[الزعيم بطوله]

بسم الله الرحمن الرحيم

كيفكم يازعماء انشالله انكم بخير .

اول شي مبروك البطوله الدوليه الي جنت ثمارها.

ابي ادخل في المواضيع الي عندي .

الدكتور( تركي العواد)

الله يهديك بس صراحه انا معجب في تحليلك يادكتور ولاكن عليك طلعات احيانآ مدري كيف امس تابعت التحليل

وشفته شطح شطحه مدري كيف يعني مالقيت نقد توجهه للفريق رحت لشي تافه تتكلم عنه (العلم الصغير) وماكان

مع الكبتن وش صار يعني خربت الدنيا وخاصه اذا كنت تقصد علم السعوديه طيب ليش اعطي العلم للاعب مسيحي

ياخي العلم مكتوب عليه لا الله الا الله محمد رسول الله شرف لنا انا مانعطيه لهم .

وقاعد تنتقد الكبتن سامي وانه خطأ اداري ومدري كيف ياخي ترى الموضوع ما يستاهل الله يصلحك

وسامي تراه عارف وش يسوي بس لا تحاول تصتاد في الماء العكر كان فيه شي بينك وبين سامي هذا شأنك.

ولاكن لا تحاول تستغل طلعتك على التيفي وتوجه انتقادات مالها اي معنا ولا مبرر .

ارجو ان تحترم عقل المشاهد يا دكتور( تركي العواد).

( الكعبي)

طبعا ا الكل شاف الكعبي والمباراة الجميله الي قدمها وشاف السرعه الي موجوده عند الاعب وحماسه.

والجسم والبنيه الي يتمتع فيها طبعا مباراة واحده لاتكفي للحكم على الاعب اكيد ولاكن الاعب عنده شي

يبي يقدمه اكيد عنده ملاحضات مثل تواجده بكثره في الوسط وفي المحور بذات وما يكون في خانته بستمرار

كظهير هذا كان في الشوط الاول ولاكن الملاحضه اختفت نوعا ماء في الشوط الثاني وصار يدافع ويهاجم

ومغطي خانته والتحامه على الخصم اعجبني لما يملكه من بنيه جسمانيه جيده ما شالله .

طبعا انا سمعت انه راح يعار في الفتره الشتويه الحاليه لنهية الموسم ممكن للفتح مدري .

لاكن ليش الاعاره يعني يوم شفناه وقدم مستوى طيب تعيرونه. ؟؟

ممكن بعض الجمهور يقول عندنا الكوري يلعب ظهير ايسر ونامي يمين وشافي الدوسري موجود والزوري بيرجع

ولاكن لو اصيب الكوري او توقف مباراة والزوري يبيله وقت وشافي يلعب مع الفريق الالومبي طيب وش نسوي

لازم نتعض من التفريط في الغامدي ويوم اصيب عزيز ورادوي راح منتخب بلاده مالقينا الا البرقان وكانت النتيجه

خروجنا من الاسيويه.

(ارجو عدم اتسرع في الاعاره).

(ماجد المرشدي)

المرشدي راجع ياجماعة الخير انا شفت الاعب غير قدام الفريق الروسي كان متحمس ويبي يقدم شي.

يمكن عشان حس ان الخانه بتروح منه بعد بروز عبدالله الدوسري يمكن بس بعد الهدف الروسي زعل وهو

ماله ذنب انا صراحه توقعت هو الي غير اتجاه الكوره بس بعد الاعاده طلع لاعب اخر بس يوم جا الهدف انقهر

وطق الارض وهذا يدل انه حاس بالمسؤليه وانه حاب يرجع زي اول وهو مقتنع انه مقدم مستوى طيب.

وهذا الي نبيه فيك يامرشدي انك ترجع لمستواك والله يوفقك مع الزعيم خاصه بعد رجعة عزوز.

الهلال

كامل الدسم وموناقصه الا توفيق الله عز وجل

ودمتم زعماء