>>> ليس الـــدعــيــع 2 ... بل الـــســـديـــري1 <<< - نادي الهلال السعودي - شبكة الزعيم

هلال أطلس · #1 07/02/2011, 03:58 AM

بسم الله الرحمن الرحيم...

أولا : الحارس عبدالله السديري

انا بصراحة شفته بكاس اسيا لشباب .. وما كنت اعرفه بس كنت أقوول من هو ذا الحارس المجنون...
ابي اعرفه بأي طريقه...بس يوم قال المعلق انه لاعب في الهلال والله اني فرحت يمكن اكثر من فوز المنتخب ذاك اليوم..

فعلا هو حارس مبدع وينتظره مستقبل كبيير اذا بعد عن الغروور طبعا...

ثانيا: ليش تقولون هذا الدعيع 2 ليش ما نقول السديري 1
غالبا الواحد اذا كان يقارن بشي..يكون طموحة انه يوصل للشي اللي يقارن فيه وبس...
عشان كذا احنا ودنا السديري ما يكون طموحه متوقف على لاعب انتهى مشواره في كرة القدم...
اوك اتفق معكم ان الدعيع اسطوورة...بس لو كان طموحه يصير مثل الدعيع بس..ما فبيه امل يصير ويمكن مستحيل بعد...بس اذا حط طموحه فووق يمكن يوصل للي وصل له الدعيع...

الزبدة من الكلام..: لا تسوون مقارنات بين اللعيبة ...
ولا تمدحون في الحراس بالذات كثيير..شفنا حسن يوم بدع قدام الغرافة >ذهاب< جاه مدح ولا كاسياس...بس يوم جاء الاياب حتى الكور باليالله يمسكها بسبب الثقة الزايدة...

عشان كذا لازم نوقف مع السديري ونعطيه حقه وما نعطييه فووق حقه عشان ما يصيبه الغروور ان شاء الله

وبإذن الله اسطورة الحراسة الهلالية القادمة يا السديري...

............................................................................

ومبرووك لكم يالهلاليين الأسماء الشابة>شافي الدوسري/القرني/الجهني/زيزوو/العابد<

...........................................................................

ملاحظة:ما حسيتوا ان عيسى ليين الحين ما لعب قدآآم الاتحاد..!!

ودي اشوفه احس انه بيبدع...

هلال أطلس · #2 07/02/2011, 03:40 PM

مشكووورين عالرفع يا مشرفين...

alzaeeeem4ever · #3 07/02/2011, 03:44 PM

من جد السديري كان نجم المباراه
ان شاء الله يحافظ على مستواه
بالتوفيق للهلال

قذائف الزعيم · #4 07/02/2011, 03:44 PM

تسلم يمناك اخوي وانا معك بكل كلمه قلتها مانبي نسوي مقارنه بين السديري والدعيع على شان مانخسر السديري نبي السديري يكون رقم واحد على قولتك والله يوفقه يارب واعجبني كثير عبد العزيز الدوسري والقرني والله يوفقهم يارب

بااانتظار رجعو نواف العابد وخالد عزيز الله يحميه من الاصابات وتقبل مروري والف شكر لك على موضوعك الاكثر من رائع

قذائف الزعيم · #5 07/02/2011, 03:45 PM

بالنسبه للكابتن عيسى المحياني ياليت اشوفه اساسي مع احمد علي امام الوحده

aboode 20 · #6 07/02/2011, 03:49 PM

اتركوا الالقاب للاعبين هذا دعيع وهذا النعيمه والثنيان ألخ ..

خلووهم يحسووون شوي , كذا راح ندمرهم ويغترون .

السديري نجم المباراه الاول والله يوفقه مع الهلال

وانا متأكد انشالله انه راح يكون حامي عرين الزعيم

قوووت القلوب · #7 07/02/2011, 03:59 PM

الله يعطيك العافية
وبالتوفيق لحارس المستقبل

الذيب الزعيمي · #8 07/02/2011, 04:07 PM

يا لبى قلبك ياخخخخخخخي ايه هذا الكلام

تووووووووووه اول مشواره مو اي حارس يبدع بمبارات خلاااص كاسياس

لا توه ان شاء الله قدامه مستقبل بس يحافظ على مستواه وان شاء الله ربي يوفقه

ابوهلال15 · #9 07/02/2011, 04:38 PM

من جد السديري كان نجم المباراه
ان شاء الله يحافظ على مستواه
بالتوفيق للهلال

ali khaled- · #10 07/02/2011, 04:52 PM

الصراحه كلامك منطقي

وحبيت اعلق على الاعب عيسى

فاهو لاعب يدخل الملعب يسوووي فررررررررررررق

يا يسجل هدف او يصنع اهداف وييزعج

بس مادري ليش مايعطيه كالديرون فرصه

!!