بسم الله الرحمن الرحيم
يقول رئيس الفقر عطوا الدوري الهلال وخلونا نتنافس على المركز الثاني (يعنني مظلوم وحمال أسيه)
وأنا أقول في مثل دراج عندنا في نجد يقول ( الخبول علومهم تدل عليهم) يعني مثل علوم رئيس الفقر دايم تدل إنه خبل
أنا ماودي أذكر رئيس الفقر بالزمن البعيد ومآسي النصر خاصة مع الزعيم من عمر المهنا وإبرهيم العمر والقائمة تطول والأهداف الملغيه والخبير الكندي وبلنتيات الواير ليس وغيرها وغيرها ولا ودي بعد أسأل رئيس الفقر ليه من يوم دخل الحكم الأجنبي ملاعبنا وفريقك ماقدر يحقق ولا بطوله ليييه؟ وليه فريقك ماقدر يفوز على الزعيم بـ13 مباراة أوكثر بتحكيم أجنبي وماقدر يفوز الا بمباراه وحده وتحت ظروف معينه؟؟؟ ماودي أخليك تسأل نفسك كثير وتنلحس (بحكم إنك صديق نفسك) بقول اللي فات مات وخلاص
أنا أبيك الموسم هذا بس تسكر عيونك كذا وتتخيل معي الأشياء التاليه:
1- ياسر القحطاني يسجل ثلاث أهداف بيده في مباريات حساسه في الدوري ويجني من وراها الهلال ست نقاط
2- المحترف الأجنبي نيفيز يسجل هدف بيده على الرائد وينقذ الهلال من الهزيمه ويحصل الهلال على نقطة
3- الحكم يحتسب ضربتي جزاء للهلال اما القادسية واحده غير صحيحه والثانيه مشكوك فيها وينقذ الهلال من التعادل
4-الحكم يحتسب ضربة جزاء غير صحيحة لهلال امام الفتح ويطرد حارس الفتح لينقذ الهلال من خساره محققه
5- المحترف الأجنبي في الهلال يستخدم يده للسيطرة على الكره ويسجل هدف في مرمى التعاون
خلاص رئيس الفقر تخيلت النقاط اللي فوق مع إني ماذكرتها كلها بس حاجه بسيطة تخيل لوهي صدق فعلاً هذا ماحصل للهلال يمكن تموت تجيك جلطة مادري عاد دقيقه بعطيك مخمس وتصحصح كل النقاط اللي فوق سويها فريقك السنه هاذي بس غيرت وحطيت عمك الهلال ولاعبينه عشان تتخيل بس ريان بلال سجل ثلاث اهداف بيديه وبيتري سجل هدف بيده على الرائد وفيجاروا على التعاون وبلنتيين جتكم قدام القادسية غير صحيحه وبلنتي وطرد على الفتح غير صحيح
يعني بالأخير على مين تلعبها يالمظلوم
لكن مبروك عليك سياسة لي ذراع اللجان نجحت معك مثل مانجحت مع رؤساء النصر قبلك على العموم هنيالك
وسلامتكم
الوضع العادي
