الى متى ياجمهور الهلال ... والله ماعاد نتحمل .. ادخل واحكم بنفسك
بسم الله الرحمن الرحيم ....
اخواني ارجو الاهتمام بمثل هالموضوع لانه صار فتاك بمنتدانا وبهلالنا ...طبعا هالكلام لكل شخص مخلص لهلاله
اخواني اعضاء الشبكه الاغلى على قلبي وقلب كل هلالي وش اللي قاعد يصير وش هالتخبط بتنزيل المواضيع و وين المشرفين عن بعض المواضيع .الله يعطيهم العافيه لكن نبي تدقيق اكثر على المواضيع اللي تنزل .. واحد منزل موضوع عنوانه المفروض حسن العتيبي يرجع مشي للرياض ! نفرض حسن دخل للمنتدى وشاف هالموضوع ..ومايخفاكم ان الاعبين يدخلون للمنتدى خلال المعسكرات وفي منازلهم ليرو نبض وتشجيع وتحفيز محبيهم وليس احباط وتخذيل كاللذي يحصل
اصبح اغلب الجمهور عاطفي ما ان يخسر الهلال الا واشهر سيف النقد الجارح وغير البناء ضد بعض الاعبين سواء اقدمو المستوى المامول ام لا .. وما ان يبدع او يفوز الا ونرا يابعد قلبي وياعيني ومستحييل نشوف كلمه نقد الا من القليل
انا من الناس اطالب بالنقد وانقد حسن على ماقدم وغيره ... لكن بحدود المعقول ويكون نقد بناء مو هدم وتدمير للاعبين وكان اللي حاصل بالمنتدا عندنا استلامات .. من ياسر اللي مابقا أي عضو مانزل نقد جارح فيه .. وتبونه يرجع وبعده اسامه .. وبعده ويلي ..وبعده ماجد ومن ثم حسن العتيبي .. والقادم اكبر !
ناسين ومتناسين نقد من هو بحاجه للنقد الاسع وهو الفريق الاولمبي اللذي اصبح يتخبط وكانه اولمبي نجران وليس الهلال اللذي عودنا على افضل انتاج للاعبين في الاولمبي , انا لا انكر ان الفريق الاول استفاد حاليا من الاولمبي وهو متسبب رئيسي في نزول مستواه لانه اخذ منه عمائده وركائزه وهذا شي طبيعي (العابد والفريدي وخيرات والدوسري وماتبقي الا الحارس وفي الطريق ان شا الله ) لكن ينبغي نقده لزياده الحرص عليه
* الهلال فريق حاله حال أي فريق عالمي يفوز ويخسر يقدم ويمتع في مباراه ويتراجع في مباراه اخرى وهذا شي طبيعي الاعبين مو الات عشان يبقون سنوات من نفس الرتم ..
* انا ماني جاي ادافع بس عن المخطي انا جاي ادعمه واقدم له دعم نفسي وروحي وان شا الله اني قادم الاربعاء وراح اصيح باعلى صوتي واشجع حسن بالذات وغيره من الاعبين ..
*الفريدي اصبح الشماعه الاولى والاعب الاسهل شتمه ونقده من قبل أي مشجع .. لماذا ..؟ لانه محترم واخلاقه عاليه ( ومو بس هو اللي محترم ولله الحمد كل لاعبي الهلال على اخلاق عاليه )
واذا كان بارد خلقه الله له .. وانا من هنا احلف ومتاكد ان الفريدي اكثر لاعب يحترق ويغار على الشعار اللي هو لابسه .
في المدرجات وبين الشوطين في ملعب القصيم اسمع باذني اكثر من شخص يصيح نواف العابد .. فارقنا وتوكل !
انا هنا بنزل لكم صورتين وشوفو بعينكم كم موضوع مدح وكم موضوع انتقاد غير بناء ..واللهم لك الحمد ان حسن وغيره مادخلو المنتدى بعد المباراه
6نقد من اصل 11 بما يقارب 60% وال35% المتبقي كلام بالحكم و5% ثنا ودفاع عن الهلال !
وهنا 7 من اصل عشر اي 70 % !! وموضوع واحد نقد بناء
خاطره اخيره .... ما اسرع مانسي اغلب الجمهور ابداعات حسن الموسم الماضي وخصوصا في الاسيويه ضد الغرافه وضد ذوب اهن .. وغيره ..
دمتم بود
الوضع الشجري
