[Ro0o7 alz3eem]

السلام عليكم

مبروك علينا كزعماء الانفراد بالصداره مع وجود مباريات مؤجله ..
الشيء الثاني الي بصراحه ينرفزني كل مباراة من وجهة نظري <
جهة الظهير الايسر مع احترامي لسلمان الفرج مو مكانه يلعب ظهير ايسر
لو تلاحظون المباريات الي لعب فيها ظهير ايسر فيه ثغرات كثيره من جهته
هجوميا هو يعطيك فايده اما دفاعيا بصراحه مستواه مره سيء
ولو نلاحظ اكثر الانفرادات مايقصر سلمان الله يعطيه العافيه تحصله منفرد من الجهه اليسرى
انا ما اقول ان مستواه ماتطور عن اول ولاكن انا ما اشوف انه يصلح للجهه اليسرى كظهير


وجهة نظري وانا اشوف كثير يأيدون الفكره هذي /
يلعب ليونج ظهير يسار وليونج لاعب ياما شفناه يقدم مستويات كبيره بالجهه اليسرى
ويلعب نامي يمين نامي السنه هذي يقدم عطاء ولا اروع ولا امثل له تطور مستواه بشكل كبير
يعني بعد المستوى الي قدمه يكون مكانه بدكة الاحتياط وله فرصه انه يبرز بالملعب كلاعب اساسي


اما بالنسبه للي يتكلم عن تخبطات احمد الفريدي /
احمد الفريدي لاعب جيد ولاعب من الصعب على المدافع توقع حركاته من صعب علينا نقول :
يا احمد دخل هدف ولا ترا بنطلعك اعاره ...!!!؟؟؟
لازال احمد الفريدي لاعب صغير بالعمر ومستواه كبير والكل يعرف الشيء هذا
صحيح احيانا البرود يقتل ولا كن يفيد بأكثر الاوقات ..


نجي لنوف العابد //
لاعب احيانا تقولون عنه فيه غطرسه في لعبه ومن هالكلام ...!!؟؟
والبعض قال انه لما صنع الهدف لياسر اما الفيصلي ان ياسر هو المبدع وحده بهذي اللعبه
ونسو نواف والعرضيه الي لعبها للقناص ...!!؟
عزيزي من الطبيعي ان المهاجم الجيد هو من يبحث عن الكره ليس الكره من تبحث عن الاعب
نواف عاد من اصابه وقدم مباراة كبيره امام الفيصلي عطاء بصراحه تبين عودته بقوه للملاعب
وهو لاعب يسوي قلق بالملعب ع صغر سنه وجسمه ولاكن لاعب مهاري وجيد بصراحه ..

[صوت الماضي]

نامي مهوب بعيد عن الفرج من ناحية التغطيه الدفاعيه
وان كان نامي افضل من الفرج بقليل " سعيد اخو مبارك "

جب اظهره ينشد فيهم الظهر وريحنا
مو اظهرة مشي حالك وشغل ترقيع


بالنسبه للفريدي .. الولد مافيه كلام وان شاء الله يتدارك اخطاءه في قادم الايام

والعابد .. لازم يفهم انه في البدايه ويترك عنه التوهم انه حقق شي يذكر للهلال


ولو تشاورني والامر في يدي
لحقت سلمان الفرج بــ فهد المفرج وحطيت وليد الجيزاني هديه فوق البيعه
لكن مافي يدي حيله


يعطيك العافيه وتسلم يمناك

[أبو شيرين2008]

فعلا الفرج لٌ الاسف ماينفع ظهير يسار
بس هذي القناعه من كالدي ذكرتني بقناعته في عبيد الشمراني في الاتحاد
إن شاء الله يرجع الزوري بسسسرعه ويفكنا

[abdu11ah-a]

اما بالنسبه للي يتكلم عن تخبطات احمد الفريدي /
احمد الفريدي لاعب جيد ولاعب من الصعب على المدافع توقع حركاته من صعب علينا نقول :
يا احمد دخل هدف ولا ترا بنطلعك اعاره ...!!!؟؟؟
لازال احمد الفريدي لاعب صغير بالعمر ومستواه كبير والكل يعرف الشيء هذا
صحيح احيانا البرود يقتل ولا كن يفيد بأكثر الاوقات ..

اخووووي من جدك انت وربي احمد الفريدي فاشل وبارد ما عنده الا المهارة الفردية ياشيخ كل مبارة يضيع الهلال وربي ما يستاهل يكون هلالي لا هووووو ولا العتيبي

[الزعيم يبقى عظيم]

أوافقك الراي وبشده بخصوص اللاعب سلمان الفرج فمكانه ليس ظهيراً ،
ولاحظنا في أخر الللقاءات التي لعب فيها اللاعب محمد نامي تجانس كبير بينه وبين السويدي ويليهامسون ،
نتمنى أشراك نامي يميناً والكوري لي يونق شمالاً ،

أما بما يخص اللاعب أحمد الفريدي ، لاعب كبير ومهاري صحيح ،
لكن من وجهة نظر شخصيه أعتقد انه أخذ فرصته الكافيه مع الهلال فوجوده أصبح يشكل ثقلاً على الفريق ،
ولا ننسى ماقدمه للهلال ، لكنه متذبذب في مستواه ويقتل حماس اللاعبين خصوصا أثناء المرتدات ،
قد يقول البعض أنه يلعب بفكر ويفكر قبل أن يلعب الكره ، لكن من مميزات اللاعبين سرعة البديهه وهذا مايفتقده الفريدي ،
فنلاحظ الشلهوب أو نيفيز أحيانا أو ياسر أو أو أو يلعبون كرات ذكيه دون التفكير طويلا ،



نواف العابد نجم قادم وبقوه ولاعب ذكي ومهاري ومزعج جدا ،
من رأيي حان الآوان لإشراك عزوز والعابد مع أبقاء الفريدي ورقه رابحه .

[hashm]

بكل امانه اذا تقدم الفرج الى الوسط اشوفه يبدع اكثر ..

يا ليت يثبتونه وسط على طول ...

[الزعيم+الزعيم]

الصراحه الهلال هالايام يخوف
يعني بدنا ندخل المباراة ماندري وش يصير علينا
بسبب التشكيل اللي اشوف انه عقيم شوي

[ميمو 8 الهلاليه]

بصراحه سلمان الفرج هو نقطه الضعف الهلالي من جد مايعرف يلعب مدري ليش مقتنع فيه كالدي بس ان شاء الله تتغير قناعات المدرب كالدي ونشوف نامي في قادم الايام

اما بنسبه للفريدي من جد ابرد لاعب في العالم بس انشاء الله يتغير يصيرعنده لو شويه حمااااأأأأاس

[حمودي900]

فعلا الفرج لٌ الاسف ماينفع ظهير يسار
بس هذي القناعه من كالدي ذكرتني بقناعته في عبيد الشمراني في الاتحاد
إن شاء الله يرجع الزوري بسسسرعه ويفكنا

[ابراهيم السالم]

امن لي حارس بمواصفات عالية وتركيز وحضور ذهني في المباراة وتوقيت ممتاز في الخروج من المرمى لان الحرسة من وجهة نظري هي نصف الفريق
اذا كانت عندك حراسة قوية راح يكون عندك فريق قوي يحب الهجوم لانه متطمن على المواقع الخلفية بعد توفيق الله
عيب الفريدي فقط البرود الذي يصل الى حد الموت في اللعب الفريدي الان هو اللاعب الوحيد الذي يملك مهارات عاليه ولكن كما قلت يعاب عليه البرود الزائد ومع ذلك رغم بروده يرتكب في بعض الاحيان اخطاء تؤدي الى طرده ولديه غطرسة نوعا ما اذكر في مقابلة تلفزيونية معه انتقد الجمهور الهلالي لانهم وجهو له النقد

[Ro0o7 alz3eem]

إقتباس الرسالة الأصلية كتبت بواسطة ابراهيم السالم امن لي حارس بمواصفات عالية وتركيز وحضور ذهني في المباراة وتوقيت ممتاز في الخروج من المرمى لان الحرسة من وجهة نظري هي نصف الفريق اذا كانت عندك حراسة قوية راح يكون عندك فريق قوي يحب الهجوم لانه متطمن على المواقع الخلفية بعد توفيق الله

مع احترامي لك اخوي ومع بعض الي تكلموا عن الحراسه انتم طلعتو برا الموضوع
بس كلامك فيه من الصحه

وشاكر لمرورك اخوي

[assaf74]

الفرج ليشس ظهير
وانت جب حارس يكتمل الفريق
الفريدي برودته تنرفز
وين يحيى الكعبي ولا جايبه الهلال للإحتياط
ليش ما يلعبونه؟

[20 الكاسر ياسر 20]

الفرج ماني مقتنع فيه كظهير ايسر ، واشوف انه يعطي اكثر بمركزه الاساسي اللي هو مركز المحور .. لكن لكل مدرب وجهة نظر بس اتمنى من كالديرون انه ما يُصر على انه يلعب الفرج ظهير ايسر في حال فشله في هالخانه ،، الفريدي بروده يمكن يزعج الكثير منا اذا مو الكل وانا منهم .. بس اتوقع البرود هذا من سمات اللاعب اللي لايمكن تتغير .. العابد لاعب ممتاز بس مازال صغير والتطبيل له مو في صالحه ولاننسى انه توه راجع من اصابه + انه مايلعب بشكل مستمر .

[فارس العمران]

متى يعود نامي
بصراحة في فرق بين نامي والفرج
من ناحية القوة الجسمانية والخبرة وقودة التسديد

[SENSE OF GALI]

اخوي بالنسبه للفرج لاعب ما يلعب بمزكره
قناعاات كالديرون خلته ظهير وصاار هو نقظة ضعف الفريق
بتنكشف الثغره اكبر اذاا قابلت فريق كبير
اتفق معك بان يكون نامي ظهير يمين والكوري ظهير يساار

...
الفريدي و نوااف الله يوفقهم لعيبه صغاار وادائهم كبير
ماشااء الله عليهم والله يوفقهم
...
مشكور اخوي على الموضوع