[بو فيـصـل]

كيف الحال يا زعماء ..

ألف مبروك النقاط ال3 المهمة و بالذات في هالتوقيت ..

قبل ما أدخل في موضوعي ..

أدري إن الكثير ما راح يعجبه كلامي .. و أدري ليه ما راح يعجبه .. لكن إن شاء الله راح يقتنعون بعد ما يكملون الموضوع ..


كلكم تدرون إن المرحلة الحالية هي أصعب مرحلة يمر فيها الزعيم في الموسم .. هي الاختبار الحقيقي للمدرب و اللاعبين

عندنا مباريات صعبة و قوية و في مختلف الجبهات .. يعني الآن انتهينا من مباراة الوحدة و قدامنا مباراة الأهلي في كأس ولي العهد ..

و بعدها بـ 4 أيام مباراة الشباب المتحمس و المتعطش لهزيمة و عرقلة الزعيم و تعزيز حظوظه في المنافسة على الدوري ..

و بعدها بـ 4 أيام مبارة مبارة مع الفتح و أعتبرها مبارة صعبة لأن الفتح مرتاح و يلعب على أرضه و مدربه من اليوم مصرح إنه عرقل جميع الفرق إلا الهلال و إنه سيعد العدة لذلك ..

و بعدها سيدخل الفريق في البطولة الآسيوية .. و السنة ذي المجموعة صعبة .. مو زي كل سنة ..

تعتبر مجموعة الهلال أقوى مجموعة .. و لو فزنا على الأهلي .. من المؤكد أننا سنواجه النصر في الدور نصف النهائي .. و بتكون في معمعة البطولة الآسيوية ..


***** المهم و اللي أبي أوصل له .. هو التضحية بأحد البطولات .. حتى لا نفقدها كلها ..


طيب .. أي بطولة نضحي فيها .. الدوري .. مستحيل .. هي البطولة الكبرى و أهم بطولات الموسم و أقواها و اللي يحققها يعتبر موسمه ناجح كل المقاييس..

الآسيوية .. بعد مستحيل .. حلم كل هلالي أن يرى الكاسر رافعا للكأس الآسيوية التي استعصت على الزعيم في العشر سنوات الأخيرة ..

ما بقى إلا كأس ولي العهد .. أدري إنه يصعب على كل هلالي التخلي عنم هذه البطولة لأنها بطولة الزعيم المفضلة ..


لكن .. كنا نحققها .. لما كانت مبارياتها تقام في اسبوعين

كنا نحققها لما كانت منفصلة عن الدوري و ما كان في تداخل

كنا نحققها لأنها تبدأ و تنتهي قبل البطولة الآسيوية

كنا نحققها لأن ما كان عندنا مؤجلات تزيد ضغط المباريات على الفريق ..


عرفتوا ليه .. أطالب بالتضحية بهذه البطولة ..


أكثر واحد بيتألم إذا طلع الهلال من هالبطوبة هو أنا .. اللي أطاب بالتضحية فيها ..

لكن وش أسوي عندي اللي هو أهم منها ..

و المثل يقول : صاحب بالين كذاب .. طيب وشلون إذا كان 3 ..


لذلك .. أتمنى عدم الضغط على اللاعبين في مباراة الأهلي .. لأن ورانا مبارة تعتبر مباراة كؤوس أمام الشباب بعد 4 أيام من مباراة الأهلي ..

و في ظل الغيابات في الفترة الحالية و إيقاف رادوي ..

أتمنى إن السيد كالديرون ينزل في مباراة الأهلي بنفس التشكيلة و الخطة اللي بيلعبها أمام الشباب ..

يعني تكون تجربة لمعرفة الأخطاء و مناقشتها ..

و بكذا تكون مباراة الأهلي نفعتنا ما ضرتنا ..

و التشكيلة المثالية في الظروف الحالية ( من وجهة نظري ) هي :


العتيبي

لي يونج المرشدي هوساوي نامي


عزيز محمد القرني

شلهوب ولي

فريدي

أحــمـــد علي




***** رادوي أكيد إنه بيتوقف لذلك هو برا التشكيلة .. و حتى لو ما توقف أتمنى عدم إشراكه لأن المباراة بالنسبة لنا تجريبية..

***** ياسر خارج التشكيلة لعدم إرهاقه و في نفس الوقت لإعطاء الفرصة للمهاجم أحمد علي .. يعني حتى في مباراة الشباب ياسر احتياط

***** بالنسبة لطريقة اللعب :

كالعادة 4 في خط الدفاع .. و أمامهم محورين ( عزيز و القرني ) لغلق جميع المساحات على الفريق الشبابي اللي يتميز بالسرعة .. و في نفس الوقت يطلب المدرب من الفريدي بمساعدة المحوار دفاعيا ..
يعني يصيرون 3 في حالة إن الهجمة علينا ..

***** ولي و الشلهوب مهمتهم الضغط على أظهرة الخصم و منعهم من التقدم ( لأن الشباب عنده أظهرة على أعلى مستوى ) .. و في نفس الوقت صناعة اللعب للمهاجم أحمد علي ..





طبعا أتمنى تكون هذي التشكيلة أمام الأهلي لتجربتها و تصليح الأخطاء قبل الزج بنفس الأسماء في مباراة الشباب المهمة ..


و في نفس الوقت أتمنى أن يلعب الفريق في مباراة الأهلي بكل هدوء و أن يبتعدوا عن الالتحامات القوية .. ( مو ناقصين إصابات ) و يؤدون اللي عليهم بدون ضغوط و كأنها مباراة ودية تجريبية ..


في النهاية آسف عالإطالة و إن شاء الله تقتنعون بكلامي ..