[زعيم العطا]

بسم الله الرحمن الرحيم

اهلا وسهلا بالزعماء و مو من عادتي اني اكتب مواضيع بس والله من القهر اللي اشوفه ومن اهتمامي لفريقي وهذا الكلام اللي بقوله يعتبر وجهة نظر تخصني يعني لايجي واحد ويقولي مندس ومن هالكلام عشان مشاركاتي ...


طبعاَ بعض الجمهور واركز على كلمة ( بعض ) يعتبر جمهور عاطفي ان فاز الفريق - حتى لو بمستوى هزيل - صفقوا له و قالوا كل اللعيبه كويسين والمدرب داهيه ومن هالكلام ولكن لما يخسر شوفوا وش يصير يبدأ السب والشتم للعيبه والمدرب بعد ماكانوا افضل ناس .!!!

خلاصة هالكلام الطويل بقولكم اني ماجيت اكتب بعد المباراة وحنا خسرانيين او فايزين عشان ما احد يجي ويقول انت عاطفي وتاخذك العاطفه انا انتظرت كم مباراة ولكن زاد الطين بله ,,,


بصراحه انا ما ادري وش يفكر فيه المدرب كالديرون واستغرب من بعض الناس اللي يمجدونه ويقولون عنه داهيه ومن هالكلام ابعرف داهيه في ايش ؟؟؟


شفنا مبارياته اول ماجاء وخصوصاً مباراتي الاتحاد والاهلي الاخيره كانت المباراة سهله وفي ايدينا لكن قناعات المدرب الغريبه تسببت في صعوبة المباراة وكنا نخسرها .. شفنا مباراة الاتحاد وكيف كان الاتحاد مفكك ودفاعاته مهزوزه وكان ياسر متحمس في المباراة وكان المفروض بدل ان يغير الفريدي اللي ماكان في جو المباراة ويدخل مهاجم ثاني لإستغلال تخبط الدفاع الاتحادي راح يطلع ياسر ويدخل احمد علي وكأنه يرأف على حال فريقه السابق ويريدها ان تنتهي تعادل وكنا نخسر المباراة بسبب تخبطاته ...


ولا اريد ان اذهب بعيداً فهذه مباراة الاهلي الاخيره عندما اعتمد على نامي في الجهه اليمنى والكوري وضعه في الاحتياط وبسبب هذه القناعه جاء الهدفين عن طريق جهة نامي وزاد تخبطاته بإخراج محور وادخال مهاجم سيء وفتح اللعب للأهلي عندما كان منتشياً بهدفيه ولا اعلم ماهي قناعاته عندما يلعب بالشلهوب محور وهو اللاعب اللذي لايجيد الادوار الدفاعيه !!! عندما ارى هذه التخبطات من هذا المدرب اسال نفسي دائما

( ماذا يريد ان يصل اليه هذا المدرب ؟؟؟ )

للمعلوميه مع كالديرون لم نفز على الفرق الكبيره وكلها تنتهي بالتعادل بعد ماكنا اقرب للخساره وهذا المدرب ماعنده تكتيك واضح يمشي عليه وتغييراته غريبه جداً وكل مبارياتنا نفوز ((بجهد اللعيبه فقط)) وهالمدرب جاي هنا يضحك علينا ويمشي وجايب ولده معه عشان يأهله على حساب نادينا وياخذ خبره على حسابنا وانا اقول الله يستر علينا من هالمدرب اللي راح يضيعنا واتمنى من الاداره انها تهتم في تعاقدها مع مدرب مثل جيرتس من بداية الموسم القادم وراح تذكرون كلامي واتمنى اني اكون مخطىء في كلامي لكن هذي الحقيقه اللي اشوفها انا ... و اسيا راح تبين لكم صحة كلامي .


الحين بعد هالكلام بيجي واحد ويقول انت وش عرفك واصبر على المدرب وراح ارد عليه ان الناس خلاص صارت تفهم كوره مو مثل اول ...

نجي للموضوع الثاني وهو الحكم خليل جلال !!!

الظاهر مافي هالبلد الا هالولد دايم يحكم لنا مباريات مصيريه وخروج مغلوب وهو الحكم المعروف بأهلاويته وكرهه للهلال وله معنا مواقف كثيره وخصوصا مبارياتنا مع النصر ....

انا اتمنى من ادارة الهلال الرفع بطلب عدم التحكيم لأي مباراة يكون الهلال طرفاً فيها بسبب الظلم اللي يجينا منه عيني عينك في كثير من المباريات




نقـــاط

* غداً مباراة الهلال مع الشباب وتعتبر مباراة هامه في الدوري الله يستر من المدرب وش بيسوي لنا من تخبطات في هالمباراة ويارب انها تعدي على خير ويفوز الهلال فيها ونفتك من شر الاصابات اللي بعد كل مباراة طالع اصابتين او 3


* على ادارة الهلال طلب حكام اجانب للمباريات المفصليه ماحنا ناقصين اخطاء حكام وظلم كاافي اللي صار لنا


* الاصابات مشكله جديده في النادي تحتاج للتحقق ومعرفة السبب بأحضار جهاز طبي عالي الكفائه وايضا جهاز لياقي ممتاز وكفايه خسارة لعيبه لأن ورانا اسيا


* بداية الخير استقاله رئيس لجنة الانضباط والتحقيق مع اللجان وان شاء الله تكون بدايه حرب الفساد في الاتحاد السعودي


* الفرق في الدوري هالسنه كلها ليست في مستواها والهلال افضل الاسوأ وعليه استغلال مستويات الفرق بحصد جميع بطولات السنه هذي


* كلامي وموضوعي هذا يعبر عن رأيي واتمنى ان ما احد يغلط وهذا المنتدى للجميع حق المناقشه والنقد واعذروني على الاطاله