14/02/2011, 12:23 PM
|
| زعيــم متواصــل | | تاريخ التسجيل: 08/01/2010
مشاركات: 49
| |
كاريكاتير قوي عن لجنة الإنضباط وموضوع رادوي
السلام عليكم 
للأسف جماهير الأندية تدافع عن لاعبينها مهما كان الفعل ,, الا جمهور الهلال مسوي فيها مثالي وطيب وحقاني ويعني اني .. اللي يطالب بإيقاف رادوي واللي يقول لو يوقفونه ماأزعل .. تكفى ياللي ماتزعل , رادوي اخطأ وعوقب وانتهى الموضوع .. ليش جمهور الهلال يعيد هالموضوع للواجهة !! خلاص ننسى الموضوع ونفكر بالحضور وبس .. اي موضوع ثاني من اختصاص الإدارة , مادري ليش البعض يكتب عقوبة رادوي كذا وكذ واللائحة تقول كذا .
ياجمهور الهلال وقفو مع لاعبينكم كلهم بدون استثناء وأحيان الصمت دعم ووقوف مع الهلال ..
الهلال امامه مباراة مهمة وتحتاج الى تركيز ووضع الثقة في اللاعبين واتركو عنكم ترديد رادوي يستاهل .. جمهور الفقر يوم فيقاروا يضرب رادوي ماقالو يستاهل عقوبة وجمهور اتي لحالو يوم يتوطى اسامة المولد في بطن لاعب الفيصلي ماقالو ادبوه ووقفوه واللائحة تقول كذا , كلهم ماتكلمو لاجمهور ولا إعلام , ياليت جمهور الهلال يفكر في إعادة طريقة دعمه للهلال .. الوضع تغير وماهو فقط بالحضور , نحتاج الى رأي إعلامي جماهيري قوي ونحتاج الى رأي إلكتروني في المواقع الإلكترونية ونحتاج الى التواجد في بعض الصحف للرد على كتاب الأصفرين .
للأسف جمهور الهلال يردد مقولة انتهى زمنها وهي ردنا بالملعب او الهلال كلامه بالبطولات .. وهذا كلام صحيح قبل 5 سنوات قبل تطور الإعلام والصحف وظهور القنوات .. الآن القرارات الرياضية يتم اتخاذها بناء على صوت الجماهير القوي وليس على اللائحة , يجب ان يكون لجمهور الهلال صوت قوي وان لايكتفي بالفرجة على كتاب النصر وهم يتهمون الهلال بكل شاردة وواردة .
جمهور النصر تجده بكل المواقع الالكترونية ويرد على كل الكتاب الهلاليين وعلى كل المواضيع الهلالية ويجعل من حق للهلال دلال ومن ظلم للهلال حق والسبب هو كثرة ردودهم وتواجدهم والجماهير الهلالية عليه الدفاع عن هلالها على مواقع الصحف الإلكترونية وعدم الكسل في هذا الأمر , للأسف ان الغالبية بيقول هم دايم يكتبون ويردون وما اخذو بطولات !! وهذا كلام صحيح في ظاهره , لكن في الحقيقة تم التغاضي عن كثير من تجاوزات هذا النادي بسبب صوت الجماهير القوي في الصحف والمواقع الإلكترونية والتواجد الفضائي لكتاب الفقر .
ياليت جمهور الهلال يدافع عن الهلال في المواقع الإلكترونية ومايسكت عن اي رد مسيء او كاتب مسيء للهلال , ترا تعبت وانا ادافع لحالي 
شوفو اي صحفي هلالي لما يكون في مقابلة تلفزيونية او لقاء او برنامج مثل مساء الرياضية او غيرها , اي نصراوي موجود راح يقول للصحفي الهلالي انت تتكلم كذا لانك هلالي وقتها الصحفي الهلالي يرتبك وينفي وكأنها تهمة مع ان اللي يسأله نصراوي معلن الميول وينكر على الصحفي الهلالي لو ان ميوله هلالية !!
هذا ما أقصده وهو الصوت النصراوي القوي يجعل حقوق الهلال هباء منثورا ويقلل من تواجد الهلاليين في الإعلام , ولو نلاحظ ان اي كاتب هلالي يطرح رأي قوي في اي موضوع نصراوي او هلالي تلقى ردود نصراوية قوية عليه وترد ردود قوية وتذكر احداث سابقة تخص الكاتب الهلالي , بينما الهلالييون لايردون على ي كاتب نصراوي ولا يدافعون عن اي كاتب هلالي او يدعمونه , ياجمهور الهلال الحضور في الملعب امر جميل وكذلك الدفاع عن الهلال وكتاب الهلال في المواقع والصحف الإلكترونية . |
الوضع المتطور
