[هلالي وغيره ماطرالي]

اهلاً بالزعماء

كلنا لاحظ اغلب الأعضاء كل واحد جاب له اكثر من سبب للخسارة

انا من وجهه نظري كالديرون ثم كالديرون ثم كالديرون

اخطاء خطاء كبير كان من المفروض مايلعب في بطوله اسيويه مهمه وفريق قوي مثل سبهان بمحور واحد!!!!

كان من الضروري وجود خالد عزيز على حساب احد لاعبي الوسط مع اني كنت افضل مكان الفريدي

مشكله كالديرون حاط في راسه تشكيله جريتس ويبي يمشي عليها

جريتس كان يلعب بمحور واحد بالمباريات الضعيفه واحيانا تفرض عليه الاصابات باللعب بمحور واحد

لكن الحين عندك القرني وعزيز جاهزين

عدم احترام الخصم شف نتيجته

كان من المفروض تدخل الكابتن سامي

انا ما احمل الخسارة للمدرب لا

بس احمله النسبه العاليه لانه لو وضع التشكيله المناسبه ووظف اللاعبين التوظيف المناسب كان على الاقل الفريق ادى مباراة ممتعه

اما النسبه المتبقيه للاعبين اللي للاسف مستوى هزيل قدموه مع اننا كنا نتوقع منهم الكثير

نعم هناك نقص بس هذا مو عذر

لان فريق كبير مثل الهلال من المفروض انه مايتأثر بالنقص

إن شاء الله ترجع روح الزعيم بعودة المصابين والموقوفين

هذي اول خسارة يتلقاها الزعيم هذا الموسم وان شاء الله اخر خسارة

باقي 5 مباريات وبأمكان الفريق انه يعوض انشاء الله

*****رسائل للاعبين اللي شاركو بالمباراة مع سبهان*****
السديري انت حارس المنتخب القادم وقدامك مستقبل ان شاء الله

شافي انت ضهير ايسر المنتخب وتذكر كلامي بس حافظ على التمارين وفكر كيف تطور مستواك وانا اضمن لك الخانه

المرشدي اتمنى تستفيد من اخطائك يعني لاعب ايراني تتركه خلفك لحاله!!

هوساوي عليك مسؤليه كبيرة بتوجيه خط الدفاع كامل الله يعينك

نامي لاتعليق!!!

رادوي ياليت كل اللاعبين عندهم نفس الروح القتاليه اللي عندك

الشلهوب ظهورك بمستوى مو مستواك مو ذنبك ذنب المدرب اللي كلفك بمهام مو مهامك

نواف العابد انت نجم الكورة السعوديه القادم اتمنى منك التركيز اكثر من كذا

الفريدي انت لاعب مهاري بس ياليت تكون عندك روح رادوي القتاليه وسرعه ولي!!!!!

ولي كلنا نعلم انك تملك امكانيات اكبر من اللي قدمتها الموسم هذا وننتظر منك المزيد

احمد علي بطئ واااااااااااضح !!!

وقفة:
ياسر لي يونق عزيز حسن فقدناكم بالمباراة