نواف بن سعــد والعــــفو عند المـــقدره ........... قصيده ............سلــيمان الشدوي - نادي الهلال السعودي - شبكة الزعيم

سليمان الشدوي · #1 21/02/2011, 10:41 PM

السلام عليكم ورحمة الله وبركاته

هذا الخبر

صحيفة الجماهير - نايف الصالح :

بعد أكثر من ستة أشهر من القضية المرفوعة من نائب رئيس نادي الهلال الأمير نواف بن سعد ضد رئيس نادي الجيل و الإعلامي عبدالعزيز المريسل أسدل الستار عنها بالصلح و عدم تنفيذ الحكم القضائي على شرط تقديم الإعلامي السعودي إعتذاره للأمير و الإعتراف بعدم صحة ما ذكره في لقائه الذي نشر في الزميلة : سبورت السعودية " .

الشهامه// والوفا/ والعفو عند المقدره
..........................والتواضع /والتسامح/ من صفات المؤمنين

وانت يانواف/ تستاهل /تسمى مفخره
..............................بعد مافكيت (حبل القيد) من حلق السجين

تدمح الزلات دمح / وكل كسرً تجبره
..................................موقفك وافي ولايوصلك لوم اللايمين

ياسمو الخير/ خيرك / لو خويك ينكره
...............................ماعليك من الكفوف اللي تصفق مرتين

فيك خير/ وفيك بر /وفيك طيبً تظهره
........................... ..في زمان الحاقدين / وفي زمان الشامتين

التسامح شيمتك ماهو كلام وثرثره
................................والنعم يا ابو سعد /ياراعي العلم السمين

مايحـــذ ّف بالحصى /غير الغصون المثمره
.................................والغصون المثمره تعطي ثمر في كل حين

المريسل قدم اعذاره ومثلك يعذره
...................................كيف ماتعذره وانتي اللي باخلاقك رزين

جاك يستعطفك وانت اللي جميلك تنثره
........................................للصغير /وللكبير/ وبالشمال/ وباليمين

كنت تقدر تكسر المخطــي/ وتقدرتقهره
.................................... كنت تقدر!! لكن الاحساس والمعدن ثمين

درس للي يفهم المعني ويبغى تذكره
...................................... ربما يثمر في المخطي/ وبعض الكاذبين

ياميرً بالخلق / والعفو عند المقدره
........................................ يحفظ الله لك شبابك / يا امير المحــسنين

ابووائل · #2 21/02/2011, 10:43 PM

صح لسانك والله يعطيك العافية

أميـــر الليل · #3 21/02/2011, 10:45 PM

صح لسآنك

كلمآت جميلة جدآ ومعبرة

الله يعطيك العآفية

,,,

Emtenan · #4 21/02/2011, 10:49 PM

اللهم انصر الهلال فوق كل ارض وتحت كل سماء ♥.

Abo 3yham · #5 21/02/2011, 10:51 PM

الله يعطيك العافيه ع القصيدة

ويستااااااهل وجة السعد

الخمسيني الهلالي · #6 21/02/2011, 10:59 PM

لا فض فوك والأمير يستاهل كل خير وهو عمل بأصله ومعدنه النقي

gassm.2014 · #7 21/02/2011, 11:02 PM

صح لسااااااااااااااااااااااااانك

رامـبو الهلالي · #8 21/02/2011, 11:03 PM

صح لساآاآنك وابدعت بيض الله وجهك

إقتباس


	كنت تقدر تكسر المخطــي/ وتقدرتقهره .................................... كنت تقدر!! لكن الاحساس والمعدن ثمين

انا اشهد الاحساس والمعدن ثمين

أسامة أبوريان · #9 21/02/2011, 11:04 PM

صح لسانك والله يعطيك العافية

يا لبى قلبك يا وجه السعـد ’’’

$حنونه الهلاليه$ · #10 21/02/2011, 11:10 PM

//

إقتباس


	كنت تقدر تكسر المخطــي/ وتقدرتقهره .................................... كنت تقدر!! لكن الاحساس والمعدن ثمين