المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > منتديات نادي الهلال > منتدى الجمهور الهلالي
   

منتدى الجمهور الهلالي لمناقشة جميع الأمور المتعلقة بنادي الهلال

 
   
 
LinkBack أدوات الموضوع طريقة عرض الموضوع
المشاركة السابقة   المشاركة التالية
  #1  
قديم 11/12/2010, 04:46 AM
الصورة الرمزية الخاصة بـ هلاليه مدريديه
زعيــم نشيــط
تاريخ التسجيل: 24/02/2010
المكان: بساط الريح
مشاركات: 521
Icon18 محمد الدعيع مسيرة عشر سنوات و انجازات لاحصر لها.. ولكن ماذا بعد الدعيع ..؟؟ الله يستر




السلام عليكم ورحمة الله وبركاته

صباحكم سعادهـ يازعماء


وهارد لنا التعادل الله يعوضنا غيرها





.............







في البدايه احب اطرح لكم عدة امور اتمنى انكم هديتوا وروقتوا شوي بعد المبااراه والشد العصبي اللي جانا



نجاح اي فريق هو تكامل صفوفه ومتى ماختل صف من هالصفوف تأكد ان هالخلل بيعرقل الفريق



هجوم _ وسط _ دفاع _ حراسه


كلها ادوات ومفاتيح للفوز


ومن وجهة نظري الشخصيه ان أهم هذه الخطوط هو الدفاع والحراسه


لإن المدافعين والحارس متى ماحافظو على شباكهم وجعلوها نظيفه


كل ماصار الفوز سهل بيد المهاجمين لإن هدف وحيد يفوزك وتحصد فيه ثلاث نقاط ثمينه


وكلنا نذكر الحارس العملاق محمد الدعيع


الذي لعب مع الهلال عقد كامل ولو تلاحظون ان بهالعشر سنين اللي شارك فيها الدعيع بالهلال حصدنا بطولات لاتعد ولاتحصى


ليشش ؟؟



لإن الحراسه عندنا كانت بخير وبأمان والمهاجمين يسجلون ومافي حارس ولا مدافع يخرب عليهم جهدهم ويمحي اهدافهم



اليوم ياسر القحطاني أدى واجبه وسجل هدف من أجمل الاهداف


وأتبعه رادوي بتسديده صاروخيه رائعه



يعني وين الخلل هنا ...؟



بالدفاع والحارس اللي مسحوا الهدفين ورجعونا للصفر



المدافعين بعد اعتزال محمد الدعيع اصبحوا يتخبطون وكأنهم مرتبكين دايم والدليل كثرة ضربات الجزاء علينا


بس لما كانت الحراسه بيد صمام الامان محمد الدعيع كانوا يتعاملون مع الهجمات بكل اطمئنان لانهم واثقين لو عدت الكوره منهم بتروح للحارس العملاق وهو قد التصرف



والمطلوب الآن من اللاعبين والحارس هو عدم ارتكاب حماقات قد نندم عليها كثيراً


واي مدافع المفروض مايكسر اللاعب اذا دخل منطقة الجزاء


حاول تقطع الكوره واذا ماقدرت خله يمر يمكن تضيع تضرب بالعارضه يمسكها الحارس


بس مو تطيحه وتجيب علينا ضربة جزاء واحنا متقدمين



مباراة الرائد ضربتين جزاء والتعاون ضربتين .. مع الإتحاد والشباب والإتفاق والنصر وش بنسوي ..؟؟



لايكون بنتقدم بهدفين وبنرجع للصفر بعد


عاد هي عدت مع التعاون والأهلي ومو كل مره تسلم الجره بيجينا فريق بيفوز علينا وبنخسر اللي سويناه طوول المباراه


هالمره تعادل بس المرات الجايه يمكن خساره << بعيد الشر ان شاء الله


ولكن لابد للاعبين والحارس ان يعيدوا حساباتهم فالوقت امامهم وبإمكانهم اصلاح مافات







(( ثقافه سائدهـ ))





اتمنى من جمهورنا الواعي ان لايعتقد بإن كل مباراه هناك خمسات


يعني اليوم بعد المباراه الكل قال ليش ماجابوا الثالث والرابع


الموضوع ليس بالسهل ياعزيزي المشاهد سجلنا قولين الحمدلله حلوين بس تخرب بأخر شي هذا مو ذنب الهجووم



ومو معقوله كل مباراه رباعيات وخماسيات


مع الأهلي سجلنا ثلاث اهداف ولا أروع وش اكثر من كذا بس خط الدفاع خرب كل شي وماقدر يمسك مرماه لين تنتهي المباراه



لازم نفهم جيداً ثقافة كثرة وقلة الاهداف ... فالغرض من الهدف بمثل هذه المبارايات الكبيره هو الفوز وليس الاستعراض




واعتقد بإن دفاعنا غرته كثيراً خماسيات وثلاثيات الهلال واصبح يتساهل بأي هجمه ضدنا لان الهجووم بيعوض



يعني اتكاليه





(( معلومه ))




الدور الأول مانتهى ياجمهورنا الكريم ليش نسمع ردود يائسه بإن الدوري ضاع وماراح يحقق الهلال البطوله



للحين ماخسرنا ولا مباراه وباقي لنا مؤجلات ليش هاليأس مع اننا نعشق فريق عملاق لايعرف الاستسلام



واللي يقول الصداره صارت للفقر خلهم يتهنون يومين والدوري مشواره طوويل محد يقدر يحافظ على صدراته


إلا الكبار ومن لهم خبرة في التصدر



وترا النصر 6 مرات تعادلوا يعني صدارتهم لإن الهلال له مبارايات مؤجله ولإن الإتحاد اخفق



واتحدى النصر والإتفاااق ان يستمروا بالصداره هذا دوري مشواره صعب يبيله ثبات على مستوى وهم مالهم مستوى اصلن عشان يثبتون عليه


كل نتايجهم تعادلات


فأتمنى من جمهورنا العزيز ان لا ييأس بأول المشوار فالفريق امامه مشوار طويل من البطولات سواء داخليه او خارجيه

فلا نريد احباطهم بترديد هذه العبارات (( الدوري راح )) و (( الاسيويه صعبه بتصير علينا ))


الموسم بأوله يازعماء فالتثقوا بفريقكم فريق الذهب





(( رؤيه حق ))



ماإن تنتهى مباراه للهلال والجمهور يغضب منها نجد اغلب المواضيع استنجادبالأسطوره سامي الجابر


وكأنه رئيس او مدرب وهذا ان دل على شي يدل على احساس جمهور الهلال بإن سامي هو روح الفريق


وهو عرابه ...


فلاتشعر بالضغط ياسامي لإننا نحبك ونثق بك نلقي بالمسؤليه عليك بكل صغيره وكبيره بالهلال


فأنت اسطورتنا .. نعرف مدى ذكاءك ونستنجد بك دوماً


سامي أنت ملجأنا بعد الله عقب كل اخفاق يتعرض له زعيمنا









ودمتم بخير يازعماء / هلاليه مدريديه
اضافة رد مع اقتباس
   

 


قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:20 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2025, Jelsoft Enterprises Ltd

Google Plus   Facebook  twitter  youtube