[بطل بكل حالاتك]

بسم الله الرحمن الرحيم
السلام عليكم ورحمة الله وبركاته


أمر غريب جداً بديت ألاحظه بقوة من مباراة الهلال والأهلي الماضية , ألا وهو (( الجمهوووور ))
معروف إن جمهور الهلال كثير في الملعب ماشااء الله عليهم , وفي كل مباراة في الرياض يكون جمهور الفريق المنافس لا يتجاوز الرابطة وكم واحد ينعدون على الأصابع , ماعدا مباريات النصر يكون جمهورهم أكثر شوي بحكم إنهم في الرياض ..
المهم / في المباريات الأخيرة إذا لعب (( أي نادي )) مع الهلال في الرياض يكون جمهورهم أكثر من المعتاد وبدرجة واضحة لا تقولون باصات تجيبهم وتوديهم لأنهم حتى في ديرتهم ما يجون بهالكثر وحتى لو جابو ديرتهم بكبرها ما يجي جمهورهم بهالكثرة !!!
لا نروح بعيد نبقى في الرياض أكبر دليل على صحة كلامي ,, جمهور النصر اليوم مع الاستقلال ,, يفشلوووون
يعني اللي يشوف كثرتهم يوم كانوا مع الهلال يقول النادي اللي لعب اليوم موب نفسه اللي لعب مع الهلال
( مايجون ربع جمهور الهلال طبعاً لكنهم أكثر من المعتاد )
الزبدة : فيه ناس مالها هم إلا إنها تجي تشجع أي نادي يلعب ضد الهلال في الرياض ويمكن يدفع لهم بعد عشان يبينون كثير ..