[الشيخ عليان]

السلام عليكم ورحمه الله وبركاته

الي ماعايدنا عليه كل عام وانت بخير

الفريق راح يعسكر خارجيا <<< ويرد عليه الجميع ندري ندري



طيب بالوقت هذا والدوري متوقف هي فرصة حقيقة للجماهير بطرح الافكار من ناحية التشجيع

وايصالها للمسؤولين عن الرابطه او مجلس جمهور الهلال لن لدينا الوقت الكافي قبل بداية الدور الثاني

انا بصراحة استغرب تماما غياب الرابطة عن المنتدى وحضورهم فقط عبر المدرج


رسالة خاصه للاخ صلاح البطاطي

مساك الله بالخير هل تعلم انك تقود اكبر جماهيريه في الوطن العربي لا اقول هذا استهزاء فيك لا والله بالعكس

يعجبني فيك حماسك وصوتك بس نبي منك تكليف احد اعضاء الرابطه او انت تقوم بنفسك بالدخول للمنتدى

وطرح موضوع خاص بالاستفسارات عن مايريد الجمهور منكم او اقتراح منكم

وسؤال الجمهور عن مدى قابليتهم للاقتراح

واول الاقتراحات انا ابدا بها واتمنى تجربتها في اول مباراه للهلال بالرياض

اقتراحي تجربه التشجيع الجماعي بدون طبول يعني غناء وتصفيق بدون طبول حد مايكون هناك تفاعل من الجمهور

ويتم انزال اناشيد هلاليه ( لننا لسنا بحاجة اغاني ) لن الاناشيد يكون فيها الحماس اكثر وخصوصا انها

مناسبه للجميع لن ليس كل من يحضر الملعب يكون يحب الاغاني والطبول بعضهم يالله ماسك نفسه بسبب الطبول

الي اعجبني في الرابطه انكم تحبون التشجيع الجماعي بس مشكلتكم مو عارفين كيف تضبطون الوضع

ونفس الوقت الجمهور مو متفاعل معكم اقولها لك وبصراحه لن جمهورنا اول شي مو متعود على كذا يعني لما

تطلبون منه يكون مستغرب وبعضهم يقول لا مااني صغير اسوي كذا ( عقليات ناس كذا )

وايضا تكون حركات متعبه من التشجيع الجماعي ( مثل يمين يسار اسيا )

ماتجي البيت الا وعندك شد عضلي في القفص الصدري والا الموج ( يعني نسوي هذي مو مشكله ) بس بوقتها

كل ماشفتو الناس نائمه قلتو لهم يلا يلا يلا قومو والا يسار يمين

والشي الثاني مفهوم التشجيع الجماعي مشكلتنا بالسعودية ماخذينه بمفهموم خاطي نحسب اذا قالوا تشجيع جماعي

معناتها انك لازم كل جسمك يشتغل ( هذا صار تشجيع جسدي ) ماصار جماعي

ترى الجماعي معناه ان الجميع بصوت واحد يعني بدون قائد يكون المدرج او بالاصح يكون القائد يعطي اشارة البدء

بالتشجيع ثم بعدها خلاص يكون معهم مو يسابقهم في المايك اتمنى اتمنى من الاخ صلاح التواجد في المنتدى

واتمنى من الاعضاء اللي يعرفه يتواصل معه ويقول تراااااااك مطلوب في المنتدى واذا ماعنده عضويه تفداه

يكلم الشباب بالمنتدى ويحطون عضوية باسم رابطة النادي او باسم الاخ صلاح البطاطي عاد هو يتفاهم معهم

انا قلت الكلام هذا بالمنتدى يااخ صلاح لن اللي نشوفه عزوف تاااااام عن المنتدى والتواصل يكون عبر المدرج

بالعربي لا انت برايق لنا ولا احنا رايقين لك بالمدرج كيف نتواصل ؟؟

اتمنى من الردود عدم التجريح او الاستهانة بأعمال الرابطه سابقا اما قل خير او اصمت <<<حاس بيجي كذا واحد

وبيمسك الكيبورد على الرابطه

طبعا ماتطرقت لمجلس الجمهور لإنهم بصراحه قائمين بدورهم على اكمل وجه مشكورين جزيل الشكر

بخصوص الموضوع قلت نيابة عنكم اول شي من زود الميانة ثاني شي اتوقع ان فكرتنا وحدة << واللي يحس اني

ماامون عليه يقولي عشان اقول نيابة عن جمهور الهلال الا واحد