المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > منتديات نادي الهلال > منتدى الجمهور الهلالي
   

منتدى الجمهور الهلالي لمناقشة جميع الأمور المتعلقة بنادي الهلال

 
   
 
LinkBack أدوات الموضوع طريقة عرض الموضوع
المشاركة السابقة   المشاركة التالية
  #1  
قديم 12/12/2010, 05:44 PM
الصورة الرمزية الخاصة بـ أبـو زآيـد
زعيــم متألــق
تاريخ التسجيل: 09/07/2008
مشاركات: 962
Cool بعد رحيله .. لاعب عزيز جدا عليكم يعود للهلال + خطأ إداري + خبر طازج ( صور )

بسم الله الرحمن الرحيم



نوآف الهلالي يعود لكم من جديد < بينجلد وش خلاه يعود

يالله حي الجميع كلن باسمه



بصراحه لم أكتب هنا منذ الخروج المرير من الآسيوية والسبب يعود إلى إننا تكلمنا كثير

قبل الخروج ومواضيع وتحفيز وحماس الخ .. لكن بعد ما طلعنا لم يكن هناك فائدة من كثرة الكلام

ولا يوجد مصيبة ( كروية ) عندنا أكبر من الخروج من الآسيوية حتى نتحدث عنها

لذلك الواحد فضّل السكوت عن كثرة الكلام والثرثرة < اخلص وش تبي < أبد سلامتك




الحديث عن العشق الأزلي الزعيم ذو شجون وأحيانا لا صار الواحد معصب

من خسارة وإلا شيء يصير الحديث ذو (سـ)ـجون فانتبهوا على أعماركم



عندي كلام كثير والله لكن أبحاول أختصر بإذن الله في عدة نقاط إن شاء الله تكون خفيفة على قلوبكم





النقطة الأولى .. لا زال الطموح الأول لجماهير نادي القرن الآسيوي هو البطولة الآسيوية لذلك

كل ما تعمله الإدارة ويعمله المدرب الآن كله تخطيط وتجريب لمعرفة كيفية الحصول على الصديق الخائن كأس آسيا

عشان كذا المطلوب في هذه الفترة الشهرين هذي من الجماهير الهلالية الصبر على الإدارة وعلى المدرب

واللاعبين وعدم الضغط عليهم حتى يأتي وقت النتائج لأننا الآن في مرحلة جديدة مع مدرب جديد

وربما أجانب جدد وخطه جديدة

وبالذات المدرب السيد كالديرون يحتاج المزيد من الوقت حتى يعرف خفايا الفريق واللاعبين ويصل

للطريقة المناسبة .. مع أن المباراتين اللي لعبها كانت ممتازة فاز في الأولى أما الثانية فقد رسم للاعبين

خطة الوصول للمرمى ونجح ووصلوا عدة مرات ولولا رعونة التصرف لأنهوها بخمسة من الشوط الأول

عشان كذا كالديرون سوّى اللي عليه ..
وإلا تبيه أنت يعض ثوبه ويطب يسجل هدف

وبالمناسبة من أكبر أسباب الخروج المتكرر من الآسيوية هو إنه الهلال في السنوات الأخيرة

ما فيه ولا مدرب لعب معنا بطولتين آسيوية بحيث إنه يتعلم من أخطاؤه في البطولة الماضية

ويكون عنده خبره في هذي البطولة لذلك الآن كالديرون هو أفضل من يقود الهلال

في الآسيوية لمعرفته جيدا بآسيا وهو الذي حقق وصيف آسيا مع الإتي لحالو






النقطة الثانية .. بالنسبة للأحداث التي حصلت مع الهالك جيرتس في الموسم الماضي وبعض الأخطاء الإدارية

ربما نقول الإدارة معذورة بسبب إنها لا زالت في بداية العمل الإداري في الأندية وخذلها ضعف الخبرة في ما حدث

ويعتبر الخطأ اللي سبّب هذا كله هو
الفهم الخاطئ لمسألة التعامل الإحترافي مع المدرب ..!!

فلا يوجد أبدا ولم يحدث في أوربا أن تركوا مدرب يعمل لوحده ويشتري لاعبين ويبيع لاعبين آخرين ويجبر

أحد أساطير ناديه على الإعتزال وهم يعلمون أنه راحل لا محالة إن لم يكن بعد عدة أشهر فهو نهاية الموسم !!

هذا ما صار أبدا عندهم لكن هذا اللي صار عندنا لذلك أعتقد إنه درس وتعلمته الإدارة جيدا وهو عدم ترك

الحبل على الغارب للمدرب أبدا بل يناقش في كل شيء


طبعا أكبر خطأ حدث وأكبر جرح فتق ولا نعلم متى يبرأ .. هو اعتزال الأسطوره محمد الدعيع الذي اعتزل

وهو لا يزال الأفضل في السعودية ولو عاد الآن فهو لا يزال كذلك

وسبق إن تكلمنا في نهاية الموسم الماضي وارجعوا لمواضيعنا من يوم شفنا جيرتس

بدأ يعتمد على العتيبي وتوقعنا خروج محمد صحنا بأعلى صوت حافظوا على الدعيع على الأقل هالموسمين

وقلنا لمنتقديه ستعرفون قدره إذا رحل ... ولكن لم نجد أي أذن صاغية !! يعني محد عطانا وجه

على العموم أمر وانتهى لكن الأهم حاليا الاستعجال بتكريمه كـ عميد لاعبي العالمي من الاتحاد السعودي

وجميع طوائف الرياضة في البلد وتكريمه كـ أحد أكبر أساطير الزعيم من إدارة النادي الكرام





أما بالنسبة للحراسة من بعد الأسطورة .. حسن العتيبي حارس جيد جدا ما يحتاج .. وذلك إذا كان في يومه

لكن المشكلة متى يكون في يومه ..!!

من يوم مسك أول المباريات وتألق وبدأ الجمهور يرفع فيه وحنا نقول ودنا إنه يستمر كذا لكن إن كانه على خبرنا فيه

فهو مزاجي من الدرجة الأولى يعني مباراة فوق ومباراتين تحت .. وهذا ما يحدث الآن بالضبط

غير كذا حسن ترا عليه حركات استهبال يعني تجي كور كان الدعيع يمد يده اليسرى وهو واقف ويمسكها

تجي مع حسن وتلقاه ينط مترين فوق بعدين يطب على الكوره صاروخ ويصدها

يعني إني الكوره كانت صعبة وأنقذتها

ويجونك الشباب هنا من بكره يقولون حسن أنقذ ثلاث أهداف محققة على كذا الدعيع في كل مباراة

كان ينقذ ثلاث طعش هدف محقق

أنا طبعا ما أقول إنه سيء .. لا بالعكس قلت جيد جدا لكن مزاجي ما تدري متى يكون في يومه ..!!





خالد شراحيلي .. اللي نشوفه إنه متميز في ضربات الجزاء .. لكن غير ضربات الجزاء العرضيات

والتسديدات اللي نشوفه أنه ضعيف جدا فيها ربما بسبب نقص الخبرة أو ما شابه ..!

لذلك فليس من المنطقي أن يكون هو الحارس الأول عشانه يعرف يصد بلنتيات



( عطوا سداح فرصة )


لا أعلم هل هناك سبب إداري يمنع فهد الشمري إنه يوطوط على الملعب

لأنه فنيا حنا نعرف فهد مضبوط ..! بدون مبالغة جميع المباريات اللي مسك فيها كان ممتاز

ممتاز في العرضيات وفي التسديدات وحتى ميزة شراحيلي موجودة فيه وهي ضربات الجزاء

حيث كانت آخر مباراة مسك فيها اللي هي أمام الحزم في تحديد المركز الثالث لكأس خادم الحرمين

وفي البلنتيات صد ثلاث كور وكان سبب فوز الهلال بالمباراة

أنا من هنا ما أقول إنه الحارس الخارق والمنقذ لكن أقول زي ما عطيتوا غيره فرصه عطوه فرصه ..!

وهو ما يحتاج زي ما قلنا التجارب السابقة والفرص اللي أخذها نجح فيها فلماذا لا يأخذ فرصته ..!







اشتقنا يا خالد أقسم بالله اشتقنا والله إنك واحشنا حيل حيل

رحلت عن الزعيم منذ أشهر بسبب الإصابة الطويلة واليوم تعود للزعيم وتعود معك معاني كثيرة ..

.. يعود الثقل الكبير في خط المنتصف الذي - والكلام في الماضي ما ينفع - لكن لو كنت موجود معنا بالآسيوية

ما أتوقع أبدا يصير ما صار


.. يعود الثنائي الرهيب عزيز .. رادوي وقتها أشوف رادوي مرتاح جدا ويتحرك بطول الملعب

ويساند الهجوم ويرمي القذائف


.. يعود النجم الذي يحرث الملعب من الصافرة للصافره ويشيل الوسط الدفاعي على أكتافه

بلا كلل أو ملل ما شاء الله


.. يعود اللاعب الذي يعود وكأنه لم يغب بنفس المستوى العالي ونفس الرتم ونفس الحماس ونفس المجهود

ولا يوجد لديه شيء اسمه أبحث عن عذر لا عذر العوده ولا عذر إجهاد ولا تحامل على إصابة ولا غيره

وتبي تشوفونه في أول مباراة يلعبها .. هو هو لم ينخفض مستواه


.. يعود اللاعب الذي لا يحب الإعلام ( ولا الإعلام يحبه وينصفه ) ولا يهوى التصاريح ولا غيرها

يقول اهتماماتي فقط هي النادي وبيتي وغيره لا يهم


.. يعود اللاعب العقدة للاتحاد ولـ محمد نور تحديدا

.. يـعـود الـكـبـيـر خـالـد عـزيـز )

لا يمكن لأي أحد من الجماهير السعودية أن ينكر أن عزيز هو الأقوى والأفضل في المحور - إلا من أعماه التعصب -

وحتى مع المستوى الجميل اللي يقدمه الغنام أو أي محور سعودي فمكان عزيز لا يزال يناديه سواء في الهلال أو المنتخب ..!

يعني الحماس الدائم والمستوى الثابت طول المباراة وطول الموسم وعدم البحث عن أعذار أبدا هذا صعب على كل لاعب

لكن نشوف عزيز يمتلك هذي الصفات بكل اقتدار .. عشان كذا ما أحد له حق يلومنا باللي نقوله فيه

ولا أحد له حق يمنعنا من إنصافه


غير كذا لما تعد ركائز الهلال الأساسية اللي لا يمكن التفريط فيهم مهما تفاوت مستواهم تلقاهم ثلاثة :

أسامة في الدفاع .. وخالد في الوسط .. وياسر في الهجوم < هذولاء خط أحمر ممنوع الاقتراب


أما مشكلته الإدارية .. منذ الكرت الأحمر اللي أخذه أمام الاتحاد وعزيز أصبح في القائمة السوداء

وغير مرغوب فيه وغير محبوب أبدا من الإدارة ولا يمكن التسامح معه في أي شيء ..!!

سبحان الله وكأنه كان متعمد إخراج الهلال وكأنه الشخص الوحيد في العالم اللي أخطأ !!

وكأنه ليس من الركائز الاساسية في الهلال وكأنه ليس من اللاعبين اللي قدموا للهلال الكثير ..!

في المقابل كل اللاعبين أخطؤوا وأخرجونا من بطولات وسامحناهم .. سواء بلنتي الشلهوب

مع أم صلال أو بلنتي ياسر مع الوحدة الاماراتي أو غلطة هوساوي مع ذوب آهن وغيرهم .. الكل يخطيء ..!

وهذا الشيء أستغربه كثيرا من شبيه الريح تخيلوا حتى الآن !! حتى الآن لم تغفر هذه الغلطة لعزيز

يعني في مقابلة الرئيس مع مجلة فواصل قبل شهر قال ما نصه يوم سئل عن غلطة هوساوي :
إقتباس
فغلطته بالفعل تسلط عليها الأضواء كثيرا ولكن في مقابل هذه الغلطة قدم اشياء اكثر مما هو مطلوب منه وانقذنا من كوارث كروية

طيب ممتاز ولكن في سؤال آخر جاوب عليه وقال :
إقتباس
ورئاسة ناد مثل الهلال يكون مصيرك مرتبطا بـ: 11 لاعبا في الملعب , واذا ما قرر احدهم ان يطرد تضيع كل جهودك

طبعا هذا كلام عمومي ولكن كلنا نعرف إنه ما حدث هالشيء مع شبيه الريح إلا من خالد عزيز يعني الكلام موجه لخالد

والمشكلة سبق وقاله في لقاؤه مع الفراج وعاده في إحدى اللقاءات !! إلى متى وهذه الزلة لا تنسى وغيرها ينسى

يا شبيه الريح خذها منى عسى الله يحرم وجهك عن النار .. الله تعالى يقول ( والكاظمين الغيظ والعافين عن الناس )

ويقول ( وليعفوا وليصفحوا ألا تحبون أن يغفر الله لكم ...)

يعني والله إننا نشوف إنك قسيت بشكل مبالغ فيه على خالد عزيز في المقابل سامحت غيره يعني تقول عن هوساوي

إنه في مقابل هذه الغلطة قدم اشياء اكثر مما هو مطلوب منه وانقذنا من كوارث كروية ..!

طيب وعزيز ما أنقذنا ..! إلا أنقذنا أكثر مما أنقذ أسامه بعشر مرات بحكم إنه معنا من 9 سنوات ..!

أليس من الإنصاف أن نقول عنه مثل ما قلنا عن أسامه وأكثر ..!

مع كبير حبي وإعجابي بالصخرة أسامة هوساوي





( الانتقالات الشتوية )

طبعا وصلنا الخبر السعيد هذا الموسم من شبيه الريح بأن المهاجم الأجنبي قادم ..!

يعني فيه واحد من الأجانب يبي يضف عفشه

طبعا رادوي خط أحمر والكوري ما لنا عنه غناة يعني الموضوع محصور بين ويلي ونيفيز ..!

ويلي عنده عدة مشاكل أولها هبوط مستواه بسبب مشاكله العائلية اللي شكلها ما راح تنتهي

ولا عندنا وقت ننتظره لين متى تخلص مشاكله والشيء الثاني إنه لعب معنا في بطولتين آسيا

ولا أفلح فيها وهذا يعني إنه ما راح يساعدنا على البطولة الأهم ..


نيفيز عنده برضه عدة مشاكل منها إنه ما يبينا واللي ما يبينا ما نبيه < صحيح

لذلك لما تجبره على الاستمرار لن يقدم شيء إضافة إلى أنه أصلا فعلا لما اشتدت المواجهات

في آسيا لم يقدم شيء لذلك هو مثل ولي ما راح يساعدنا على البطولة الأهم ..


عشان كذا كانت كثير من آراء الجماهير الهلالية هو الاستغناء عن الرأسين كلهم

لأنهم أصلا من مشاكلهم إنهم موجودين في منطقة الوسط اللي ما حنا محتاجين فيها أحد

وشفنا شبابنا وش سوو بذوب آهن بالذهاب من دونهم ..!


فـ عندنا الشلهوب والفريدي والعابد وعزوز والفرج

كلهم رائعين في الوسط ..
إضافة إلى عودة عبد العزيز الكلثم ولا أعلم هل اسمه مسجل الآن أو لا

لكن الأكيد إنه لاعب ممتاز جدا لو ياخذ الفرصة المناسبة ويحل مشكلة الانضباطية اللي عنده

لأنه لا يوجد في الهلال وسط أيمن سعودي إلا الكلثم فقط ..!



لذلك ليش مثل ما نعطي الأجانب فرص كبيرة بعضهم موسم كامل أساسي حتى يثبت نفسه وبعضهم أقل بقليل

ليش ما نعطي شبابنا وحنا اللي نعرف مستوياتهم المتميزة ..! لذلك أنا أتمنى أن نلعب في المباريات القادمة

بأحد التشكيلات هذي ..







داري إني طوّلت عليكم < وسيع وجه

لكن العذر والسموحة وخوذوا هذا الخبر الطازج يقولك :

قرار وزاري يمنع جميع وسائل الإعلام من عرض ترتيب الدوري حفاظا على سمعة البلد

أجل النصر متصدر وش ذا الدوري

اخر تعديل كان بواسطة » أبـو زآيـد في يوم » 13/12/2010 عند الساعة » 12:57 AM
اضافة رد مع اقتباس
   

 


قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:55 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2025, Jelsoft Enterprises Ltd

Google Plus   Facebook  twitter  youtube