[بنت الزعماء!!]

------------------

--------------

سبق وتكلمت عن وضع الاولمبي اللي مايختلف وضعه عن الفريق الاول من ناحيه المستوى
الفريق الاول مثل مانلاحظ يلعب شوط فقط وفي هذا الشوط يبدع فيه ويسجل وكل الامور تمام
اما الشوط الثاني يكون في سبات عميق ومن السهل على الخصم التعادل وحتى الفوز بكل سهوله
لذلك نشاهد الفريق المنافس لايقلق بالنتيجه في الشوط الاول لانه يعرف البير وغطاه
طيب ليه لاعبيننا يضيعون الفرص بالهبل
واثقين من الفوز مثلا
ولا عدم احترام الخصم او انهم لايبالون اقصد لايهتم بالفريق سوا فاز او خسر
ويصفقون من الملعب بعد الخساره خصوصا لما يخرج الفريق من بطوله مهمه
على طاري يصفقون ليه ياسر صار كابتن قلت لاعبين مثلا
ماعلينا نرجع لموضوعنا
الكل يعرف حقد الحكام على الهلال
ويدورون الزله عليه يالاعبيننا انتم اعرف بهذا الشئ يعني لما يجيك لاعب الخصم طاير من بعيد
لاتقربون عنده خصوصا عن منطقه الجزاء ترا مو بس الفقر اللي يبون بلنتيات ويمثلون
حتى باقي الانديه
تبي ضربات جزاء وبالذات قدام الهلال يكون لها طعم خاص
خلاص هذي اللعبه مكشوفه ومعرووفه
حسن الله يهديك بس يعني لازم تحلي المباره بهذا الموقف احنا ناقصين
عاجبك ترتيبنا الرابع ترا مو لازم توتر وتحتك بالاعب احنا في مباره مهمه والمباره تهمنا
عموما
الهلال في خطر يا اداره
يااداره خلوكم قلب واحد
وين الرئيس في المباره السابقه
وين النائب طيب وين مدير الفريق
لاحول ولاقوه الا بالله
فريق بحجم وكيان نادي القرن بدون هؤلا
مايكفينا متحملين وجايبين لنا هالمدرب المطرود
هذي اخرتها يااداره تجيبون لنا مدرب مطرود من الاتحاد
تجيبه للهلال هذا الكيان العظيم
سؤال للاداره هالحين كاديرون هو المدرب اللي كان يراقب لاعبيننا قبل يرحل
النكره جيرتس
معقوله هذا المدرب اللي وعدونا فيه الاداره
وربي صرت اخاف من اي شئ جديد يجي للهلال
حتى اليوم سمعت رئيس الهلال يقول ناوين نجيب لاعب جديد اجنبي
قلت الله يستر لايكون لاعب مطرود مثل هالمدرب ونبتلش فيه
انا اقول خلونا على مجانيننا افضل مايجوون اللي اجن منهم
خلونا على لاعبيننا يااداره ترانا مو ناقصين صدمات ومفاجئات سيئه

اكرر واقول الله يوفق الهلال في كل فئاته
ويااداره تراه الفريق محتاجكم اكثر
الهلال امانه في عنقكم
خلوكم معاهم واذا ماتقدرون عليهم عطو الاداره لغيركم
ترا الجماهير تهمها الفريق اكثر من باقي الامور

المعذره على الاطاله
فقط كنت ابغى اقول اللي في خاطري