحين يعني كل هاللاعبين على خطأ .. وهذاك هو الصح ..!!!!!! والله شي يحير بصراحه ..

أخيراا .. اتمنى أن اللجان المعنيه والمسؤولين عن الرياضه السعوديه النظر في مثل هذه الاحداث والتتبـع في مجرياتها واسباب حدوثها من الاساس .!!

رسائل خاصه .. مجلس إدارة نادي الهلال : أنكم تسييرون على خُطى واضحه ومفهومه في سياستكم للإرتقاء بالرياضه السعوديه عامه ونادي الهلال خاصه عكس الإدارات السابقه إلا ماندر فأنها تبحث عن الضوضاء وإصدار البيانات والتصاريح بهدف التهكم والتستر على اخفاقات ناديهم والانحطاط بالأخلاق والرياضه .. فلكم جزيل الشكر والعرفان يا إدارة الهلال وعلى رأسهم الامير المحنك عبدالرحمن بن مساعد وبأذن الله التوفيق حليفه وحليفكم في أمور دينكم ودنياكم وفي خدمة الزعيم .

لاعبين الهلال : أتمنى أتمنى أتمنى من كل قلبي أنكم تبذلون مافي وسعكم لأجل الهلال وجماهيره ولأجل هذا الرجل الذي يعمل من أجل الهلال فكونوا عوناً له .. هذا لا يعني أنكم لاتقدمون شيئا .. بل يعني أننا توعدنا منكم أكثر من ذلك .. ويعطيكم ألف عافيه والله يستر عليكم من الاصابات و " الظالمين " .

جمهور زعيم أسيا : أنكم أثبتوا ولا زلتوا تثبتون أنكم الرقب الصعب في الخارطة الزرقـاء والكورة السعودية فالله دركم يازعماء .. كونوا يدا بيد لتشجيع الزعيم وترك التفاهات من .....

منتدى الجمهور الهلالي : والله تعجبوني بصراحه مهتمين بأمور الهلال فقط ومايخصه .. مو مثل غيرنا منتدياتهمم لو تدخلونها تتوقعون انكم في منتدى الهلال من كثر مايسولفون عن الهلال وتاركين ناديهم ( والله قاهرهم يازعيم ) .. حتى وهم يسولفون بالطائره تلقاه يقول رادوي مزع وشق الشبكه ..



* وختاماً هذي مقتطفات من التاريخ للآعب ( الفـلته ) المذكور اللي شوهـ الرياضه بأكملهااا
[ المقاطع حقوقها محفوظه لأصحابها .. استبيحهم عذرا على لطشها ]



أول شي كف حسن خليفه ( والله يستآهل )

http://www.youtube.com/watch?v=DdKkUrA0W3s


والله قـويه .. حركه لا أخلاقيه للأعب النصر (24) قبل مباراة الشباب

http://www.youtube.com/watch?v=rN3PAyO9bqI


ألفاظ لاعب النصر على أحمد الفريدي ... " ويقول ماقلت شي "

http://www.youtube.com/watch?v=gS8YpvRPaI8&feature=related

لاعب النصر ضـد لاعب الاتحاد نونو آسيس ..." الوسخ يوضح "

http://www.youtube.com/watch?v=m3MZwueKPrA&feature=related


لاعب النصر .. مايدري وش يبي بالضبط من النجم عبدالعزيز الدوسري !

http://www.youtube.com/watch?v=wBZts5zLa8E


لاعب النصر ... ولاعب الاتحاد محمد آمين

http://www.youtube.com/watch?v=_AiQ2bY5DQ4&feature=related


رادوي رايح يعتذر من زميله لاعب النصر افيديو بتري ...( مآتقولي وش دخلك يا ..... !)

http://www.youtube.com/watch?v=DXcWMi8Mq-o


من بداية المباراه وهو ناوي ينرفز رادوي .. لكن كبير يارادوي

http://www.youtube.com/watch?v=S3S0DF4B1fs