رادوي والفريدي ... الى متى ؟؟؟ - نادي الهلال السعودي - شبكة الزعيم

صبي يام · #1 13/02/2011, 03:19 AM

بسم الله
السلام عليكم ورحمة الله
اسعد الله اوقاتكم بكل خير
والف مبروك الفوز
ومن انتصار الى انتصار
بإذن الله

ندخل في الموضوع

رادوي...
رادوي لاعب كبير وما يختلف عليه اثنين
لكن قسم بالله عليه طلعات بعض الاحيان
تقهر من جد
حركة اليوم سواها لا تصدر من لاعب كبير
تجي تقولي انه في حالة ضغط وتنرفز ومش عارف ايش
اللاعب الكبير ما يسما كبير الى لانه يحافظ على اعصابه
عموما اتمنا من الاداره الهلاليه
الحزم في هذا الامر ومعاقبة رادوي بعقوبه مجزية
تأدبه وتعلمه ان الله حق
عشان يخلي بعض الحركات اللي ما لها داعي
الان قد نخسره امام الاهلي في ولي العهد
ورح نخسره في مبارة الشباب
!!!!!!!!!!!!!!!!!!!!!!

الفريدي ....

الى متى هذا الاستهتار والبرود والتلاعب في اعصاب الجماهير
الحق يقال
صح انت لاعب كبير وخطير لكن بكامل احترامي
لاعب ما يحترق عشان الفنيله ويلعب بروح وحماس
وش ابي به في فريقي

صراحه ما ادري وش اقول عنه
المبارة اللي راحت ضيع ركلة جزاء وجلس يضحك
واليوم انفراده ويضيعها وتمريرات اي كلام
و و و

لكن ما ادري وش السواه معه

عموما
الحمد لله على الفوز
وعقبال التأهل لنصف النهائي بعد تجاوز الاهلي ان شاء الله تعالى

تحياتي للجميع
خوي الطير

صبي يام · #2 13/02/2011, 03:37 PM

قد اكووووون حاااد في اللهجه
ولكن اعذروني
فما شاهدناه لا يسكت عنه

bret1234 · #3 13/02/2011, 03:41 PM

الفريدي

لايصلح محور نهائيا

خاصة مع البطئ الي يعاني منة

الفريدي مكانة لاعب وسط خامس خلف المهاجم

او على الأقل وسط ايمن او ايسر

اما محور فلا يصلح نهائيا

واتمنى ان يرجع عزيز اساسيا

والغنام كذلك بدل رادوي

واعطاء الفرصة ايضا لمحمد القرني

الواقعي محمد · #4 13/02/2011, 05:12 PM

ليه علشانه احرج حبيب القلب قدام الاتحاد في كورتين انفراد انت وضميرك وضيعها والبارح كوره بعد انت وظميرك وضيعها صار نكبه ياشيخ حرام عليك اي برود واي كلام فاضي والله احسن لاعب البارح

هلال بن بدر · #5 13/02/2011, 05:23 PM

الاخ : صبي يام
انا اوفقك الرأي

فالفريدي كابتن ولعيب ومهارات عالية وهذا ليس رأيي بل رأي المدرب العالمي جريتس ولكن ما يعيبه هو البرود وياليته يتخلص منه .

سطام ال · #6 13/02/2011, 05:32 PM

وين ... وين

ريح أعصابك وأرجع أقرأ موضوع ستشاهد عجب العجائب

عااشق الكااسر · #7 13/02/2011, 05:47 PM

مع احترامي لك
مباراة وراحت خلاص انسوها
احنا عيال اليوم
وعقوبه رادوي من شأن الاداره الهلاليه
مشكلة الواحد اذا استعجل في اصدار الاحكام
الواحد يصبر ويفكر حتى ينزل موضوع مثل كذا

الينبوع الصافي · #8 13/02/2011, 05:48 PM

المعذره ان كان عقليات الجمهور الهلالي مثلك

فالزعيم بلا جمهور .....؟

الفريدي صنع الهدف الثاني ووضع ويلي امام المرمى وصنع لاحمد علي كورتين وللجيزاني كوره وويلي اضاع انفراديه لاعب بالملايين ويضيع مثل هالكوره

كل هذا انت وضميرك وعندما اخطأ بكورة اصبح افسل لاعب .. لا تعليق؟

المباراة الماضية اما مالاتحاد ضيع ويلي كوره وغيره انفرادات ولم يتحدث احد

اتمنى الا يشاهد جماهير الاندية الاخرى عقليات جماهير الهلال مره ياسر ومره الفردي ومره المرشدي

اللهم اهدنا لاحسن الاقوال

صبي يام · #9 13/02/2011, 06:50 PM

اشكر الجميع
على المرور
ويبقى لكل شخص رأية ووجهة نظره

=================
اتوقع ان ما فيه اثنين فاهمين كورة يختلفون على ان احمد الفريدي لاعب كبير
ويصنع الكثير والكثير

ولكن كل انتقادي له على البرود واللامبالاة منه
استهتار لا يطاق

صح صنع هدف ومرر كورتين لأحمد علي و و
ولكن
لو ولو تفتح عمل الشيطان لكن افتراضا
اتى الوحده بالتعادل في الثواني الاخيره
وش كان رح يكون شعورك اتجاه احمد الفريدي
انفراد اخوي الصغير رح يسجله
وتلاعب في المنطقه ما ادري وش اسميه

انا معااااك واكررها
احمد الفريدي لاعب كبير ولكن يراجع نفسه

اترك التعليق لك

ويلهامس9ون · #10 13/02/2011, 06:57 PM

بسم الله الرحمن الرحيم
بخصوص رادوي انت تقول رادوي لاعب كبير والمفروض يمسك اعصابه سؤال اللاعب الكبير ماهو انسان ومهم بلغ من الاحتراف الى انه يضل انسان ومهما مسك اعصابه يبي يجي موقف لوكان صغير ومايستاهل راح ينفجر وحنا ما نعرف وش صار بين رادوي ولاعب الوحده اذا انت حاظر في الملعب هذا شئ ثاني بس اذا شفت بالتلفزيون مو واضح غير اخر شي ضربة رادوي وليــــه حنا سوينا هالموقف ضد رادوي ولاسويناه ضد لي يونق نفس الموقف و رادوي بعد نتيجة ضغوط هذي الحركه ..
وليــه رادوي مايشفع له اللي قدمه للهلال بصـــــــــراحه انا اتمنى من الاداره ماتظغط عليه بزيده وتكون حكيمه وماتنسى ماتعرض له رادوي قبل الحركه التى صدرة منه..
وانـــا قلتها الجمهور الهلالي مو الكل الا من رحم ربي سوى معرووف وقطه بالبحر غير قومتكم على جريتس ويلهامسون والفريدي جااا دورك يارادوي ولاتستغرب هذي عوايدنا .....
وبالنهايه اتمنى انك واحد واللي هو انت من المحسوب على الجمهور الهلالي يفكر نفس تفكيرك ولا احد غيرك

كلنــــــــــــــــــــــــــــــــــــــا معاكـ يا راااادوي

مجنونة ولد رومان · #11 13/02/2011, 07:25 PM

عواااااااااااااااااافي أخووووووووووووووي

بالنسبه لرادوي كان صابر والصبر له حدود وخذا الكرت الأحمر والى صار صار

عشان يخلي بعض الحركات اللي ما لها داعي
الان قد نخسره امام الاهلي في ولي العهد
ورح نخسره في مبارة الشباب
!!!!!!!!!!!!!!!!!!!!!!

الهلال مو نادي كبيييييييييير إذا كنت أنت مقتنع بهالشئ فالهلال ماارح يتاثر بغياب رادوي
أدري إن رادوي عنصر مهم في الهلال بس النادي الكبير مايتأثر !!!!!
والهلال ماراح يخسر مع الشباب والأهلي بإذن الله

بالنسبه للفريدي وش الكلامالى تقوله اللاعب أمس قدم مستوى رائع ماينفهم لكم والله
وبالعكس نتشرف عن الفريدي من الهلال ويلبس شعار الهلال

بالتووووووووووووفيق للزعيم

&alharbi& · #12 13/02/2011, 07:33 PM

كلنــــــــــــــــــــــــــــــــــــــا معاكـ يا راااادوي

لنواجه كل شخص يسئ لأي لاعب رادوي اخطأ صح بس من حقه علينا نقف معه ضد الحرب الموجهه ضده

اتمنى توحيد جميع المواضيع لرادوي والضغط على لجنة الانبطاح

أميـــر الليل · #13 13/02/2011, 07:33 PM

والله كلآمك في محلة

ووربي كل كلمة قلتها بغيت أطلعها

لآكن بجد شي يرفع الظغط صرآحه

يجيك لآعب كآبتن ومو أي كآبتن منتخب رومآنيا ! وفوق هذا كآبتن ستيوا بوخآرست سآبقا !

اللآعب الكبير زي مآ قلت لآزم يحآفظ على أعصآبة

بالنسبة للفريدي إذا مآ يبي يلعب في كثير مكآنه

وربي إنه لآعب كبير ولو في بس ذرة حمآس وربي نفس اللوك اللي يلعب فيه بو يعقوب

لآكن أتمنى من إدآرة الهلال والجهآز الفني الكلآم مع هذين اللآعبين بشكل خآص صرآحه

الأمور صآرت كل مبآرآة تصير أكبر خطر على الهلال

لكن أتمنى تدآرك الموضوع في أسرع وقت

نعاتب الهلال من أجل حبه في قلوبنا لآ من أجل أي شي آخر

وبالتوفيق للزعيم إن شآء الله

ms noody · #14 13/02/2011, 07:40 PM

الفريدي ....

الى متى هذا الاستهتار والبرود والتلاعب في اعصاب الجماهير
الحق يقال
صح انت لاعب كبير وخطير لكن بكامل احترامي
لاعب ما يحترق عشان الفنيله ويلعب بروح وحماس
وش ابي به في فريقي

صراحه ما ادري وش اقول عنه
المبارة اللي راحت ضيع ركلة جزاء وجلس يضحك
واليوم انفراده ويضيعها وتمريرات اي كلام
و و و

لكن ما ادري وش السواه معه

من جد والله العظيم الفريدي ايآم ينرفزني مررررررره بآرد و احسه بعد مستهتر
ما نقلل من قدراته ولا فنياته بالعكس لاعب كبير بس والله اه ما اقدر اقول

تسلم اخوي على الطرح

تحيآتي .

msfm · #15 13/02/2011, 07:44 PM

رادوي يستحق مايجيه

ضرب مره وحده اذا ماعدل اخلاقه و تأدب فحنا مانبي مشاكل

حتى ولو قال عنك شيء اتركه الرسول تكلموا عليه وسبوه ماقال شيء

فلاتدافع عن واحد اخطئ