قبل فترة وليست ببعيدهـ , كان عندي أختبار في ما يسمى علم الإنسان .. الغريب في الأمر ن كان فيه حوار قوي جداً بيني أنا بما إني مسلم( ولله الحمد ) وبين البروفسور وهو مسيحي وطالب مسيحي آخر , والحوار كان يقول ان حنا قبل يا فصيلة البشر كنا قرود ! المشكله ان الموضوع كان بعد الإختبار يعني في الإختبار لازم تكتب نفس اللي شرح لك وعلموك اياه ولكن بدون إيمان , تناقشنا ان كان حنا قرود من قبل ولا لا ؟ العذر الوحيد اللي عندهم ان القرد الله يعزكم فيه تشابه وتجانس كبير مع البشر وانه ياكل بيده وغيره من الحركات اللي تشبهنا , حتى اني قلت له عنده شعر بصدره وعطاني النظره اللي مدري وش تبي , المهم اني حاولت أقنعه بدلائل دينية وتحت اثباتات علميه بإن الإنسان ماهوب قرد ! لقوله تعالى :
خَلَقَ الإِنسَانَ مِنْ صَلْصَالٍ كَالْفَخَّارِ
. صدقوني أني خليته يدخل النت ويقرا معي وشبه إقتنع لكن صرخ وقال لا انا مؤمن وانت كلامك مقنع ولكن هل أنت أفضل من العلماء السابقين , قل له لا لكن انا ثقفت بالقران الكريم اللي عطاني أجوبه صريحه وبدون أي حجاب ومقنعه ومجاناً , بينما أنكم تخفون الإطروحات حول الموضوع والدراسه بمبالغ ماليه ضخمه وبنظرية لا أؤمن بها أبد , إذن انا لست مجبراً على دراسة هذه المواضيع لأنني أعرف الحقيقه الكامله حول هوية الأنسان وأعرف من هم القرده , رد علي زميلي الثاني قال انا اجدادي مؤمنين بالنظريه هذي , قلت له أجدادك قرود أنا أجدادي موب قرود أجدادي ولله الحمد أأمـه ومشائخ وليسوا بقرود , في نهاية النقاش قرر البروفسور مايلي : ان يكون فيه تصويت في هوية الأسئله بمعنى قبل الاختبار النهائي راح يكون فيه تصويت اذا تبون هالموضوع او لا ! وبكذا تطبق النظريه السعودية الشهيره ( ماحنا مجبورين فيكم ولا أنتوا مجبورين فينا ) .
للأسف بعض الأعضاء يحط أهتمامه الكبير في بعض القنوات التلفزيونيه مما أدى الى وجود مرض اسمه ( يرحم والديك ارحم التلفزيون ) , يجهل الكثير سياسية الأعلام التي لطالما قامت على شد المتابع إما بإشاعه أو بخبر حصري أو بتصرف مسيء يجبر المتابع على متابعته والحرص على تفاصيله , وأكثر المتابعين لها محبي اللقافه ( الملاقيف ) أكثر ناس أفادوا كل المشاريع سواء التجاريه وغيرها , قهر على الجهد هذا يروح في شي مايخدم الدين والوطن ( كعمل تطوعي ) على الاقل . يعني يجي واحد يقرا موضوع ان المذيع الفلاني أخطآ في الرئيس الفلاني ,, معليش خلوووه خلوووه يخطي يبيكم تجون لانك ماراح تقدر توقفه ولا راح يقدر يخطأ الخطأ الشنيع علشان مايخسر منصبه , هو بس يقول كلمه كلمتين أو جمله لتجذبك يا ( المخفه ) ان جاز التعبير ككلمه عامية مشهوره , خلوهم يحترقون بقنواتهم اخذوا المفيد وأتركوهم , لان هذا احد الطرق في التأثير السلبي على نفسية المشجع واللي تخليه بعدين يطلع من طوره .
وخلوهم يعرفون , النظريه هذي اللي لابد ان تطبق عليهم ليعرفوا مكانة كل مشجع وليس كل الجماهير , ( ماحنا بمجبورين فيكم ولا أنتوا مجبورين فينا ) وصدقوني راح تشوفونهم يجونكم بإسلوب لبق وبدلع , وإتركوا العاطفه شوي لان موب كل واحد يخطي عليكم ويجي يتكلم باسلوب حلو ومسوي المؤدب تسامحونه ! لالا وألف , لازم تأخذون حقكم بعدم المبالاه لهم وهذا دواء لمرضى الإعلام والإعلاميين .
نراكم على خير في الأيام المقبله وبالتوفيق لنادي الهلال السعودي , ودعواتكم اليوم عندنا اختبارات
.
أخوكم محمد بن عبدالله .
إستغفر الله العظيم , استغفر الله العظيم , استغفر الله العظيم
اللهم لك الحمد حتى ترضى ولك الحمد اذا رضيت ولك الحمد على كل حال
سبحان الله وبحمده ,,, سبحان الله العظيم
اللهم ارحم امي لولوه بن محمد واسكنها فسيح جناتك وإجعل قبرها روضه من رياض الجنه .
الوضع الشجري
