12/03/2011, 12:35 PM
|
| زعيــم فعــال | | تاريخ التسجيل: 29/03/2006 المكان: الرياض
مشاركات: 259
| |
|
يا حليلك يا مناحي ( المنسم )
خلونا نعّرف الشباب بمنهو ( مناحي المنسم ) هذا
هذا واحد ( نصراوي ) اسمه طبعاً ( مناحي ) , ويسكن بوحدة من الدير اللي عن الرياض ( 80 ) كيلو غرباً , يعني من ( أهل القبلة ) رضي الله عنه , بس إنه مجنبها من ناحية الكورة , يعني ( ما عندك أحد ) أو بمعنى أصح ( من جنب القدة ) !
المهم
بعد مباراة بختاكور اللي تعادل النصر فيها 2 / 2 ( وأنا بعادتي أمّسك بهم خطوط ( اللي هم مناحي وشلته ) بعد أي فوز للنصر أو تعادل وأقعد أمّدح النصر , وإنه خلاص يمكن السنة الجاية ياخذ بطوله , وإن كانهم شادين حيلهم بقوة ( أكثر ما عندهم ) ولا انقطع , يمكن ياخذون بطولة وحدة ( تالي هالسنة ) !
انبسط ( المنسم ) وقعد يمدح النصر و( هجومه ) وإن النصر الحين أفضل هجوم ( والظاهر إنه ما درى رضي الله عنه إن هجومه ثامن أفضلية بالدوري ) , المهم قعد يمدح ويثني على هالفريق اللي ما بعد طلع مثله في الدوري السعودي , لا من فريق النصر نفسه , ولا من الفرق الثانية !
وأنا قاعد ارفعبه وأقوله كل شوي ( صادق يامناحي ) , المهم وهو يتكلم ( بصراحة زققها شوي ) قال :
النصر بيرجع بس هم يخلونه ؟
ناظرته بعيوني ( وتراني أحول شوي يعني اللي يشوفني اناظره يحسبني أناظر اللي جنبه ) , وقلت من هم يا ( منسم أقصد يا مناحي ) اللي تظن إنهم ما راح يخلون النصر يرجع للبطولات ( اللي يسمعهم يقول إنهم ما هنا بطولة إلا وأخذوها ) ؟
قال : من غيرهم يعني ؟ ( الاتحاد السعودي ) !!
( تصدقون بغيت اصفقه على خشته ) بس رحمته لأنه عقب الظهر بيروح لأهله , يعني بينزل مع طلعة ( القدية ) وخفت خشمه يبتل يرعف خصوصاً مع ( الطلعة ) !
المهم مشيناها ( للمنسم ) وقلنا : ( صادق يا مناحي ) !
وأنت يا ( مناحي ) شفت النصر تأهل ( للحالمية أقصد العالمية ) والناس كلهم ضده , من الاتحاد السعودي إلى ( جندي الجوازات ) في المطار , يوم إنه عيا يختم لهم عشان يروحون يلعبون مع ( ريال مدريد ) ( ترى الجندي راحمهم من الرقعة من الريال ) , انبسط مناحي و ( مدد رجليه ) , وخليناه يعيش هالفرحة ( تدرون ليش ؟ ) لأنها فرحة ما بعدها إلا ( نكد ) !
وهو الشيء اللي صار ( مباراة القادسية ثم مباراة الهلال )
المهم , بعد مباراة الهلال , جانا ( المنسم ) وهو بصراحة ( منتفخ ) من القهر , وش فيك يا ( مناحي ) ؟
أنا هالحين اللي أفكر فيه ( وشلون طلع مع القدية وهو منتفخ كذا ) ؟
تدرون وش قال المنسم ؟
قال :
( الله يلعن أم هالفريق ( يقصد النصر ) , كله عواجيز , من حسين عبدالغني , إلى الدوخي , إلى الحارثي و أنت ماشي من مجموعة هالكمخ ) !
صراحة رحمته وطيبت خاطرة , وقلت له يا مناحي ترى المشكلة ماهي بالنصر وعواجيزه , المشكلة بالاتحاد السعودي اللي سمح للنصر ( يوصل العالمية ) وهو ما هو ( كفو ) لهشيء !!!
قعد مناحي يحكك راسه , ويقلبها من هنا ومن هناك , وقال :
(( تصدق لو إنهم - الاتحاد السعودي - خلى الهلال يلبس ( أصفر وأزرق ) ويلعب بدل عن ( النصر ) بكأس العالم كان جاب ( النصر ) كأس العالم )) !!!
ولا راح أحد يدري عن هالشي بس المشكلة ( جندي الجوازات ) اللي بالمطار , من يبي يمسكه لا يحسي ويقول ترى اللي طلعوا من عندي فريق ( النصر ) بلاعبين ( الهلال ) ؟
طلعت من عند ( مناحي المنسم ) وهو قاعد يفكر بهالموضوع , تدرون ليه ؟
هو يفكر إن النصر يبي يتأهل هالسنة بعد ما ياخذ ( بطولة آسيا ) ويروح يلعب ببطولة ( العالم للأندية ) بس متوهق يخاف ما ياخذونها !!
صدق ( منسم مناحي ) |
الوضع المتطور
