[يكفي لونه و جنونه]

بسم الله الرحمن الرحيم
السلام عليكم ورحمة الله وبركاته
اوووول شيء احب اقووول لنا كلنا كأعضاء واخوه نجتمع على حب الزعييييم ونختلف بس فى وجهات النظر هارد لـنا على الخساره من سبهان الإيراني >>ونقولهم الوعـد بإيران إن شاء الله
صراحه انا كاتبه موضوعي هذا عشآآآن أول شيء أحب اقولكم يارييييييت لو نقفل صفحة الاسيويه الجوله الاولى خلاص راحت بخيرها وشرها...
إنهزمنا ببداية المشوار ولعل هذا خير لتدارك الامور وتصحيحها من قِبل الاداره كلنا نعرف إن سمو الامير عبد الرحمن بن مساعد امس اجتمع مع اللاعبين واجتمع مع الاداره واكييييد ناقشوو سبب الهزيمه اللى اكلانها من سبهان....
بااااقي 5 جولات بالاسيويه وكل شيء مكتوب ومقدر ادا لنا نصيب والله رااح نتاهل بالمركز الاول مو بالمركز الثاني وادا مالنا نصيب ربنا مو كاتب لنا خلاص
نقوول الحمد لله على كل حاااااااال يمكن خييييره لنا وللفريق...
نقووول إن شاء الله سبهان تتعادل مع الجزيره الاماراتي.....
والهلال يفوز على الغرافه بإذن الله ....
صراحه حنا لازم ننسى الاسيويه الحيييين ونفكر بس بالدوري لاتنسون الأهلى مستواه كان فى آخر مباراه رائع وأكثر من رائع... وحنا صراحه نبي 3 نقاط ومانبي غيرها... بس بتوفيق الله إن شاء الله ومن ثم حضور روح اللاعبين ومساندة جماهير الزعيييم نبي نشوف الــ 50% اللى لنا من المدرجات فــــــل مانبي نشوف كرسي
فاضي... بطووولة آسيا مالها دخــل بالدوري احضرو وشجعو بالدوري
والمباراه الجايه فى بطولة أسيا مع الغرافه انا حالفت عليكم محد يحضرها
>>لانها بقطر مو بالسعوديه
ثاني شيء عندنا مباراه مع النصر يوم الخميس انتم كلكم عارفيييين انها مهمه بالحيل
وانتم عارفين جمهور النصر وتعرفون النصر جاي من تعادل على ارض باختكور الاوزبكي بمثابة فوز لانه على ارض باختكووور.... يعني بيدخل المباراه منتشى ويبغى يوصــل لنهائي بس إن شاء الله زعيييييمنا يتوفق ويكون طرف أول بالنهائي للمحافظه على اللقب....
الهمه الهمه ياجمهور الزعييييييييييم أغلقو صفحة الاسيويه وافتحو صفحة الدوري من جديد وكأس ولي العـــهـــد .....
لاتنسو هالمباراه اللى مضت كانت اول هزيمه للهلال هالموسم يعني حراااااام
كل اللى تسوونه ....
بالله مو عيب علييييييكم جمهور الاهلى يحضروون وهم ماقد فازو الا مباراه او مبارتييييين وربي عيييييييب بحق جمهور الزعيييم اللى ماقد خسر ولا مباراه بالبطولات المحلييييييه...
همسه1: همسه فى أذن كل مشجع هلالي الهلال يمرض ولايموت
همسه2: همسه فى اذن كل مشجع هلالي أحنا فى بدايه المشوار تفاءلو بالخير تجدوه
همسه3: همسه في إذن كل مشجع هلالي لاتنسوون إحنا عندنا لاعبين من أفضل اللاعبين الاجانب وأداره من افضل الادارات ومدرب من أفضل المدربين وإن شاء الله تتصحح كل الأخطاء اللى صارت بالمباراه السابقه....
همسه أخيره: لاتدفنو كل اللى سواه الهلال بالسنوات الماضيه وهالسنه لاتنسون
مبارياته ليييييييه لما يفوز حتى لو مستواه سيء قلنا والله الهلال بطل...
ومدحناه وكثرنا من المدح وحطيناه يادهينه لاتنكتين...
ولما يخسر كلنا نسب ونشتم ما أكأنا قبل فتره كنا نمدحه وماخلينا ولابقينا وماقلناه فيه
ليه لما يخسر اقيلو المدرب والا اقيلو فلان والا الاداره يبي لها تغير والا عبد الرحمن بن مساعد انت السبب ليه ماتقولون هالكلام الا لما يخسر الفريق...
ياجماعة الخير !!!!! والله والذي لاإله غيره عندنا فريق نحسد عليييييييييييه عندنا إداره نحسد عليها
المغزى من هالكلام كــــله
1)ابي جده تهتز من جمهور الزعيييييم يوم الأحـــد إن شاء الله وإن شاء الله ماترجعون لبيوتكم الا بالثلاث نقاط بإذن الله...
جمآآآآآآآآآآآهير الرقم الصعب كونو
على الموعد
حملة نبيها فـــل مانبيها بس فتره وتروح
من يوم طلعت الحمله وأنا اتمنى انها تستمر
ليه تطالبو اللاعبين بمجهود والفوز وانتم بس تحبو تتكو بالبيت وتشوفو المباراه او بالاستراحات او الكزينوهات وتقولون للاعبين فوزو ولو خسرو طربقتو الدنيا وانتم ماحضرتم ولاشجعتم وسويتم حماس

2)أبيكم تقفلون الاسيويه وتتفاءلووون بالخير
3)اللى حاطيين تواقيع مال اومها داعي ياريت يشلوها قال اقيلو المدرب والا ارحل ياكالديرون
ليه ماقلتم هالكلام يوم كنتم تفوزون صحيح يغلط وكلنا نغلط وإن شاء الله غلطه وتتصحح مافيه إنسان معصوم من الغلط
4)ابي اللى يكتب رد او موضوع يكتب وينتقد بس بدون نقد جارح ينتقد نقد هادف وبناء
ينتقد بإسلوب حلووو
خلاص بطلووو سب وشتم ..

والله ثم والله ثم والله كل كلامي هذا مجرد امنيه ان احببتموه فطبوقوه وان لما تحببوه فإمسحوه من مخيلاتكم....
والسلام عليييييكم ورحمة الله وبركاته...