السلام عليكم ورحمة الله وبركاته يازعمااااء وكل عام وانتم بخير
أولا هاردلكم على الاسيويه لو انها جاااات متأخره بس انا مادخلت المنتدى من فتره ولا أخفيكم اني كرهت الكوره بعد الاسيويه مو بسبب الهلال والله من الفرق اللتي اصبحت تهزم الهلال خاصة في البطوله ذي ولكن مادامني هلالي فرأسي دايما مرفووع ولاتهمنا بطوله غايبين عنها من ثمان مواسم ولا زلنا متسيدينها ب6 القاب لكن هذا لاينسينا الاخطاء التي وقعت فيها الاداره واكبر خطأ الابقااء على المدرب وهيا عارفه انه ماااشي من الموسم الماضي أنا لا انكر مجهودااات الاداره ولكن كل عمل اكيد به الاخطاااء واتمنى الاستفااده من الاخطاااء ولا انكر مجهودااات المدرب قريتس الذي معه لعب الهلال كوره مارأيتها من عدة مواسم ولكن كل بدايه لها نهايه وللاسف كانت نهاية قريتس مع الهلال سيئه او غير جيده ونتمناله التوفيق في مهمته الجديده القديمه مع منتخب المغرب..
ثانيا اتمنى من جمهور نصف الارض الوقوف مع الفريق في المرحله المقبله ونسيان الماضي وعدم البكاء على اللبن المسكوووب وصدقوني راح يرجع الفريق مثل اول واحسن مع كالدي بس بشرط الوقوف مع الفريق وترك الانتقادات الجارحه خاصة واننا مقبلين على مرحله مفصليه في الدوري بعد هبوط مستوى الاتحاااد ولايوجد منافس عالدوري فريق قوي فالهلال افضل الفرق الان بفرق شاسع عن اقرب منافسيه ولايهمنا فقر خبيلان وصحافة الاصفرين والاصوات النشاااااز التي تبربر من 15 سنه بدون اي فايده
...
أخيرا اعذروني انا عارف ان الموضوع غير مرتب بس والله ان كلامي ذا من حبي للهلال وطالع من قلبي ...
نقاط سريعه
*سامي الجابر الاسطوره شكرا على كل ماقدمته للهلال والله انك مثال للهلالي المخلص واقل كلمه نوجهها لك هيا شكرا.
*كالديرون راح ينسينا قريتس وتذكرو كلامي نهاية الموسم بالتوفيق ياكالدي .
*أعتقد ان نيفيز سينتقل الفتره المقبله واتمنى ان يأتي مكانه مهاجم من زمان مارأينا مهاجم اجنبي في الهلال >الله يذكرك بالخير ياسيرجو .
*ماجد المرشدي مستواك متراجع من بعد بطولة الخليج راجع حساباتك .
*خالد عزيز الله يقومك بالسلامه أخطينا في حقك كثير .
*كنا نقول حطو ياسر عالدكه ويوم غاب صرنا نقول وين ياسر .
*رادوي الله لا يخلينا منك.
*أسامه واصل تألقك والله يخليك لنا .
*وليهامسون اذا حرمتك ماتبغا الهلال الله يسهل عليك .
*الفئات السنيه في الهلال معقوله مافي ظهير أيمن بعد الدوخي .
*احمد الفريدي موهبه اتمنى الحفاااظ عليها بس لازم يمسك اعصابه شوي .
*عبدالرحمن بن مساعد أتمنى بقائك في الهلال فتره أخرى بس مانت حااااس انك مثالي زياده عن اللزوم .
*يوسف الثنيان كل ما ذكرتك بكيت مدري ليش ؟
تحياتي نواف من جده
نقاط هلاليه اتمنى دخول الكل للاهميه.. 
..
..
الوضع المتطور
