[بيكهام الدوسري]

السلام عليكم ورحمة الله وبركاته ..
بإختصار وبدون إطاله .. اكثر اللاعبين اللي فقدهم الهلال هذا اليوم ..
1- لي يونق بيوو ..
2- خالد عزيز ..
3- النجم عزوز الدوسري ..

يعني الهلال فقد روحه بأهم المحاربين والمقاتلين في مباراه سابهان ..
لي يونج .. لا يختلف اثنين على اهميته واهمية التجديد له موسم او موسمين .. ما دام انه قادر ع العطاء .. هاللاعب مفيد جدا باليمين او اليساااااااار ..

خالد عزيز .. المقاتل .. اللي كان وجوده ممكن يحرر رادووي ويجعل ادواره هجوميه .. ولا ننسى قوة رادوي الجسمانيه .. تفيدنا ضد الايرانيين ..

عبد العزيز الدوسري .. اااخ يا عزوووز .. لولا الاصابات .. لكنت من افضل لاعبي الهلال ..
لاعب يلعب بالعقل ما شاء الله تبارك الله ..
تأثير غيابه واضح على الهلال ..
وهو بنظري أفضل من الفريدي ..

سؤال في بالي .. يا اخوان هل فهد الشمري هلالي ؟
والله العظيم حسافه مسجلين لاعب ولا يلعب ..
يا ناس لعبوووه . ارجووكم لعبوووه ..
سبحان الله وش هالسياسه الخايسه ؟
نشب لكم بمباراة الهلال والطائي من سنوات .. ولا خلاكم تفوزون .. وقلتوا بنشتريه .. طيب وبعدين ؟
راكنينه بالدكه الين تخلل ..
ياخي حرام والله العظيم حرام ..
حارس لو ما اعرفه .. كان ما قلت هالكلام ..
لكن حارس مبدع .. وانتم قتلتوه ..
اقلها بيعووه .. وخل نجيب ظهير مكانه .. بدل المركز المشغول على قل فايده ..

عيسى المحياني .. مرحبا بعودتك .. قسم بالله الملاعب مشتاقه لك يا رووحها ..

محمد القرني .. صرت اتفائل بدخوله للمباريات .. عندما يدخل يسجل الهلال .. وجه خير والله ..
بدايه من لقاء الفتح .. ودخوله اخر الدقايق وتسجيلنا هدف الفوز .. الى لقاء الفريق الايراني وتسجيل ويهامسون الهدف ..


الى متى يا هلال ..


تبون تفوزون بالاسيويه ..
الزوري لاعب الله يستر علينا وعليه .. ما منه فوود .. كل ما لعب جاب العيد .. يتقدم ولا يرجع .. وان رجع جاب العيد .. نبي الكعبي مكانه .. والاحتياط شافي .. او اللي تبوون ..
الظهير الايمن الكووري .. والاحتياط نامي .. واذا بغى الكوري يروح يسار ونامي يمين اللي تبون ..
المرشدي يلعب زين .. ويحسن نفسه بالعرضيات اللي علينا .. والا الدكه تنادي .. بديل جيد .. ورجعوا المفرج اصرف .. لازم لاعب مدافع اطلق من ابو بلنتيين ..
عبد العزيز الدوسري اساسي .. والفريدي البارد احتياط .. مع اعجابي به مباراه .. ورفعة ضغطي منه 10 ..
نواف العابد اساسي .. لو يترك الغرور عنه ..
الشلهوب والله احبك .. بس اذا ما تأدي زين .. نعذرك .. وخلك احتياط وورقه رابحه .. ترى الدكه مو عيب .. وسامي كان يلعب احتياط .. ولا انسى المباراه الشهيره .. مباراة الحزم ..اللي دخل فيها وسجل هدفين .. بالوقت الاضافي الثاني ..
ويلي كان كويس امس .. بتحركاته .. لكن التسحيب .. من جنبها .. يروح يمين يتفاجأ ان الكوره راحت يسار .. 50 مليون عطوني اياها وربي لأحرق الملعب حررق .. بس لو انحف شوويه .. وابشركم ترى فنان بالفاولات .. ولعيونكم خصم 10 مليون .. 40 مليون ولا تجادلوون ..
أحمد علي لاعب كويس .. وما نقدر نحكم عليه بدري .. لكن اللاعب متفائل فيه كثيرر .. الله يوفقك ..


تشكيلة الهلال المناسبه من وجهة نظري ..
الحراسه .. العتيبي ثم الشمري ثم السديري .. في ظل اصابه شراحيلي .. ولو ان ابو عتب اشره عليه بالعرضيات ..
الدفاع .. لي يونق .. اسامه .. المرشدي الكعبي ..
الوسط .. خالد عزيز .. رادوي ..
عبد العزيز الدوسري .. نواف العابد .. ويلهامسون ..
الهجوووم عيسى المحياني .. وكل عقده ولها عيسى ..
في حالة اللعب بمهاجمين .. اخراج احد لاعبي الوسط والزج بياسر او احمد .. وان كنت افضل احمد ..
اما اذا كان بيرجع ياسر 2007 .. فسيكون اساسي غصب عني ..
اما ياسر 2010 و 2011 .. ما يعجبني ابد ..

وعلى فكرره .. متفائل لما انهزمنا .. ومبسوط لما نشوف وضعنا بدرري .. نلعب على انفسنا نقول برشلونه ..
سلاااام ..


لي تعقيب بالرد رقم 7 ..