[hi20]

بسم الله الرحمن الرحيم

سلام عليكم ايآها الزعماء


بالامس شفنا المستوى الهزيل والممل للمنتخب السعودي

وعدم وصوله الى المرمى سوى مرات تذكر وبكرات اكثرها عرضية

طبعا للذكر امس لعب المنتخب بالتشكيلة التالية

وليد عبدالله

السعيد............. اسامة المولد ............ هوساوي ............ شهيل

كريري ............ احمد عطيف

عبده العطيف ............ مناف ابو شقير

ياسر ............ الشمراني


نلاحظ من الخطه ان المنتخب لعب بخطة 4-4-2


للاسف الخطه هذي اثبتت فشلها في مجارات الخطة الرائعة 4-5-1

وقدمنا مستوى والله العظيم يفشل ولا المنتخب الي كان امامنا مع كل

الاحترام والتقدير لم يكن بذاك المستوى والمهارة



طبعا الحين بيجيني واحد يقول لي هذا منتدى جمهور الهلال

روح تفلسف في منتدى المنتخب السعودي


تعال اقول لك ليش كتبت الموضوع هنا

للاسف انه طيب الذكر السيد كالديرون يميل للعب بنفس خطة بيسيرو

الي هي 4-4-2

وشفناه اكثر من مره يحاول تجربة الخطة ولم تنجح حتى اتذكر في

مباراة للهلال لعب من بدايتها بالتشكيلة هذي واعتقد انه الهلال كان

مهزوم او متعادل ومش قادر ياصل للمرمى الين غير الطريقة بالشوط

الثاني وسوى ثلاث تغيرات وعاد الهلال للمباراة وفاز فيها

طبعا المباراة هذي كانت السنة ذي مع احد الفرق المتوسطة بصراحه

ما اتذكر منهو ..

زبدة الكلام ...........
الادارة الهلالية بالايام هذي تسعى للتعاقد مع مهاجم عشان ترضي

الجماهير وترضي المدرب الي يبي يلعب بالخطة هذي



يا ناس والله ما ينفع حتى لو كان عندي افضل مهاجم بالعالم

ومش قادر اصنع له فرصة صدقوني راح يفشل

لكن لو كان العكس عندي افضل صناع لعب وصنعت للمهاجم

بدال الهجمة الف بالاخير راح يسجل وممكن احد من خط الوسط

يسجل زي ما شاهدنا الكثير من المبارايات ومنها مباراة

الهلال - والاتحاد

5 - صفر

سجلوا لعيبة الوسط ...


في النهاية اتمنى انه الادارة تعيد النظر بجلب صانع لعب بدل من مهاجم

لحد يجي يقول لي عندنا اكثر من صانع لعب ونبي مهاجم

يرحم ابوكم مهاجم بدون صناع لعب خلفة وقت المباراة مش احتياط

ما راح يقدر يسوي شي ..

في النهاية ..

اذا اصبت فمن الله واذا اخطأت فمن نفسي ومن الشيطان ..


اخوكم / عبدالعــزيز