[القائد الأسطوري]

بسم الله الرحمن الرحيم

ببدا بالموضوع من الاخر ..

الصراحة شي قاهرني من يوم تولى ابن مساعد الرئاسه

صحيح ان شبيه الريح طور الهلال وبذل الغالي والنفيس عشان الزعيم

وصرف الكثير ,, لكنه بالمقابل وبكل امانه انا اعتبر عبدالرحمن بن مساعد انه هو من اهم اسباب ضياع حقوق الهلال وهو السبب في انه كل من هب ودب صار يغلط ويتكلم على الهلال ,,

والمشكله ليتهم يتكلمون ويغلطون على الهلال من خلال الاعلام المقرؤ او المرئي

لا صار فيه تمادي على حقوق النادي وصار فيه اجحاف في حقوق النادي

وصار الحرب على الهلال علني و واضح واعتقد صار صعب السيطرة عليه

والسبب انهم مالقو احد يوقف في وجيههم ويوقفهم عند حدهم

لاعبيننا صارو يهاجمون بشكل علني وامام الجميع من الاصفرين

وسمو الامير الشاعر تاركهم على راحتهم ويكتفي في الرد بأنه مايبغى يعطي الموضوع اكبر

من حجمه او نفس الاشخاص مايبغى يعطيهم اكبر من حجمهم

سمو الامير انت بهالحال عطيتهم دعم بسكوتك عنهم او بحقرانهم

سمو الامير حنا في وسط رياضي المثاليات ماتنفع ابد ,, واذا كنت شخص مثالي فالاخرون يستخدمون مثاليتك في محاربة النادي ..

شبيه الريح نحن نحبك ونعشقك ولا ننسى مافعلته في النادي من تطورات رهيبه وصفقات رائعه

ولكن ليس على حساب سمعة الزعيم , اقصد (بالسكوت عن حقوق الزعيم )

وبعد ان بلغى السيل الزبى , و وقع الفأس بالرأس , وفي الوقت الضائع

تأتي لتعقد مؤتمر , (اعتقد انه مؤتمر سواليف , واظهار موقف الهلال من هذا القرآر)

والظهور على القنوات والتصريح وكل هذا بعد (ايش)

كلنا نذكر معشوق الجماهير , سمو الامير محمد بن فيصل (ابو سلطان)

كلنا نذكر مواقفه الحازمه , كلنا نذكر قوة شخصيته ولم يظهر مره بشكل مثالي ولهذا

لم يكن احد يستطيع الوقوف ضد الهلال او اتخاذ قرارات مجحفه بحق الهلال

او حتى التفكير في القرب او محاولة النيل من الهلال , لانهم يعلمون عاقبة ذلك

سيجدون أسد حامي لعرين الزعيم وقائد القوات الهلاليه سيقف امامهم ويردهم خاسئين

والكلام ذاته ينطبق على الاب الروحي للزعيم سمو الامير /بندر بن محمد

في النهايه والله والله اني هلالي وعاشق ومتيم في الزعيم لكن خلاص نفذ صبرنا يعني شي يقهر نشوف الهلال ينهضم حقه ولاعبينا مهضوم حقهم وتردد الاساءات

المشينة ضدهم في الملاعب وفي المقابل نشوف رأس الهرم الهلالي واقف يتفرج على اللي جالس يصير وفي الاخير يقول مانبغى نعطي الموضوع اكبر من حجمه

سمو الامير لاعبينا بشر قبل كل شي لاعبينا نفسياتهم صارت ززفت والسبب الهجمات المدبرة لهم وهم مالقو احد بصفهم او يدافع عنهم و يرد اعتبارهم

سمو الامير كلنا نعرف مواقفك والاموال اللي صرفتها كأكثر ادارة تصرف والتجهيزات اللي سويتها طال عمرك من معسكرات وغيره

لكن ياشبيه الريح مانبغى الاموال دام ضريبتها السكوت عن حقوق الهلال.

هذا كل ماكان في قلبي وكنت ابغى اعبر عنه ,,

وشكرا,,