[بنت الزعماء!!]

سلاااااااااام لكل عامه ولاعبين الهلال الحاليييين خاااااااااااااصه

اخباركم ياللاعبيننا الهلال الحالييين

تدورن ليه اقول الحالييين لان لاعبين الهلال السابقيين ماعندهم عقود بالملايين ولا هم

يتشرطون ولا يطلبون راتب بالهبل و يوقعون على بيااض من جيل النعيمه الى جيل

سامي وخالد الرشيد الله يعطيه الصحه والعافيه ويخلي له بناته

نرجع لموضوعنا

اخباركم ياللاعبييننا الحالييين ان شاء الله بخير ومرتاحين و شيكتو على رصيدكم وهل

نزل الراتب ولا باقي لانه هذا يبي ياثر على لاعبكم ونفسيتكم

وان شاء الله حللتو الراتب لاني الي اعرفه والشائع عند العالم ككل اي وظيفه لابد لها

راتب في نهايه الشهر

متاكدين انكم حللتو الراتب يعني لاعبتو بذمه وضمير

طبعا اذا كان الموظف كفو للوظيفه يستاهل الراتب وحلال عليه

موب يداوم يوم ويغب شهر ويقول مرهق وابي راتب

ولا يجي للدوام بدون نفس ويحوس الدنيا ويخرب مثل البزران

يبي يقوله صاحب الشغل تقلع

لبيتكم وراتبك يجيك بس فكنا من شرك

هذا مايسمى حلل راتبه تراه

عموما

حابه اقول للاعبيننا و الاداره تراه الدوري " بح " طار مثل الطيور لما تدور رزقها

وانتم قاعدين تحللون وتطلعون اعذار يمين وشمال مره ارهاق

كانه بس الهلال اللي يلعب بكل البطولات

ومره هدف الاهلي غير شرعي ومره مدري وشو

من متى الهلال يطلع اعذار وش معنى الحين بالذات هل لانكم حسيتو باليأس

من اللاعبين وتبون تغطون على فشلكم وفشلهم او انكم تعلمون اللاعبين طريقه

اللعب على البركه باقل مجهود واقل حركه بالعربي لعب حواري يعني فزنا

خير وبركه خسرنا بقريح وتطلع من الملعب وتصفق للجماهير العظيمه اللي جايه من

كل مدينه وتقولهم

ها

وش رايكم بفشلنا احسن من اول ولا نفسه ولا نضيف عليه

بهارات

وبعدها يطلعون على التلفزيون والكشره من الوريد للوريد ويجبون اعذار اللي مال

امه داعي لايقدرون الجماهير سوا بالملعب او خلف الشاشات الله المستعان

على فكره تراه مو بس الدوري اللي طار حتى كأس الملك يبي يطير

لانه ماركه مخصصه للشباب والاتحاد واعتقد راح يجون المنافسين الاتفاق والفقر

فيها ويحتلون المراتب ويمكن ياخذ منهم الكاس

وكالعاده الهلال يتعذر كل نهايه موسم

اتذكر اخر مره اخذنا كاس الملك بعهد باكيتا الله يالدنيا والله زمن

توني احس بمعانات الفقر

على طاري الفقر لما يفوز علينا الفقر الخميس ويلاقي الاتفاق اكيد يبي ياخذ

الكأس اللي غاب عنه 40 سنه

يووه احس انكم زعلتو ليه قلت يفوز علينا

ابقولكم بمنطق

طبعا الفقر احسن منا هذا الموسم كمجموعه و روح رغم النقص الي عندهم

بس برضو مع اللاسف انهم افضل منا بواجد وخلونا واقعيين

مدري شفتوهم تعادلو مع فريق باختكور مدري وش اسمه وعلى ارضهم

وهم ناقصين و لاعبيننا وهم كاملين جبنا العيد وقتها

عندهم قوه وحماس و روح احنا كل هذولي ماهي موجوده بتاتا

اعتقد انكم اقتنعتو صح

الا على طاري الاسيويه الهلال ليه يلعبها ونطلع منها مثل كل سنه

امانه مامليتوو وربي خايفه يصكنا الغرافه بـ 4 ولا خمسه ويغمى علي مثل الموسم

الي فات

ليه ماننسحب من الاسيويه حتى يجوننا لاعبين يلعبوون للهلال مو عشان

فلوس وملايين الهلال وقتها نلعب بكل راحه ومتوكلين على العزيز الجبار

مااقول الا

الحمدلله اننا اخذنا لقب القرن قبل مانشوف اشباه للاعبين اصحاب الملايين

في العقود والرواتب اللهم لاحسد











هذا الي بخاطري

ان احسنت فمن الله وان اخطت فمن الشيطان