[20ياسرالقحطاني20]

الســلام عليــكم ورحمة الله وبركـاته
اسعـد الله صبــاحكم / ومسـائكم .. ( كلن على حسب منطقته الزمنيـه )
^
^
^
ياعمي اخلص علينــا بتفتح لنا محاظرهـ في حصة الجغرافيــا

المهم ياجمـاعة الربــع .. انا احد منسوبي شركـة موبايلي (.......) < مابين الاقواس حرية التعبيــر عن الرأي

زبدة الموضــوع / اليـوم صار اجتمـاع في كول سنتر الشرقيـه .. من رؤساء ومدراء اقسـام .. ومن ضمن الحضور .. كان موجود الاستــاذ /حمود الغبيني .

وانا طول الاجتمــاع عيني على حمود لا يروح منا ولا منـا لين اخذ لي منـّه شي .
وبالفعــل ما امداهـ يطلـع يكلم الا وانا ناشبن في حلقــه . يوم خلص المكالمـه وانا اقول تعال ابيك بكلمة راس بعيد عن الزحمـه .. الرجال بيني وبينـكم خاف شوي هذا وشي يبي فيني روساء اقسامه موجودين كلهم اذا يبي شي بيكلمهم وش دخلني انا
^
طبعأ هو ماقال هالكلام بس من ملامحه يوم تغيرت
قلت يا استـاذ حمود . أخوك الصغير الماثل امامك مسجل في شبكة الزعيـم له سنتين .(طبعأ ببرائه قاعد اكلمـه )
وطول هالسنتين ماكتبت موضوع واحـد .
لآني وبكل صراحه لست من المطبلين للاعب لكي اصبح وامسي عليـه بمواضيـع اكل عليها الدهر وشرب .
ولآني لسـت ضد من يلبس فنيلـة الهلالـ لكي اقول ان هذا اللاعب لا يستحق ارتداء الزي .
ولست ضد من يتقلد شارة الكبتنيـه . ولست ضـد من الاجدر بـ حراسة العرين الهلالي بعد عميد لاعبي العالم .
ولست ممن يثيرون البلبلـه في مواضيـع لا تعنيـهم وهي من شؤون ادارة النادي .
ولوّ انني مخولـ في التدخـل في شوؤن النادي . لآعطيتها لـ / عبدالرحمن بن مسـاعد لآنه من يستحق هذا التخويــل ..
الا قام حمود وسحب كرسي قال انت وش تبي بالضبط ..؟
قلت : ابي موضـوع انزلـه فالمنتدى عشان تصير عندي مشاركه وحده على الاقل
قال وبس ..!
قلت : شفت عاد .
قال اجــل انطلق للبيـت وافتح كمبيوترك وادخل الشبكـه واكتب مايلي :-

الان وعلى طاولـة النقاشـ .. ( وحسب افادتـه انها سترا النور قريباَ) ..
مشتركي الموج الازرق بفئتيها ( شحن / مفوتر) ..
سوف يمكنهم استبدال نقاطهم سواء المكتسبـه من ( فوز نادي الهلالـ او شحن او سداد)
ولكنـ ليسـت برصيد مجاني او دقائق او رسائل او كيلوبايتات لآستخدام الانترنت او قسـائم شرائيـه ..

انمــا بمبالــغ ماديــه تذهب لـ خزينـة النـــادي ..
وبهذهـ الطريقـه يستطيــع افراد الشعب الهلالي التبــرع للنـادي من دون اي اسقاط او تلاعب في انظمـة الدولــه بخصوص التبرعات سواء لـ الشركات او المؤسسـات بجميـع مسمياتها ..

ولا عاد تنشدوني وش سويت بعدها بـ حمود . انواع حبحبة الخشوم وحبحبة الروس اللي يشوفني يقول هذا عطـاه حمود الغبيني قريـد ( وشلون اشرح كلمـة قريد .؟)

الزبده انها زي الرتبــه وبس
هذا والله على ما اقول شهيـد ..
وعلى الزعامـه نلتقي ..