[مملكة الحزن]

بكل أمانه ما استوعبت ولا توقعت انه اللي يلعب قدامي لاعبين الهلال حرام اني اقول

لاعبين و المدرب مدري وش يسوي الظاهر انه يعتقد انهم مثل البلاي ستيشن في اي

مكان تلعب اللاعب يا اخوان لازم يكون في تدخل حازم في اكثر من دليل انه في

اشياء غير فنيه و ابصم بالعشره لانه في كم ملاحظه ابغاكم تتابعوها معاي :

1 - كيف يتم استعدعاء الحارس السديري و ابقاء الشمري وهو الحارس الإحتياطي

في ظل إصابة الحارس الاساسي .

2 - في حال انكم ما تبغون اللاعب الكوري السنه الجاية وين الباك اليمين ولا بتعتمد

على طيب الذكر نامي .

3 - الباك الايسر الهلالي لا نختلف على مستوى اللاعب شافي لكن امس سيء لكن لو

ايش يصير ما راح تلعبون الكعبي اجل ليش شريتوه من الاساس و تراه مره ممتاز .

4 - الفريدي ترى مافي لاعب اعلى من الكورة و المشجع الهلالي مو في حاجه انه

يحرق اعصابه على برودك الدائم يا تلعب مثل الاوادم يا الباب يفوت جمل .

5 - احمد علي انا اشوف انه مو في ذاك المستوى و كان اولى ان اللي يلعب عيسى و

لكن نفس مشكلة الكعبي ما نبغاه يلعب اساسي ليش ما ادري .

6- كالديرون الهلال مو حقل تجارب يا تلعب على المضمون يا تمسك الباب و يستر

عليك ربي

7 - إدارة الهلال لابد من الحزم اسلوب اللين ما ينفع و ترى جمهوركم يحتترق

ارجوا احترام المشجعين و استقطاب افضل اللاعبين المحليين و الاجانب و ترك

اسلوب عدم الدخول في مزايدات لانه اسلوب عقيم هذه لعبة و اللي يدفع يلقى .

وآسف على الاطاله و عدم ترتيب الموضوع لاني بالفعل مقهور و موجوع من

حبيبنا الهلال