[هلالي الأنفاس]

السلام عليكم ورحمة الله وبركاته

حي الله الزعماء واشكر الادارة الراقية على السماح لموضوعي البسيط بالمشاركة في هذا الصرح الشامخ

اكثر مايثير انتباهي ( غيظي ) هي ان يتم تسمية لقائنا بالاصفر الصغير (الاصيفر ) بالديربي

فهل يعاقل أن نطلق على مباراة البرازيل & جيبوتي على انها مباراة الديربي ؟؟؟؟

نعم نحن برازيل آسيا والتاريخ يشهد بذلك

نعم نحن برازيل الدوري السعودي والتاريخ يشهد بذلك

نعم نحن نحن نحن نحن ...... إالخ والتاريخ يشهد بذلك
ختاماً أرجوا من الزعماء عدم إطلاق كلمة ديربي وذلك بسبب بسيط أن ديربي الهلال مع الشباب اما الاصيفر ديربي الفيصلي .

(( مسلسل باب الخمسات)) :
بطولة : أحمد عباس ( معتز ) قوة وعنف ودبغ وتكسير وترفيس وكوع وضرب وووووو ....الخ
محمد السهلاوي ( عصام ) ضعيف شخصية ولا يجيد حتى أبجديات كورة القدم ووووو ....الخ
حسين عبد الغني ( ابو شهاب ) صياح وصوت عالي واحتجاج على كل صغيره كبيره وبالاخير ينهزم خمسه
إخراج : خميس خمسان الخميس
وسيعرض بتاريخ 5/4/1432هـ يوم الخميس المقبل

[حمـ(الهلالي)ــد]

ومازال مسلسل الاستهتار مستمر من بنو هلال !!!!!!

[smart90]

اية هذا الي مضيعنا استهتار وستحقار الخصم

الحين الهلال في المباره الي راحت متعادل ومستواه نازل وانت تقول خمسة وماخمسة

كانك تذكر الموسم الي راح يوم يفوز النصر علينا كان من الستحقار الزايد من كل الهلالين

الهلال بيضيع وبيطيح مستواه من التحقير والتقليل من الخصم

الله لايهينك تبي تكتب موضوع اكتب موضوع يفيد الهلال مو تكتب موضوع يضرالهلال

سلام

[هلال 19]

88888


يا اخواني صحيح الاسهتار يجعل الهلال يحسر بس مو مع الفقر مع الخمسات


الفقرر لو تدخل بالرديف راااح تفوز عليه 2-0
فما بالك بالفريق الاول

[هلال 19]

إقتباس الرسالة الأصلية كتبت بواسطة smart90 اية هذا الي مضيعنا استهتار وستحقار الخصم الحين الهلال في المباره الي راحت متعادل ومستواه نازل وانت تقول خمسة وماخمسة كانك تذكر الموسم الي راح يوم يفوز النصر علينا كان من الستحقار الزايد من كل الهلالين الهلال بيضيع وبيطيح مستواه من التحقير والتقليل من الخصم الله لايهينك تبي تكتب موضوع اكتب موضوع يفيد الهلال مو تكتب موضوع يضرالهلال سلام

ياعزيزي فوزهم العام صدفه من الصدف
ما عمرك حصل لك صدفه بالدنيا


جمهور يخليك ماترووح من بريده للرياض
يحبطك
ما يخليك ترروح


الهلال متاهل


بس ينتظر الفايز من الوحده والاتفاق


الفقر مباراتنا معهم الوديه اقوى للهلال


النصر عندهم انها نهائي كاس العالم

[بهلوله الهلاليه]

الله يستر بس

للحين مستهترين بالنصر؟
اصلا الهلال صار يفوز عليه بالقوه

والنصر حاليا في افضل حالاته


الله يوفق الزعيم بس

[هلال 19]

إقتباس الرسالة الأصلية كتبت بواسطة حمـ(الهلالي)ــد ومازال مسلسل الاستهتار مستمر من بنو هلال !!!!!!

الاستهارمع الاتحاد صح

مع الشباب صح


اما مع فقر هههههه

تسميه فريق

ابو الخمسات

[تركي السلماني]

أقول الله يستر من الخمسة علينا بسسسسس !

[**الـــــــــواوا**]

هاذي مشكلة الجمهور الهلالي... ثقه زايده عن اللزوووم وفي غير محلها

على العمووم احترامنا للنصر ومهارة لاعبينا بتأهلنا للنهائي , غير كذا مافيه تأهل

[رايــــق]

الهلال باذن الله كبير وقوي وقادر على هزيمة النصر الا ان رفض
كيف يرفض يرفض ان كان لاعبين الهلال بعقلية بعض الاعضاء المستهترين
ياعالم هذي كوره مالها امان
شفنا الهلال بافضل حالاته ويهزم
فكونا من احمد علي وحطو ياسر وعيسى
حطو خالد عزيز مع رادوي
واتركو الشلهوب حر طليق
وابشرو بالفوز باذن الله

حسن العتيبي تكفى ياحسن خلك على الموجه الصح والارسال فل وصحصح

[الرايق الازرق]

إقتباس الرسالة الأصلية كتبت بواسطة هلال 19 ياعزيزي فوزهم العام صدفه من الصدف ما عمرك حصل لك صدفه بالدنيا جمهور يخليك ماترووح من بريده للرياض يحبطك ما يخليك ترروح الهلال متاهل بس ينتظر الفايز من الوحده والاتفاق الفقر مباراتنا معهم الوديه اقوى للهلال النصر عندهم انها نهائي كاس العالم

اسمح لي ... بصراحة ماهو كلام واحد يعرف كورة ...
بصراحه لو كان اللاعبون يفكرون بمثل هالتفكير ... (يقبلون النادي) ويرتاحون ويريحون ...
مباراة النصر من اصعب المباريات لعدة اسباب .. من اهمها انها تأتي بوسط تعدد المشاركات للفريق وتعدد البطولات وتداخلها ...
الهلال يحارب على عدة جبهات (بطولات) وهو الفريق الوحيد المنافس على جميع البطولات ...
عموماً نسأل الله التوفيق لفريقنا وان يقي لاعبينا شر الاصابات ...

[ملوك آسياااا]

بإذن الله مسلسل الخمسات مستمر في يوم الخميس بتاريخ خمسه ربيع الثاني سيكون هو الإنتصار الخامس والخمسين للهلال على النصر إذا ماعرفنا أن عدد مرات فوز الهلال على النصر حتى الآن 54 فوز ^_^

يارب ياكريم وفق الهلال وأجعل الفوز والتأهل للنهائي من نصيبه يارب

[modi]

انا اكثر مايضايقني التهــورر من جماهير الزعيم وعدم احترام الخصم هذه من اكبر المشاكل ،ولايخفى عليكم ان وضعنا الآن سيئ .. انت من تنادي بالخمسات ومهمش الفريق الآخر ومعطيه اقل الأمكانيات..... فريقنا اخر مبارياته يجيب الهم من مستواه ونتائجه الضعيفه اسمحلي تهور في غير محله .. ووعدنا بعد المباراة في حالة لم يهزم هلالنا . واذا فاز الهلال فاز بفارق هدف والله اعلم ... تضل وجهة نظر وواقع يلامس الحال ...وشكراً

[صاروخ ريفالينو]

ودي أعرف وش الفايدة من الموضوع !!

ما له أي فائدة ..!!

[أبوعبدالـلـه]

نتمنى عدم فتح مواضيع الاستهتار
امامنا النصر
والغرافة
والاتحاد العائد بقوة الآن
وبالتوفيق للهلال