[4 ايفر]

بسم الله الرحمن الرحيم

كيفكم يازعماء

اول شي هاردلكم التعادل ومستوى الفريق بشكل عام من وجهة نظري لابأس به وانا شخصيا متطمن بس
مشكلة ضياع الفرص مازالت موجوده وبأنتظار المهاجم الأجنبي واتمنى ان الادارة تجيب لاعب هداف يحل هالمشكله
يعني امس المفروض النتيجه اقل شي خمسه
لكن الحمدلله على كل حال

# , , # , , #

بالنسبه للموضوع انا تعمدت اكتبه بهالطريقه لأنه من جد حسن العتيبي مدري متى راح يبطل ارتكاب الحماقات !!
انا من خبرته وهو كذا
حارس رائع وممكن يرد اهداف مؤكده وبنفس الوقت في اي وقت ممكن يضيع عليك المباراة بتصرف لايليق بحارس في نادي الهلال يعني حنا نحترق على المباراة ويجيك الأخ بكل سذاجه يا يشطح لك ويتقدم بنص الملعب وهذي سواها كثير او يحتك مع الحكم بطريقه غبيه ممكن انه ينطرد بسببها مثل ما سوى مع خليل
جلال يوم يمد يده عليه بس من اللخمه الحكم ماقاله شي او يحتك مع المهاجم بحركات مدري وش اسميها !!!
مثل ماشفنا امس طبعا مع الاعاده وضح ان الاعب مثل وبالغ في سقوطه بس برضو انت وش دخلك فيه ياحسن تروح وتوريه عرض صدرك لييييييش !!!!؟؟
# , , # , , #
في النهايه اتمنى من الإداره انها تتكلم مع حسن بشكل جدي وصارم لأنه الحين الحارس رقم واحد في الفريق
وبالتوفيق للزعيم في باقي المبارايات ,,

ودمتم بود ...