[مشمش محب شلال]

السسلام عليكم

اولاً هاردلنا الهزيمه صراحه كانت قاسسسيه جداً علينـا

الان ومن المفترض كجمهور محب للكيان وعاششق له اولا ان نستخلص الايجابيات والسلبيات لهذه المباره

انا اتمنى من الاداره ان يكون هناك قبل وبعد كل مباره موضوع يكون كالتالي :

موضوع ماقبل المباره :

( توقع للتشكيله الهلاليه+ تشكيلة الفريق الأخر <وهالكلام موجود بالشبكه لكن نزيد على ذلك

السيناريو المتوقع وكشف سلبيات فريقنا وحلها ثم تفعيل الايجابيات وتطويرها + كشف سلبيات فريق الخصم ونقاط القوه لديه

موضوع مابعد المباره :

( نناقش ونربط الموضوع الاول بهذا الموضوع نشوف السلبيات اللي تكلمنا عنها هل هي موجوده ؟ ام تم حلهـا؟
كذلك الايجابيات اللي تكلمنا عنها .. استفدنا منها ؟ فعلناها ؟

+ ويكون بعد ذلك تقييم لكل لاعب

أداءه في الملعب ؛ هل افاد خانته ؟ ماهي اخطاءه اللتي يجب تلافيها مستقبلاً

+ تقييم للمدرب ؟

تشكيلتة اللي دخل بها المباره ؟ طريقة لعبه بناء على ذكرناه من تفعيل الايجابيات وهي مهمه جدا لكل فريق فنرى فريق (س) يمتاز بالتمريرات القصيره وفريق(ص) يمتاز بالعرضيات وهكذا بجانب التكتيكات الاخرى

ايضـاً هل وفق في التبديلات اللتي اجراها ؟ وهل وفق في خطة مابعد التبديلات .. احياناً يوفق مدرب في تبديل ولكن لايوفق في تغيير الخطه

::::::::::::


عن هذه المباره كالديرون :

اخطأ في التشكيله اللي دخل فيها المباره بعدم اشراك خالد عزيز مااعرف العذر هل لان خالد كان توه جاي من اصابه ؟ ماادري مالقيت عذر احد يقنعني

يعني كان المفترض بدل الفريدي او الشلهوب من البدايه

لكن بغض النظر عن الفريدي الليله ومستواه انا كنت اتوقع خالد مكان الشلهوب من البدايه

لوجود العابد في الجهه اليسرى ورادوي بيتقدم يساند العابد (طبعا لو قلنا عزيز موجود ) ويرجع ويتاح له التسديد

ولو كان عزيز بدل الشلهوب تكون المنطقه اليسرى للعابد والشلهوب (لان الشلهوب يميل لهذه الجهه) والوسط يكون فاضي

هذي كلها فرضيات

مشكله قديمه للهلال او بالاخص دفاع الهلال

وهي العرضيات

مششكله سببت لنا مشاكل اتمنى حلها


رساله لاحمد علي : اهدى يااحمد حماسك المفرط انعكس سلباً على ادائك , انت تملك الكثير ولكن اذا تريد النجاح

انسجم مع فريقك والعب بعقلك
براسك الان انه
-لازم اثبت نفسي اني صفقه ناجحه .
-لازم اجيب اهداف باسرع وقت ممكن .
تفكير ايجابي لكن كثرة التفكير بانك لازم ولازم ولازم وووو انتجت حماسك المفرط وعدم تركيزك للعب وفي المستقبل
يمكن يصيبك احباط .
فانا اقول لك روق بس مو مثل ... لا اقصد خفف من حماسك شوي

حاول تسمع نكته قبل تدخل المباره تخفف منك وتغير مودك شوي

::::::::::::::::::

المباره اليوم كانت سيئه

استفاق اللاعبون بعد الهدف الاول لويلهامسون يعني سبحان الله

وكانت سيناريو مشابه تماماً للشوط الثاني امام الفتح . الا انه امام الفتح اسعفتنا راسيه المرشدي اللي اعتب عليه بصراحه واتمنى يرجع المرشدي زي اول ايام خليجي 19
(المرشدي كان لي موقف معه صراحه اخلاقه عااااليه جدا الله يوفقه)

نبي نذكرك ياالمرشدي حتى بعد اعتزالك بسنواات مثل مانذكر اللاعبين المميزين القدامى في الهلال (طبعا بالخير )


* رأينا اما الاهلي طريقة لعب ممتازه جدا وهي التمريرات القصيره بين لاعبي الوسط بالقرب من مرمى الخصم

كانت فعااااله جداً وامتاز بها الهلال

هذا رأيي بالنسبه للمباره ااتمنى نسمع أرأئكم بعيداً عن العـــاطفه

لحد يجي مطفي النور ويسب ويسخط يعني تقدر تقول هاللاعب الفلاني اخطأ بـ كذاوكذا بدون انفعال

بعد المباره اكيد الاعصاب مشدوده لكن نقول اول المشوار وان شاء الله نرى الزعيم ولاعبيه بششكل مختلف فاللي حدث احمد الله انه صار في اول مباره للهلال في مشواره الاسيوي ليكون هناك وقت (وان كان قصير) لتلافي ماحدث