17/01/2011, 11:12 AM
|
| زعيــم مميــز | | تاريخ التسجيل: 10/08/2007
مشاركات: 1,892
| |
|
هـــــــــــــــــام :(( جمهور الهلال vs جمهور النصر ))
السلام عليكم ورحمة الله وبركاته
صبحكم (( مساكم )) الله بالخير ياجمهور الهلال
لي فترة ادخل المنتدى اقرأ واطلع (( من كثر المواضيع اللى تجيب المغص والاكتئاب ))
مع العلم اني قبل فترة كنت من اكثر المشاركين ولكن للأسف مايحدث شي لنا شي يفشل
وتشكر ادارة المنتدى والمشرفين على مجهودهم الجبار في ادارة هذا الصرح الكبير
ولكن صلب موضوعي هو : جمهور النصر والهلال
اولا : قبل فترة كنا نتطنز ونتشمت في حالهم وان كل مواضيع منتداهم عن الهلال والان ارى ان كثير من مواضيع منتدانا عن النصر وش اللي صاير؟؟؟ بكيفهم هم واجانبهم وادارتهم ومشاكلهم!!!
ثانيا :هم كل تفكيرهم بطريقة التشويه لكل ماهو ازرق رئيس عضو شرف لاعبين المهم ان لونه ازرق والحين جاء دورنا اغلب مواضيع منتدانا عنهم (( عسى ماشر ))
ثالثا : اصبحوا هم الان يحاولون الاتفاف للنظر لناديهم من بعد ماجاهم رئيسهم (( الله يصلح حاله وتفكيره )) لكنه بعد مانه فشل وماقدر يوفي بوعوده التفت للهلال ولكل ماهو ازرق علشان يحلوا بعيونهم ---- والان نحن كل تفكيرنا نراقب سقطات وهفوات واساءات فيصل بن تركي
رابعا : (( ياجماعة الهريفي اقلقتوا روسنا فيه )) ملينا من مواضيعه بالمنتدى صجيتونا ياخي عليه من ربنا ماعليه وربي ينتقم منه وبياخذ حق ياسر من حلقه اذا مو بالدنيا بالاخرة لكن انا وكثير من الجماهير الهلالية ندخل لمنتدانا لأنه انموذج بالاهتمام الذاتي بس بفريقنا ندخل نستمتع بكتابات الاعضاء اصحاب الفكر الجميل والان كل اللى نشوفه مواضيع عن هالانسان الهريفي (( خالف تعرف + سب كل ماهو هلالي + ناديه ماتقبله + اي واحد يتحاور معه لازم يعاكسه بأي شي وكل كلامه انا وانا واني يوم وسويت ... الله يشفيه خلوووه ))
خامسا : (( سوء الظن )) هم كل امر او عقوبه او اي قرار يسيئون الظن اولا بالله وثانيا اعتقادا بأن القرار ضدهم وكل حركه وكل فعله يقولون (( لخدمه النادي الكحلي + او هذي تحركات اللوبي الازرق ))
والان : الهلال بدا يجتاحهم تفكير النصر ومنها الشك بوزير الشباب والرياضة الجديد وانه نصراوي وانه مادري ايش عسى ماشر ياخوان اذا ماهو نصراوي ياعساه يشجع النصر بكل قوته (( لكن بالعقل اولا هو الان مسؤول واي زله بتحسب عليه والعين عليه مفتحه ثانيا التعيين بأمر ملكي من ابو متعب لو انه مو كفو بيشيله سلام سلام ثالثا الهلال ماهو جدار قصير ولا هو نادي ضعيف فيه رجال تعرف تحميه وتدافع عنه صح انهم مثاليين لكن لاطلعت العلوم والله ان يحرقون الدنيا حبا لهالكيان ))
سادسا : موضوع اللاعب الاجنبي ياجماعه كم عضو بهالمنتدى من النص مليون عضو؟ دق عليه سامي الجابر او عبدالرحمن بن مساعد ربي يحفظهم وقاله (( ياطويل العمر من تبي نتعاقد معه )) وقاله تم وابشر وجابوله اللاعب ....كل خمس دقايق يجينا شخص فحط بقوقل ربع ساعه او شافله مباراة على الجزيره وشاف له لاعب جابله هدفين قال خلاص هذا بخلي الهلال يجيبه الله لايعو ق بشر
- متى حطوا ترشيح او تصويت للاعبين يختارونهم الجمهور ويتعاقدون معهم (( ترا فيه شي اسمه موافقه اللاعب موافقه النادي مدراء اعمال مفاوضات .....الخ ))
- اللي يبي يجيب لاعب الله لايهينه يروح لوكيل اعماله ويوقع معه ويقدمه للنادي هدية (( ويفكنا من كلمة ..اتمنى ان يتعاقد النادي مع فلان ...ياليت يجيبون فلنتان..))
- للمعلومية عندنا ادارة واعية
- للمعلومية فيه ورش عمل يتم التشاور فيها بكل مايخص الازرق
- للمعلومية عندنا بعد الله شبيه الريح
- للمعلومية عندنا شخص انسان خلوق متعلم واعي محترف اسمه / سامي عبدالله الجابر
- للمعلومية حط راسك بالدرج ووكل امرك لله ثم لأدارة النادي وهم كفو وريحونا من المواضيع اللى ماتسمن ولا تغني من جوع
اشكر الجميع اللى عجبه موضوعي واللى ماعجبه
المؤيد والمعارض
اللي بيحترم واللي بيشتم
اخوكم
ابو باسل
القصــــــــيم
|
الوضع العادي
