[وجد الزعيم20]

/،
,
أولا أقسم بالله العلي العظيم أن اللي بكتبه نابع من قلب هلاليه
وقبل كل شي بما إني أبطرح وجهة نظري أتمنى الكل يحترمها مثل ماراح أحترم وجهات نظركم أكيد
،,
الاداره والكابتن سامي يوم جابوا كالديرون كانت حجتهم إنه ( عارف الفريق زين ومتابع للدوري)
طيب أمنا بالله
بس اللي جالس يسويه بالهلال مايسويه مدرب جاي من الواق واق علشان نعذره بتخبيصاته ونقول جديد

’,
أولا
ظاهره لن تحدث إلا كل 100 سنه ( الشلهوب محور)!!!
مع العلم إن فيه ثلاث محاور بالفريق
رادوي / الغنام / البرقان ,.’ أذن ليش الشلهوب محور ( ناوي تقتله ) مثلاً
هذي أول إدانه لـ كالديرون هذا الشخص اللي يعرف الهلال كويس وماكل مننا خمسه !!,.
ثانيا
قلنا الزوري مصاب وممكن الكوري يلعب ظهير أيسر لأنه لعب كثير بهالمكان
ومحمد نامي أفضل من يجيد اللعب ظهير أيمن والكل شاف التفاهم الكبير بينه وبين ويلي
كالديرون جاب سلمان الفرج في مكاان الظهير مع أنه مايلعب ظهير ونامي جاهز يمسك الظهير الايمن ,وهنا علامه ؟
وهذي إيضا إدانه لكاليرون اللي قلتوا أنه عارف الهلال زين!!,.
ثالثا
الغنام ( لاعب سنتر ) لاحو ولا قوه إلا بالله ’, هذي بعد ظاهره لن تحدث إلا كل 100 سنه
مع إن أسامه جاهز يلعب وحسن خيرات , ليش التخبيص الله أعلم وهذي إدانه لـ كالديرون اللي قلتوا إنه يعرف الهلال,.
بإختصار
سؤال
مادام كالديرون زي ماقلتوا يعرف الهلال
ليش جالس يخبص بالمراكز ويفقد اللعيبه تركيزهم يعني مو معقوله أجيب مثلا حارس مرمى أقول يالله خليك هجوم
خلاص اللاعب تعود يلعب في المكان اللي ربي ( أعطاه موهبة اللعب فيه)
,
ياجماعة الخير أقسم بالله إننا بنعاني كثير مع اللي جالس يصير
ترى هذولا التعاون والفتح أيش بنسوي مع الاتحاد والشباب والأهلي
أخاف يجي يوم أشوف الشلهوب حارس مرمى
,
.
كل هالكلام اللي كتبته ينفي نفي قاطع مزاعم الاداره ومزاعم كالديرون إنه يعرف الهلال
مع اللي شفناه أبصم بالميه لو جاي مدرب جديد وغريب عن الفريق ماراح يستهبل ويخبص مثل ماسوا كالديرون
,
.
أنقذووووووا الهلال وإلا
سنخرج من الاسيويه بالدور الاول
هذا انذاااااار واحنا على كثر مانشوف ونقترح ونتكلم صرنا نفهم بكثير أكثر من المدرب
والمشكله يجيك ناس يقولون أصبروا على المدرب وبنفس الوقت يناقضون أنفسهم ويقولون المدرب عارف الهلال
طيب ليش يخبص دام عارفنا
وهذي ادانه للجمهور اللي يمشي ويطبل لمدرب لعب بالاتحاد وجاي يكمل علينا,.

اختكم اللي حايمه تسبدها .., وجد الزعييييم

[وجد الزعيم20]

شكرا على التنزيل مشرفيناااااا

[الصاعقة 999]

وانته شفت حاجة


المصايب باقي قدام


اصبر

[king707]

إقتباس الرسالة الأصلية كتبت بواسطة الصاعقة 999 وانته شفت حاجة المصايب باقي قدام اصبر

سحـقا لك
يا متشائم
يا كرهي للفلسفه(وعد الزعيم)

[سكروب ازرق]

والله نفس الشعووور

بس ان شاء الله الاوضااااع تتحسن بالايااام القاااادمه


كل التوفيق للزعيم امام الفيصلي ..............................

[ذgق]

بالفعل ,,

تصاب بالحسرة .. عندما يعبث المدرب بالفريق !!

في مباراة الحزم وضع الفريدي وسط يسار ونيفيز وسط يمين !!! << بالله وش يبي !!!

[قهوجية الهلال]

هلا وجد

أصلا كالديرون قرمبع من زمان
و أكبر دليل يومنه مدرب الإتحاد
خسران منا 5/0
أهقا دامه معنا بيحوسنا مثل ما حاسهم و بيردونها لنا

همين الشلهوب صدز وشوله يوديه ورا موب بعيده يحطه حارس
وأن تهور بيحطه حكم خط

ليت الإداره تدارك الموقف و تقشعه قبل يكب عفشنا بالآسيوية..

[♥ N E V E S ♥]

اي والله !!

كالديرون جالس يخربط ويحوس ويخترع !!

الله يستر من الجآي بس

عوآفي

[وجد الزعيم20]

الصاعقه
يوم نتكلم بالحقيقه تسميها فلسفه
طيب ابشر
كالديرون افضل من مورينهو
انتم تبون ناس تطبل
والهلال يروح فيها على حساب تطبيلكم

[محور ارتكاز]

والله كلامك عين الصواب

لكن ان شاء الله يتحسن الوضع

امس طوال المباراة وقلبي على يدي اقصد يدي على قلبي ههههههههههه


من الحواق اللي مسويه كالديرون

قولوا له يركد تراه يدرب الزعيم

[STS2005]

من غير المنطق ان نتكلم عن كالديرون ونحن نعرف ما هي الضروف التي ادت الى التعاقد معه وانه كان اقرب الخيارات في وقت قصير كان الهلال يعاني فراغ فني بسبب رحيل غريتس الى المغرب .

ومن السهل ايضا ان نأتي باي مدرب و نظهر الف خطأ عمله في اي مباراة حتى لو كان مدرب عالمي . ولكن النقطة المهمه هنا هي هل كشفنا لأخطائة من اجل مصلحة الفريق ام من اجل الانتقام لمن خالفونا الرأي .

يعطيك العافيه .

[السلطان الهلالي20]

كلاااااااااامك 100% سليم
ولازال للتخبصاااااااااااااات بقيه
وأنا كنت أتمنى أي أحد يطرح مثل هالموااااضيع
سلمت أناملك يازعيمه
وبالتوفيق للهلال

[MASHHOUR]

إقتباس الرسالة الأصلية كتبت بواسطة قهوجية الهلال هلا وجد أصلا كالديرون قرمبع من زمان و أكبر دليل يومنه مدرب الإتحاد خسران منا 5/0 أهقا دامه معنا بيحوسنا مثل ما حاسهم و بيردونها لنا همين الشلهوب صدز وشوله يوديه ورا موب بعيده يحطه حارس وأن تهور بيحطه حكم خط ليت الإداره تدارك الموقف و تقشعه قبل يكب عفشنا بالآسيوية..

هههههههههههههههههههههههههههههههه
ههههههههههههههههههههههههههههههههههههههه

[سويعات الاصيل]

كلام سليم وجميل جدا
اعتقد ان كل ماذكر رائع والدليل على ذلك تراجع المدرب وتغير الطريقة والعوده الى الطريقة 5-4-1
واخراجه للجيزاني هو بداية التصحيح وعوده الغنام للمحور
وبالنسبة لبداية الشلهوب في المحور قتل خطورة الشلهوب كما ذكرت في موضوعك وهذا مؤكد
والفرج ظهير(لالالا تعليق)سيحمل اللاعب مالا يحتمله فنامي موجود يستطيع اللعب في الظهيرالايمن والكوري يسار

نتمنى التوفيق للهلال في البطولات واتمنى من كالديرون ان يجد التشكيلة المناسبة
شكرا على طرحك

[وجد الزعيم20]

اخوي
Sts
اتقيل وجهة نظرك
ولكن
من غير المنطق
تقول اصبر على المدرب توه جاي
وبعدين تقولون انه يعرف الهلال
طيب مدام يعرف للهلال فليش الصبر
وليش ياخذ كل هالفتره