[super pippo]

السلام عليكم ورحمة الله وبركاته ..

بعد إصابة اللاعب حسن خيرات بالرباط الصليبي وإبتعاده عن الملاعب لفترة لا تقل عن 6 شهور لم يتبقى لنا في الدفاع إلا أسامة هوساوي وماجد المرشدي وعبدالله الدوسري ( أولمبي ) ورضون الموسى ( أولمبي ) وعبداللطيف الغنام ( محور ) ورادوي ( محور ) هؤلاء اللاعبين هم من يستطيعون ان يلعبو في خانة الدفاع ..

انا اتوقع راح يعاني الهلال من خانة الدفاع هذا الموسم بشكل كبير بعد هبوط طفيف في مستوى هوساوي وهبوط كبييييييير في مستوى المرشدي وطبعا الدوسري ورضوان الموسى اقل منهم مستوى بكثيييير وبالنسبة للغنام ورادي اصلاً نحتاجهم في المحور لأن مافيه الاهم ممكن يشغلو مركز المحور لأن خالد عزيز مصاب والبرقان مستواه مو بذاك الزود ..


فاتمنى من إدارة الهلال بسرعة البحث عن لاعب متميز في خط الدفاع يكون مع اسامه والمرشدي ليغطو خانة الدفاع خصوصاً مع إصابات المرشدي الكثيرة ..


لو جينا بحثنا عن المدافعين المتميزين في أنديتهم لوجدناهم اغلبهم في الفرق الكبيرة التي من المستحيل ان تفرط بهم ولكن هناك لاعب دولي لعب مع أسامة هوساوي وقدم مستويات كبيرة عام 2007 في كأس أسيا وقاد دفاع المنتخب الى نهائي كأس أسيا وكان هو وأسامه من شالو دفاع المنتخب طوال البطولة واللاعب متاح لنا وهو (( وليد عبدربه )) والأمير فهد بن خالد أعلن اللاعب سيعرض للبيع في حال أتى له عرض مناسب وكلنا سمعنا مفاوضات البلطان للاعب ..


بصراحة اللاعب مكسب كبير لأي فريق قد يقول البعض ان اللاعب غير منظبط ولكن زي مانعرف ان النادي الاهلي مافيه احد يمسك زمام الأمور ويتعامل مع اللاعبين بكل حزم عشان كذا اغلب اللاعبين الأهلاويين تلاحظ لهم مشاكل مع النادي الاهلي عكس نادي الهلال اللي يكون فيه انظباط كبير من كل اللاعبين ..


كلمة اخيرة بعد كأس أسيا الأخيرة عام 2007 الهلال كان يفاوض اللاعب والأهلي جدد للاعب ب 10 مليون ريال وهذا دليل على مستوى اللاعب الكبير فأتمنى من إدارة الهلال جلب اللاعب في أقرب فرصة لسد خانة الدفاع والفراغ اللي حاصل بعد إصابة خيرات وهبوط مستوى المرشدي وإصاباته الكثيرة ..