ضمان الدوري المقصود بة التخدير و عبدالرحمن الرومي مثال ذلك - نادي الهلال السعودي - شبكة الزعيم

دكتور رياضيات · #1 21/02/2011, 11:05 PM

بسم الله الرحمن الرحيم

السلام عليكم جميعاً
عبدالرحمن الرومي يقول الدوري هلالي خلاص
ثم قال 99% الدوري هلالي
الهدف من كلامه كله تبنيج وتخدير لاعبي الهلال
ما يدري أن الفرق 8 نقاط فقط يعني ماتدري وش يصير قدام
يعني فيه مباريات أمام فرق قوية كالاتحاد والأهلي والنصر والشباب
الهدف من الموضوع عدم السماع لهذا الكلام المخدر والدوري مطول والله يوفق الزعيم الهلالي ..

دكتور رياضيات · #2 21/02/2011, 11:29 PM

شكرا على الرفع
بس لو ما غيرتوا الموضوع *_^

Final Dance · #3 21/02/2011, 11:32 PM

كلامممم سسسليم

الدوري مطول وقدامنا فرق قويه
واكيد تخاف من الفرق الصغيره ومفاجآتها

الله يوفق الزعيم على طول

عوافي وتسلم يمينك

هلالي والراس عالي 7 · #4 21/02/2011, 11:33 PM

الله يعافيك ع الموضوع ..

صحيح اخووي يجب ان ننتبه من التخديـــر ولا نضمن الدووري أبد ..

ولازم نلعب كل مباراة كأنهـآ نهائي ..

لآهــــنـــت ..

Μĩsħ3άł · #5 21/02/2011, 11:36 PM

كلامك صحيح , المبآريآت الجاية كلها قوية
مع النصر والشباب والاتحاد والأهلي ,
وكما قال سامي الجابر في تصريحة

راصـــــد1122 · #6 21/02/2011, 11:37 PM

صححححححححححححححححيح 100%

No E7tkak H · #7 21/02/2011, 11:39 PM

::
والله خدر ولا ما خدر الدوري هلالي للمرهـ الثانيــة ع التوالي من ورا خشمه
الهلال رغم الاصابات والايقافات ماشي صح ماشاء الله
هذا بفضل الله ثم بفضل مدربنا كالدي
بالتوفيق للزعيم

<الزعيم> · #8 21/02/2011, 11:42 PM

باقيلنا مبارايات قوية باقي الاتحاد والاهلي والنصر

يعني 9 نقاط ممكن تضيع لا سمح الله اذا تخاذلنا لابد ان ينتبه الهلال عى هذي النقطة

وخصوصا هناك غيابات وايقافات

لدرجة ان اليوم ما فيه بديل للاعب احمد الفريدي

الفريدي اصيب لكن ما طلعوه لان كل الي بالاحتياط كلهم مدافعين

هلاليه زي القمر · #9 21/02/2011, 11:52 PM

وشلون الدوري هلالي والفارق 8 نقاط والمتبقيه 27 نقطه في متناول جميع الانديه

ارحمونا بس الدوري للحين بعيد واذا بتقولون الدوري هلالي فأنتطروا مفاجأة الفتح

بالتوفيق للزعيم يارب

يعطيك العافيه

ابتسامة صمت · #10 21/02/2011, 11:53 PM

الرومي ماقصد يخدر لاعبين الهلال

بس قال ان الفرق 10 نقاط >>> وهو قال الصدق

بعدين لاعبين الهلال فاهمين ومااتوقع التخدير بيأثر عليهم

وبوجود كالدي وسامي لاخووف ع الزعييييم الا من نفسه.

امل هلالي · #11 21/02/2011, 11:55 PM

يخدرون الهلال لمصالحهك الشخصية

عين أمي · #12 21/02/2011, 11:55 PM

وش يقصد الرومي لما يقول ان البطولة هلالي وهذا دليل ان الدوري سيء السنه هذي ؟!

عــــ الأزرق ــاشق · #13 21/02/2011, 11:59 PM

يجب علينا دعم الفريق مو نخدر الفريق ..
استغرب من بعض الردود اللي تقول فارق النقاط كبير ..
الدوري مازال طويل وقدامنا مباريات قويه ...
يجب أن نساهم في رفع درجة الحماس لدى لاعبين الهلال ...
مستوانا اليوم جيد لكن نطمع بالأفضل لأن عندنا نجوم على مستوى عالي
الله يستر عليهم من الإصابات والغرور ...

دكتور رياضيات · #14 22/02/2011, 12:00 AM

الرومي يا شباب هدفه التخدير لا أكثر ولا أقل

أميـــر الليل · #15 22/02/2011, 12:03 AM

أإأكيد التخدير

أجل حب في الهلآل ؟ هههههههه

لآكن الهلآل سيظل على نفس المستوى في جميع المبآرآيات بإذن الله

,,,