[زعيم الغربه]

السلام عليكم ورحمة الله

بناءً على لقاءات سابقه للصرامي تخيلت الحديث الآتي مع الطبيب النفسي ..!!!.ا
قصة الصرامي في العيادة النفسيه

دخل الصرامي على الطبيب النفسي ( متلطم ) ودار بينهما الحديث التالي :

الطبيب : خير كيف اقدر اساعدك

الصرامي : والله يادكتور مدري وش اقول لك او من وين ابدا..!!

الطبيب : عطني المشكله بشكل عام وبعدين ندخل بالتفاصيل
الصرامي : انا يا دكتور صحفي رياضي من زمان واشجع نادي الفقر واحس ان كل شي ضدي .
الطبيب : فيه عندنا نادي اسمه الفقر ؟
الصرامي : شفت يادكتور حتى انت ضدي.!!
الطبيب :كيف ضدك انت تقول الفقر !!
الصرامي : ياحبيبي انا ماقلت الفقر اقول النصر وانا ما اكذب ..!!!
الطبيب : انا اسف ياخوي ( شكله يبي له شغل واجد واظن يحتاج 340 جلسه قالها الطبي في نفسه) عموما وين المشكله؟
الصرامي : نادي الهلال محوش على البطولات عشان الاتحاد السعودي يساعدهم والاعلام معهم وتصدق يادكتور ان شركة الكهرب تعطيهم الكهرب ببلاش!!!
الطبيب الله يعينني عليك) كمل ..كمل
الصرامي : والله اني اعاني يادكتور من الهلال لاجيت اكتب عن اي شي لازم اتطرق للهلال ..!! يستضيفونني عشان اتكلم في المنتخب القاني اسولف بالهلال الطبيب : اللي فهمت منك انك تكره الهلال كره زايد حبتين .
الصرامي : حبتين يادكتور الله يهديك ..اشغلني في عمري يادكتور.
الطبيب :فيه اي معلومات اضافيه بتقولها عن شخصيتك .


الصرامي : اي نعم.. انا يادكتور صديق ل 70 او 80 او اظنهم 113 رئيس نادي داخل المملكه وخارجها.لكن مااحد عطاني وجه غير قناة كل شي بعشره واذاا جاهم احد احسن مني طردوني..!
الطبيب : معليش السوق عرض وطلب .
الصرامي: ياعمي اي سوق..انا مخضرم ولي صديق ارجنتيني يقول لي تعال عندنا هناك تلقى ناس يقدرونك...!! بس قلت له انا احب السعودية ومقدر اجي..!
الطبيب : واضح عموما الهلال حسب معرفتي انه افضل نادي سعودي ..لكن خلينا نحط لك خطة علاج مناسبه .
الصرامي : من يقول ان الهلال احسن نادي ..صراحه انا ما ادري وش جابني عندك يادكتور انا اصلا ما اعالج الا في المانيا..!!!!
الطبيب : ( الفكه من جحا غنيمه ).!!