[ألفتى ألذهبي]

بسم الله الرحمن الرحيم

نبغى وقفتكم يا جمهور نادي الهلال في مصلحة النادي والكل يعلم ان جميع الانديه تمر بازمات ماليه

الكل يعلم ان الان اصبحنا في زمن احتراف واصبح رئيس النادي ملزوم لضخ الملايين من اجل مصلحة النادي
وعدم الاعتماد على الغير وهذا من خلال مشاريع او بيع عقود وغيرها ....ولكن اليد الواحده لاتكفي

وحنا كجماهير الان اصبحت وقفتنا مطلوبه واصبح النادي يملك اشياء كثيره منها كدخل اضافي من مشاريع تطلق من الصندوق
والكل يعلم قصة الكوفي شوب الهلالي الذي سيفتتح قريبا بأذن الله في شارع التحليه ليضخ للخزينه الهلاليه نسبه ماليه
ولكن هل الكوفي شوب سيكفي لضخ الملايين من المستحيل ان يحصل ولهذا نريد وقفتكم ياجمهور الهلال



كيف نقف مع هاذا النادي ونضخ له اموال بطريقه قانونيه ومريحه ومربحه؟

1-شراء وترويج شريحة باقة الموج الازرق المقدمه من موبايلي
2-حضور مباريات الهلال من اجل الدعم وخصوص التي تكون على ارضه
3-اقتراحاتكم مهمة جدا وقد تكون في وقت يحتاجون الاداره له
==========================================================
ولهذا انا ساقدم اقترحاتي واطلب منك الان الدعم والوقفه حتى نجعل النادي لايقع في ازمات ماليه """""

اقترح ان ادارة الهلال تتفق مع الشريك الاستراتيجي موبايلي او مع شركة F6 في فتح محلات لترويج مستلزمات نادي الهلال وبيعها

كما اود ان اقترح على ادارة الهلال ان تفكر في اطلاق قناة الزعيم مجددا مع قناة اون لاين الجديده او الجزيره
ولكن لابد ان نضمن حقوقنا كمثل باقة الموج لكل 10000مشترك مبلغ مالي كبير يضخ لنادي الهلال

==============================================================
ولاننسى الاكاديميه الهلاليه ولا اعلم متى تفتح بانها خير داعم للنادي من خلالكم باشتراككم فيها
==============================================================
والان او ان اترككم تضعون اقتراحاتكم لهذا النادي وارجوا ان تكون الاقتراحات لدخل النادي فقط
ولانريد اقتراحات عن الفريق او الاداره او الاعبين واشكر لكم جهودكم واتمنى وقفتكم الجاده وشكرا
=============================================================
مع تحيات:ألفتى ألذهبي

[هلالي Live]

اشكرك على الموضوع الرائع

من وجهة نظري ان بيع منتجات النادي مع الشريك الاستراتيجي موبايلي افضل دخل للنادي
والحضور الجماهيري من افضل المداخيل للنادي

اول رد


بالتوفيق للزعيم

[مٍآلديًني آلزعُيمً 3]

فيه الف طريقه وطريقه ..
بسس وين الي يسسمع وينفذ ..
الف شكر لك اخوي

[وليد -ABO AL]

مشكوور اخوي الفتى الذهبي

موضووع مهم

تحيااتي لك

[marwan10]

كم فكره اقترحت في هذا المنتدى..؟

آآآآلآف الافكار ..ولكن..!

نحتاج الى من يوصلها الى الامير عبدالرحمن..!

[عبدالرحمن الدوسري]

إقتباس الرسالة الأصلية كتبت بواسطة مٍآلديًني آلزعُيمً 3 فيه الف طريقه وطريقه .. بسس وين الي يسسمع وينفذ .. الف شكر لك اخوي

كيب اذكر طريقه وحده من ها الالف < يحب يمزح ويدقق واجد

والله قبل امس كنت اسولف مع نصراوي اقوله غريبه ما فكر الهلال في كوفي شوب في التحليه مع ان فيه اكثر من الف واحد فكر بها الموضوع
وامس طلع لنا خبر الهلال بيفتح محل كوفي شوب في التحليه < بدايه موفقه وناجحه

الكوفي شوب ماهو الا بدايه عمل ونجاحها بيديكم ( اقصد مشجعين الهلا )
في حال كان الدخل ممتاز فالبدايه كانت موفقه < وهذا طريق بدايه مشاريع الهلال

اي بمعني ؛ وهاذي تحتها الف خط

لابد ان ندعم هذا الكوفي وان نجعله بدايه ناجحه لمستقبل زاهر وواعد باذن الله

وكل ماعلينا الا نروح للكوفي شوب < ونشرب منه كوفي < ونترك كل الكوفيات الباقيه في الرياض

[هوووبي]

اهم شي الحضور في الملعب سواء على ارض الهلال وعلى غير ارض الهلال
اقول فكرة المحلات فكره ممتازه جداً

[هلالي مختفي]

انا معك خيوو في اقتراحك والاقتراح موبايلي والهلال في المحلات للهلالـــ...

[حربي ووالهلال ددرربي]

اشكرك ياااعزيزي ع الموضوع الاكثر من رااائع
ولكن اعتقد ان الاداره مسوووويه كل شي حتى انه تزيد من الدخل حق الناادي ولكن هناك معوقاات كثير ومنه الاتحاد السعودي
الذي لن يفتح الاستثمار ع اصوله من جميع النواحي ولكن مااذانب الهلال الا انه له اعضاء شرف دااعمين
ولكن وهذه توقع خااص انه خلال الخمس السنوات القاادمه سوف لن يكون هناك دعم من ااعضاء الشرف
اذا تحرك الاتحا\ السعودي واعط الاولويه للنادي في استثمار كل ماالديه من جميع النووواحي الاستثمار..............والعلم عندالله

[سكروب ازرق]

يسلموووو والله

الحضوور ثم الحضووور ثم الحضوووور

[هلاليـ 9 انتراوي]

فيه اكثر من طريقه بس مين الي ينفذ؟؟

[FAISAL AL7RBY]

الله يعطيك الف عافيه

المفروض الاداره تفتح حساب على شان الجماهير تتبرع لنادي

تحياتي لك

[3ash8.alz3im]

الفتى الذهبي ♥
كفييت ووفييت,.,
تقبل مروري ..

[alhilal-2010]

نحن مع الادارة في كل خطوة ,, تم الاشتراك في باقة الموج الازرق من فترة طويلة ,, وراح نتقهوى كل يوم في كوفي شوب الهلال ,, بس اهم شيء اعضاء الشرف يشدون حيلهم ويورنا شطارتهم ,, واي مشروع استثماري يكون الهلال فيه طرف راح ينجح باذن الله

[hhpp]

ليه ما يكون هناك استثمار في العقارات مثل شراء العقارات السكنية وتأجيرها ومن ثم يكون الدخل للهلال