عاجل: وصل للهلال البيان التالي من ديوان المظالم...الخطاب رقم..... - نادي الهلال السعودي - شبكة الزعيم

**سفيرة الهلال** · #1 14/02/2011, 03:30 PM

بسم الله الرحمن الرحيم
اعضاء منتدى الهلال لقد وصلني ماوصل كم من قرار لجنة معدومة الذكر بايقاف رادوي
واحزنني ماأحزنك لذلك جئت في هذا الموضوع اضع بين يدكم صيغة القرار الرسمي
الذي جاء لنادي الهلال وهذا نصه..

بسم الله الرحمن الرحيم
السلام عليكم ورحمة الله وبركاته
الخطاب رقم (لاتعد ولاتحصى) ضد نادي (والله ياحنا قاعديلكم) على لاعبهم
(ياأخي أنت ماتنهد وش يوقفك) وذلك لما صدر منه (والله ماندري وش صدر
ولا ندري وش اللي صار بس المهم صدنا عليه شي) وذلك في يوم (الظلم العالمي)
بتاريخ: حقد/ حسد/ياويلك من الله..
نفيدكم بأنه تم ايقاف اللاعب الصخره ثلاث مباريات لعلى وعسى تاثر على نادي احنا
قاعديلكم في الدوري ونتيح مجال لغيركم ان ياخذ الدوري..
إحنا كان نيتنا الدوري بس لأ ظلم ونادي الاهلي طلع اميره وطلب وغالي والطلب رخيص
لذلك صدر من ديواننا الموقر شمل ايقافه لمبارات الاهلي حتى يتسنى
رؤية بطل جديد غاب عنها منذ زمن..
ونحن نفيدكم أننا مع جميع الانديه ولم يتتم تكوين لجنة ديوان المظالم
الى لكل من يقف الهلال عائق في طريقه ولم يتمكن من ايقافه على المستطيل
الاخضر فنحن بدورنا منصفين للحق ويجب على الهلال احترام مشاعر الانديه
حيث ان لم يستمع ويستجيب لقرارات ديواننا بفتح المجال لباقي الانديه وتحذير لاعبيه
بعدم اللعب الرجولي ويجب عليهم فتح ملعبهم للفريق المنافس فإننا سوف نعمل بما نراه
صحيحآ وفيه مصلحه لجميع الانديه وهذا الاقرار بإيقاف اللاعب اللي لم يستطع احد ايقافه
واصبح خطرآ على شباك الانديه..
حيث انه اصبح عقبه في طريق جميع الانديه لذلك انتهزنا هذه الفرصه واصدرنا هذا القرار
مراعات لظروف النادي الاهلي وفتح المجال لباقي الانديه ونعتذر لمن لم يتم ايقافه
في مباراتهم ولاكن نعدكم بما يرضيكم والقادم أجمل بإذن الله..

حرره
ظالم ولد ظالم مايخاف الله

تحياتي لكم
**سفيرة الهلال**

mimowas · #2 14/02/2011, 04:45 PM

باذن الله يوم الأربعاء نفوز على فريق المتسدحين ,, ونبي نستفز أميرهم اللي يمشي على سكة أبو بلوتوث والثاني أبو خبيلان , شباب لازم نستفزهم ونصرخ صرخات إستهجان عليه ....

ATARI · #3 14/02/2011, 04:52 PM

أدعو جميع الهلالين للحظور يوم الاربعاء ونوري الطحالب من حنا ومن هم

هلالي موسيقار · #4 14/02/2011, 05:02 PM

الظاهر بنسوي مثل الشعب المصري مظاهرات على للجان الاتحاد السعودي

معاد الا هي

فريقكم كبير لايقف على اي لاعب يوقفون بيديهم ورجليهم المهم هو دعم الفريق

وعدم الصياح والنياح مثل الغير

نحن الاول في كل شي بطولات انجازات لاعبين كبار اداره واعيه رغم تحفظي شوي عليها في بعض الامور

جمهور كبير ومثقف وواعي وشريك رسمي رائع

وغيرنا يدور بطوله وحده من سنين

الجنـــرال · #5 14/02/2011, 05:24 PM

حسبنا الله ونعم الوكيل حسبنا الله ونعم الوكيل

حبسنا الله عدد ما أذن مؤذن حسبنا الله عليهم عدد ما أشرقت شمس

alhilal%% · #6 14/02/2011, 05:41 PM

وصلنا ماحرره الظالم ولدالظاالم
ياهوفرحان بالقرار وسيحتفلون بأيقاف رادوي كل الأنديةواللجان بحضور الأصفرنواف بن فيصل
ولكن ننتظرقرار وبيان عاجل من أميرعبدالرحمن بن مساعد لردأعتبارنا

بنت شمر والهلآل · #7 14/02/2011, 05:45 PM

حسبنا الله ونعم الوكيل , بإذن الله بنستمر في الزعامه ,
ونعلمهم ان الهلال ما يوقف على لاعب , "و محدن بيطولنا "

سلطان العودة · #8 14/02/2011, 05:50 PM

الله يوفق الهلال ويننصرهم على الظلم
واتمنى يوم الإربعاء الملعب فل

bder · #9 14/02/2011, 05:49 PM

شكراً سفيرتنا
والفوز حليفنا إن شاء الله
والبطولات لنا .

شمالي والعشق هلااالي · #10 14/02/2011, 05:53 PM

الله الله بالحظور يا الشعب الهلالي

تكفون يا هوامير الصحرااااااااء خلوها فل الأربعااااااااااااء

أرجوا من الكل عدم الإتكاليه على أحد ؟؟؟؟

وبالتوفيق للزعيم يا رب ,,,

الشفق الازرق · #11 14/02/2011, 06:00 PM

لازم نقر إن رادوي أخطاء ، ولانجلس نبرر على الغلط ، وجهه نظري الشخصيه العقوبه مستحقه لضربه الاعب بدون اي كره ، كلنا نحب ونقدر زورو ، وفي نفس الوقت مانرضى الخروج عن الروح الرياضيه .

هلاليه زي القمر · #12 14/02/2011, 06:05 PM

إقتباس

الرسالة الأصلية كتبت بواسطة الشفق الازرق


	لازم نقر إن رادوي أخطاء ، ولانجلس نبرر على الغلط ، وجهه نظري الشخصيه العقوبه مستحقه لضربه الاعب بدون اي كره ، كلنا نحب ونقدر زورو ، وفي نفس الوقت مانرضى الخروج عن الروح الرياضيه .

حنا معاك انه اخطأ طيب هو لما يخطون عليه ليش ما يتعاقبون زيهم زيه

العام تعرض لضربه عنيفه ادت الى ضيق تنفسه وعدت على خير هالسنه الثقفي اعتداء عليه بتعمده للضرب والا كان حد شاف حاقه

وش معنى رادوي والبقيه لا هذا اللي قهرنا حنا كجمهور للهلال صرنا ملطشه عندهم ما في لاعب يتعاقب عندنا الا رادوي

واذكرك الاعب بعد ماكان يبي يطول عندنا بيحاول انه يحفظ كرامته ويروح نهاية الموسم

بنت شمر والهلآل · #13 14/02/2011, 06:14 PM

إقتباس

الرسالة الأصلية كتبت بواسطة الشفق الازرق


	لازم نقر إن رادوي أخطاء ، ولانجلس نبرر على الغلط ، وجهه نظري الشخصيه العقوبه مستحقه لضربه الاعب بدون اي كره ، كلنا نحب ونقدر زورو ، وفي نفس الوقت مانرضى الخروج عن الروح الرياضيه .

اخوي احنا مانقول رادوي على حق او رادوي ما اخطأ , بس ليه رادوي ما يحمونه ايضا ..!!
يكفيك فقط المبارايات الثلاث الاخيرة ..!

يعني من جد اللاعب م يتحمل كذا مسكين , وليه هو فقط المستهدف ..! لانه هلالي ولازم احنا ندافع عنه ولو اخطأ لانه ايضا مظلوم ! دام ان النظام يطبق عليه فقط ..
واعتذر ع الاطاله

**سفيرة الهلال** · #14 14/02/2011, 06:24 PM

إقتباس

الرسالة الأصلية كتبت بواسطة الشفق الازرق


	لازم نقر إن رادوي أخطاء ، ولانجلس نبرر على الغلط ، وجهه نظري الشخصيه العقوبه مستحقه لضربه الاعب بدون اي كره ، كلنا نحب ونقدر زورو ، وفي نفس الوقت مانرضى الخروج عن الروح الرياضيه .

هلابك اخوي
ياخوي احنا ماننكر اللي سواه ومانرفض العقوبه انا اقصد
الترصد للهلال يعني مباراة الشباب والنصر والله زين
ماطلعوا اللاعبين عالتأهيل المهني من كثر ماتكسروا
ولاحد تكلم واحنا بالمرصاد

هلاليه زي القمر · #15 14/02/2011, 06:00 PM

ايه والله ليتكم تحظرون نبي عبارات ضد البكايه فهودي

رددوا البكايه يخاف من رادوي نبي نشوف ردة فعله على جمهور الزعيم يقدر عليه والا لا

وحسبنا الله ونعم الوكيل

يعطيك العافيه