[ابوجندان الهلالي]

بسم الله الرحمن الرحيم ..

والصلاة والسلام على خير المرسلين ..وبعد ..

جماهير الزعيم العريقة ..

ألحين بين معارض وبين موافق للعملية الوقوف ..

فهناك من قالو لا يجوز .. ليه نسوي كذا .. وناس يقولون غلط عليهم المفروض .. يسون زي النصر ..

أنا بشرح وجهة نظري أنا شخصيا ..

ألحين لو إفترضنا انا شخص كافر لا أؤمن بالإسلام .. واعتقد انه دين إرهابي ولا هو دين سلام ولا شئ ..

ولا اعرف اي فكرة عنه غير الفكرة المعطاه لي من قبل الأخبار.. انهم يفجرون وأنهم قتله ولا يدعون للسلام ....

وجات الفرصة إني أشوف المسلمين عن قرب ولو ل90 دقيقه .. وأشوف طريقتهم في التعامل معي ..

وجيت وشفت إنهم ماوقفو حزن .. دقيقه وحده .. إستخسروها علي حداد على ناس قتلو .. بنظري انا أنهم مسلمين اللي فجرو ..

وش راح تكون نظرتي .. للإسلام .. أكيد بترسخ .. النظره في راسي ..

بل بالعكس .. لو شفنا ماقامو به الأشقاء النصراويه .. أرفع لهم القبعه .. ليس لأنهم قامو بالوقفه هذه فقط .. بل لأن هذه الوقفه قد تكون سبب ولو من بعيد لتحسين نظرة الإسلام في نظرهم ... وقد يكون هذا سبب لمعرفة الإسلام عن قرب ومعرفة ماهو هذا الدين .. والإسلام .. بعدها وبكذا تكون أخذت اجر هداية واحد للطريق الصحيح ...

ناس بيقولون الحين .. إحنا وش دخلنا فيهم ..

قبل ان يكون من مبدأ الدين من مبدأ الانسانيه .. المسلم مايفرح بمصيبة عدوه ..

ولنا في خير المرسلين رسول الله محمد صلى الله عليه واله وسلم ..قدوة ..

قال الله تعالى (وإنك لعلى خلق عظيم )

فقد اعطانا رسول الله علية الصلاة والسلام.. خير مثال..عندما ذهب وزار اليهودي الذي كان يرمي عليه بالقذارة والشوك .. عندما مرض .. ليه ماقال هذا يهودي بستين داهيه .. خله يموت جهنم وساءت مصيرا ..

قام الرسول عليه الصلاة والسلام .. وزاره .. وأسلم اليهودي بعدها .. كيف ماناخذ هذه اللحظة قدوة .. مو الرسول عليه الصلاة والسلام .. يبي يوري اليهودي أخلاق الإسلام .. ويوم شافها وش صار .. أسلم ..

فلماذا هذه العصبيه المنفره .. اللي ممكن توصل فكرة للطرف الآخر .. خاطئة عن الإسلام .. وهذا مانعانيه من الإرهابين ..والمتشدقين بإسم الإسلام ..

انا جاتني أكثر من رسالة تقولي انه تعاليم إسلاميه وماتعاليم .. وانه النصر فكر نصراني وماادري وش .. للأسف هذولا ناس متشدقين ومايعرفون وين الله حاطهم ..

وانا ماكتبت الموضوع لأن في ناس زودوها فيها .. والوقفه وماالوقفه ..

وكنت اتمنى انه الهلال وقف .. ذاك الوقت .. علشان الهلال متابع من قبل جماهير .. كثيره .. وفي من محبيهم مسلمين ومسيحين اجانب وعرب .. قد يكون بسبب هذه الوقفه تنجون احد من جهنم .. وتغيرون فكرة خاطئة عنا ..
والحمدالله رب العالمين على كل حال .. والصلاة والسلام على رسول الله ومن تبعه ومن والاه ..

والإختلاف في الراي لا يفسد للود قضية ..