ربما نحتاج إلى تجديد دماء ..أفهموا القصد ..
بما إننا كنا الموسم الفائت (فلته) وكان الصديق والعذول مبهور بهلالنا ..
وبما إنه قيل عنا وكأننا فريق (اورربي) لما كان عليه لاعبونا من اللياقه الخرافيه واللعب الجماعي
والسريع..
وبما إننا فزنا بنتائج كبيره على الفرق الكبيره قبل الصغيره ..
وبما أنه كان التعادل مع فريقنا يعتبر بطوله..
وبما اننا كنا المرشحون الوحيدون لنيل جميع البطولات وبما فيها(( الآسيويه العاقه))..
وبما اننا اصبحنا الآن الآكثر جمهور قلق على فريقها ..
بعد هذا كله أجد انه يجب علينا تغيير بعض الدماء ..أي.. (بعض اللاعبين وبالأخص الأجانب)..
لماذا؟؟؟!!
طبعاً فيه بعض الأعضاء تفكيرهم محدود ..وبيردون ويقولون..ليش نسيتوا وش سووا العام ؟؟؟!!!!!
طيب هذا العام ..وقلنا لهم مشكورين ماقصرتم وكل(ن) أخذ حقه ..
بس هالسنه فريقنا متغير والجميع معترف اللاعبين ..المدربين ..الإداريين ..الرئيس وكل الجماهير..
طيب هذا معناته انه فيه خلل..ولازم يتصلح..
وبغض النظر عن الخروج من الآسيويه.. فالفريق حتى في المعسكر الخارجي كانت مبارياته مش ولابد..
كان هناك احباط غريب وتراجع في المستويات واللياقه والروح والحماس .. للأسف كانت تتراجع بشكل ملحوظ ومازالت..
أمّا بعد الخروج من الآسيويه فزادت الطين بلّه ..
واول مباراة لعبناها بعد الخروج كانت امام النصر والكثير توقع ان نكون طعم سهل لهم ..
وبالطبع كانوا(( يحلمــــوووووووون))..
وقدمنا مباراة جيده وكدنا نفوز ..ربما لإنها امام النصر ..!!!!
عموما البعض قال هذا الزعيم وياجبل مايهزك ريح..
وقلنا الحمدلله قدروا يسيطرون على انفسهم واحباطهم من الخروج..!!!
بس للأسف الفرحه ماتمت ويبدوا ان تلك المباراة كانت مجرد فقاعة صابون بالنسبة لنا ..!!!!
وبعدها نفوز في مباراة ونتعادل في ثنتين ..وكله من البرود والإستهتار واللامبالاة من( بعض) اللاعبين..
لا والمصيبه انا نكون متقدمين بهدفين ثلاث ويعادلونا بكل سهوله ..أجل هذا فريقنا..؟؟!!!!!!
يب نرجع لتغيير الدماء وإصلاح الخلل..
الجميع أجمع أن ويلي ونيفيز طاااايح مستواهم ..
وهذا لسببين اولها واهمها إنه عندهم مشاكل مع زوجاتهم بسبب العيش في السعوديه..وغيره..
وهالشي اوردي مأثر عليهم ..
ثم الخروج من الآسيويه ..اللي ماتكلفنا وجبناهم إلاّ عشانها.. وإلاّ المحليه مقدور عليها من غيرهم ..
طيب طالما المراد ماتحقق ..اللي هو الآسيويه..وهم في عز توهجهم وافضل مستوياتهم..ماتحققت..
اجل الحين بيحققونها..؟؟؟!!!!
وطالما ان هالسببين مجتمعات وش اللي يخلينا نتمسك فيهم.. وهم بصراحه مثقلين على خزينة النادي وبقووه..
خلاص نبيع عقودهم ويستفيد النادي بجلب لاعبين غيرهم فيهم حماس وروح ولم يجربوا(الخروج من الآسيويه)
يعني لاعبين بيجون جدد.. مامرت عليهم تجربة الخروج ..ولمّا يكونون حماسيين راح يدبون الحماس في الفريق كله ويخرجونهم من هالآجواء..
وبتشوفون كيف الهلال بيكون ..
طبعاً يفال انه سيتم الإستغناء عن احدهم وهذا اكيد ولكن الصح ان يتم الإستغناء عنهم اثنينهم..
صدقوني ياجماعه لاعبينا يدور في تفكيرهم شي واحد .. وهو انهم في عز توهجهم وقوتهم ماقدروا يحققوها
وشلون الحين بيحققوها؟؟!!!.. وهالشي طبعاً محبطهم ..وللأسف الجميع فشل في إخراجهم من تلك الحاله..!!
وغير كذى نقطه مهمه ..الحااااااااااارس.. (حسن)
بصراحه وبدون مجاملات ..حارس احيان يبهرك ..واحيان اخرى وهي الأكثر ينكبك ..!!!!
ياريت تشوفون لنا دبره يا إداره..والله النادي قاعد ينهار بشكل مخيف ..الله يستر بس ..
شطحه:
أخـــوي يقول
: الدوري هالسنه نصراوي
وعلى فكره ترى اخوي شخص عنده (بعد نظر)
ملاحظه:اللي كتبته مجرد وجهة نظر..فإذا كان هناك مؤيد ..فـ أهلاً وسهلاً..
وإن لم يكن فـ أيضاً أهلاً وسهلاً ..
والغاية هي مصلحة الزعيم ..لا غير
.
الوضع الشجري
