[no-body]

السلام عليكم جميعا

في البدايه احب اقولكم اني بتكلم بالعاميه وببساطه

كلامي راح يكون رئيس نادي الهلال حاليا الامير عبدالرحمن بن مساعد

هذا اول موضوع اكتبه في المنتدى..

وحبيت اكتب عن هذا الموضوع لاني لاحظت الكثير بعد اي حدث يصير يهاجمون رئيس النادي

طبعا انا لما بقول الكلام اللي عندي عن عبدالرحمن بن مساعد مالي اغراض ولاراح يعطيني فلوس

ولاراح يسدد قرضي ويشتري لي بيت او يصرف علي

انا كتبت الموضوع عشان اوضح لكثير من اللي يحاربون الرئيس انهم غلطانين

وان الرئيس ابو فيصل لو راح ساعتها راح نحس بفرق كبير وراح يترك فراغ كبير في منصب

ادارة رئاسة النادي

ابي كل واحد ينتقده ويتهمه واي واحد يشكك في قدرته الاداريه والعقليه واي واحد متضايق من مثالية الرئيس

يرجع بتفكيره شوي للاحداث من ساعة ماصار ابو فيصل رئيس للهلال راح يلقى ان ابو فيصل مايسكت

عن حقوق فريقه..بل بالعكس ياخذ حق فريقه وزياده مع العلم انه يقاتل ويواجه ناس كثير يحاولون وقف الزحف الهلالي

ياشباب اللجان ضد ابو فيصل والاعلام الاصفر الصغير والكبير ضده اغلب جماهير الفرق الاخرى ضد ابو فيصل

بعد كل هذا يجي بعض الجماهير الهلاليه وينتقد ابو فيصل و(بشده) لانه ماسوى الشي اللي يبغونه

او يطالبونه بالسب والشتم ويطالبونه بانه يتهم شخص علنا وان يشكك في الذمم علنا حتى لو ماكان مقتنع

يريدونه يفعل مثل مايفعل رؤساء بعض الانديه..!!

واحب اقول لكل اللي يطالبون باالاشياء هذي ترا ابو فيصل رجل محترم لابعد حد..

ابو فيصل تربيته ماتسمح له ينزل للمستوى هذا..

بعدين رئيسا ياجماهير الزعيم ياجماهير البطولات ينطبق عليه المثل ((الرجال افعال وليس اقوال ))

عندما كنا نطالب بلاعب اجنبي على مستوى عالي كان ابو فيصل ساكت..

وكان غيره يصدح ويرتفع صوته في كل قناه بأنه سوف يفعل ويفعل..

وكان كلما تكلم غيره ازداد انتقادنا على رئيسنا..

وفي الاخير جاكم تياقو نيفيز ..ومن كان يزعجنا بصوته في كل برنامج جاب راشد الرهيب...

(وكم هو الفرق كبير بينهم)ا

طبعا في اشياء كثيره لو بذكرها راح يطول الموضوع

بس احب اقولكم تكفون مانبغى اي موضوع تجريح في ابو فيصل

ياعالم اقسم بالله ابو فيصل رجل يستطيع ان يأخذ حق ناديه وبدون اللجوء للطرق الملتويه او الدنيئه

واقسم بالله لما ننظر الى وجه الرئيس بعد اي حادثة ظلم على الهلال نجد الغضب والقهر في عيونه..

واحب اذكر البعض ان ابو فيصل لما اعلن انه سوف يستقيل الكل رفض وبشده جتى المنتقدين له..

لاننا جميعا نعلم انه مكسب لنا ومكسب كبير بعد..

اتمنى اننا نوقف التجريح في اميرنا ورئيس نادينا بعد اي حدث يصير..

اتمنى اننا كلنا نثق بان رئيسنا قادر على تكسير رؤوس الحاقدين لانه رجل يفعل ولايتكلم

اتمنى اننا نوقف معاه في اي قرار يتخذه حتى نرا مانتيجة هذا القرار!!

ان كان صائبا شكرناه كما نشكره في كل وقت

وان كان خطأ ذكرناه وابدينا رأينا بدون تجريح ..

في الاخير احب اشكر كل من تقبل موضوعي

واعتذر على الاطاله لكن لانريد ان نصبح منقسمين كما هو الحاصل عند غيرنا ..

لنقف كلنا مع نادينا ..

تحيتي لكم

والله يوفق الزعيم في مباراة اليوم يااااااارب