[@ عــ المملكه ــز @]

السلام عليكم

مسهم بالخير

/

الموضوع من عدة نقاط ومحاور نتشارك فيها سوياّ

( الآول ) /

الاعلام بدآ يخدر
والجماهير تقول محسومه للهلال
واللي تغلب فيه آلعب فيه

طبعا انا ثقتي كبيره جدا جدا في اللاعبين انهم في مباريات الحسم يعطونها حقها ..
لكن ظروف بعض المباريات وعدم محافظتنا على كثير من مكتسباتنا في بدايتها يخلي الواحد يذكر وينبه
واحنا كـ هلالين مانقدر نوصل لـ معسكر اللاعبين .. لكن نقدر نوصل لمن يبث الروح في الملعب ويجبر اللاعب على انه يركز ..

جمهورنا الكبييير .. حماسنا ودخلتنا للمباراه اننا نبي نتيجه فيها

هي اكبر دافع لكل لاعب يدخل المباراه بتفكيرنا وبطموحنا ..

ديربي النصر .. مهوب مجرد مباراه ..

تآثيرات نفسيه كبيره داخل المباراه مانقدر نقيم تآثيرها الحين لكن مع بداية المباراه كل واحد يقدر يقيم
وشوف قد ايش قبل المباراة كنّا نحس انها سهله نوعا ما .. وفي المباراة ظروف مختلفه ..

كاس ولي العهد الهلال يلاقي فيه صعوبات اكبر من اللي مرينا فيها بكاس اسيا ..

واذكر /

+ مباراتنا في كاس ولي العهد امام النصر في اول سنه من رئاسة الامير عبدالرحمن خسرنا المرشدي بكرت احمر في اول ثلث ساعه .. ورغم ذلك عدى الهلال المرحله بـ هدف ويلي ..

+ مباراتنا النهائيه في نفس السنه اللي صدر قرار كوزمين الشهير بعدها .. امام الشباب وصلت للاشواط الآضافيه وفرّجها المفرج في آخر الدقايق ..

+ مباراتنا الموسم الماضي امام الاهلي وكيف دخل الهلال وهو الافضل فنيا وعناصريا والجمهور مالي الملعب لكن دخلنا الشوط الثاني وحنا خسرانين .. وقدر الهلال باستعادة الوضع الطبيعي وقلب النتيجه ..

هذي بعضاً من كل ..

من كان يعتقد انها بطولة سهله فهو غلطان .. خاصه الجمهور اللي بالملعب ..

حنا بندخلها مع النصر مباراة حسم بعيد عن امنياتنا بالفوز ب خمسه وسته وغيرها ..

هدف يطلعنّا للنهائي كافي جدا .. رغم اني متفائل خير بالهلال ولاعبينه ..

( الثاني ) /

قبل مانفكر بالديربي .. آهم منعطف للهلال هذا الموسم ..

مباراتنا قدام الشباب .. ماهي مباراه عاديه !!

لاننا بندخلها بنقص ..

لاننا بندخلها وحنا بنقابل فريق شرس رجع لمستواه ..

لاننا بنقابل فريق تفكيره مو يحقق الدوري

تفكيره اللحين نخسر نقاط ليقلص الفارق

لآننا بندخلها وحنا ترى مازلنا نردد ان الصداره للهلال وفايزين على الآهلي ومتآهلين .. وبروح عاليه جدا

تشكل خطر علينا ..

وايضا نحتاج لـ دعم اللاعبين وكل من يمثل الآزرق في الملعب ..

وآن لم يحصل هذا ..
بنواجهه مطب قوي في اهم مرحله لنا .. ( باذن الله متفائلين خير )

الاسماء المصابه بتعود ان شاء الله .. والاسماء الموقوفه بتنتهي فترتها وتعود ..

والملك الله يحفظه جاي > واحد يلمّح ان رادوي يمكن نشوفه في مباراه الفتح

لكن .. لو خسرنا ثلاث نقاط من امام الشباب فهي غاليه وبننتظر حتى آخر مراحل الدوري لاجل الحسم وتخفيف الضغوطات على الاداره واللاعبين خاصه ( الهلال يشارك في وقت واحد مباريات كؤوس في الدوري وكاس ولي العهد ودوري ابطال اسيا ) !

جمهورنا .. تعلمنا من مباراه الاهلي الماضيه ..

ندعم كل الاسماء وهي من سيقود الهلال للانتصارات ..

وكلنا في موعدنا ان شاء الله يوم الاثنين في ملعب الامير فيصل بالملز..

( فرفش مع يقولك ) /

+ يقولك جمهور النصر توهق بعد ما تآهل الهلال
يدعون يارب نفوز على الرياض ونتآهل ويتذكرون ان الفايز بقابل الهلال
يرجعون يقولون يارب ترانا هوّنّا

+ يقولك الآمير فهد بن خالد رجع اتصل بالجولة بعد خسارتهم من الهلال
وقال اطالب بـ عودة رادوي
قالو له افا ليش ؟ قال حسبالنا بنفوز لكن (فيه ولا بدونه) ماااااش يفتح الله

+ يقولك جمهور النصر في اول مباراه لهم بـ كآس اسيا
بيصيييح المدرج كله لاجات الدقيقه 19
وفاءً لـ لاعبهم الموقوف في آخر مشاركة خالد الدحيدح

+ يقولك اي لاعب عنده انفصام شخصيه او ماقدر يثبّت نفسه بين نجوم الهلال
ويبي يطلع هالكبت ويفضفض لو مع نفسه
يتوجه لـ بتال القوس في العربيه
وفي هالوقت اللي انقل لكم هالخبر المهم .. اتصال من الشيخ وليد البراهيم رئيس مجموعة MBC يذكر آنه بيوفر باصات من جميع انحاء المملكة تاخذ لاعبين النصر القدامى وتوصلهم لـ مكه لـ الحرم ، ورحّب بتركي الشايع والغشيان وبتال معهم

+ تغيرات اتحاديه مهمه لـ تصحيح المسار واستعادة الانتصارات ..!!
قبول استقالة الصنيع والباز !!
> تقدر تقول انهم مايعرفون يضبطون التشكيله وتقدر تقول انهم يضيعون انفرادات كثير على المرمى > مسسكين يامششجع الآتي مهو بس البلوي ، حتى علوان اللي مايشوف اللي قدامه يضحك عليكم

+ يقولك تدخل العاشق للكيان الآتحادي منصور البلوي لآيقاف مايمر به الاتحاد
وذلك بتكفلّه بلاعب عالمي كبير وبمبلغ كبير سيتم احلاله مكان زياييه !
وعندما تعلم آن الفيفا وضع حدا للهياط وانتهت فترات التسجيل الآن ..
تتآكد آن البلوي لقي نسخه من ورقة ديمبا المزورّه وفيها مجال يشبطون اسم ديمبا ويحطون بداله زيايييه ولا ترو البديل اللاعب الكبير باجيو تونس الشقيقه زين العابدين خاصه في ظل اقامته في جده

+ وآخيرا يقولك .. سيبويه لما سمع الهرفي في استديو لاين سبورت يقول ( آنامُ مليئُ جفوني عن شواردُها ) ضحك كثيرا وظل يردد ( أأأ أأأ الأأأأأأول من الأأأأأأالم والآآآآهتزاز والآآآآآآهترام للهرفي ) وظل يرددها حتى ساعة متآخره من تلك الليله

نشوفكم يوم الاثنين في مدرجنا الآزرق