[المُلهَم]

حقيقة ماعرف وشلون أبدأ .. لكن جتني فكرة أتمنى تعجبكم وهي انو الكل يتكلم عن بداياته مع الهلال ومتى عشقه وحبه من قلبه .. وأصبح جزء من أميز اهتماماته في الحياة .. وأعلم أن للكثير قصص مذهلة وحكايات عشق تلجم الأقلام كلها .. وبودي لو نقرأها هنا كلنا ونتشارك الذكريات اللي لها سنوات عديدة دفينة قلوبنا .. واللي نتميز فيه الآن هو العشق والتشجيع المستمر فأكيد لكل حب بداية جميلة ..

وحكايتي كالتالي :
حقيقةً بدأت مع الهلال منذ أكثر من 20 سنة .. وهي مدة بصراحة أعتبرها طويلة ..
والسبب وراء عشقي للهلال هي ابنة عمي (آمال) الله يعطيها الصحة .. كانت دايم تتابع الهلال ولا زالت وتعلمت منها حب وعشق هذا النادي العريق وكنت دايم بجنبها اشوف المباريات.. ويمكن كان عمري 6 سنين وكم شهر .. وكان دايم أسمع المعلق وأتفاعل ومن ضمن الأسباب هو عشقي الجنوني للون الأزرق من صغري , فكان دايم اشوف المباريات
وأذكر انها كانت دايم تنادي ماجد عبدالله (بالمطافي) لأنه كان يلبس بوت أصفر والملابس صفراء ههههه
المهم بعد كذا صرت جداً أهتم لأخبار الهلال وأتابع الانتقالات .. وفي وقتها اكتشفت انو عندي موهبة كروية بشهادة أهل الحارة كلهم (ومو تزكية لنفسي والله ) بس يعني صرت أعشق التمارين مع العيال .. لدرجة انو وانا بعمري هذا كان فريق الكبار بحارتنا يخليني ألعب معهم لأني على رأيهم لعّيب .. و بحارتنا القديمة كان نلعب في أرضية رملية درجات .. يعني صغار ووسط شباب وكبار ,
المهم .. انو زاد عشقي للكورة وصرت متعصب من صغري .. والهلال دايم رافع راسي قدم اصحابي وحتى اليوم الحمد لله , كنت دايم احس بالفخر لسبب .. انو الهلال يتكلم عن نفسه بأفعاله والنصراوية (مع احترامي الشديد) كان يحاولوا يوصّلوا للعالم انهم مميزين فقط بالكلام .. وهذا فرق شاسع , طبعًا حكاية العشق والمواقف جدا كثيرة ولا تحصى .. وهذا فقط باختصار .

بجد أعتذر لو الموضوع مب وقته أو مب حلو
جاء بخاطري وكتبته بدون تفكير حتى


انتظركم

[βô Ĵℓмℓ »♥«]

يالبى قلبك اخوي على هـ الموضوع جدا رااائع،،~

انا ابختصر ،،~

حبيت وعشقت الهلال من قبل ادخل الابتدائي

وكان بـسبب اللاعب خالد التيماوي وسامي

عشقته هذا الكياان بجنووون

والف حمدلله اني هلاآآآآآآآآآآآلي،،~

اشكرك اخوي ع الموضوع الرااائع،،~

[ابو فهد 99]

يعطيك العافية على الموضوع .. اما انا حبيت الهلال من عمري 6 يعني قبل 20 سنه تقريباً

طبعاً حبيته عن طريق خالي المتعصب

واذكر اول شئ سويته رحت للمستودع وخذيت شطرطون تمر

ورحت لزقت على فنيلتي اللي كنت البسها مع انها مو زرقاء رقم 5 .. لا وبالانجليزي .. ماكنت ادري من هو رقم 5 بس اذكر ولد خالي هو اللي قالي حط رقم 5

ومن هذاك الوقت بدينا نحب ونعشق الهلال اذكر كانوا يسموني التخيفي .. على ايش مدري .. يمكن نفس قصه الشعر

واذكر اول مباره حظرتها الهلال ضد الشعلة كان عمري 6 او 7 مدري وش قصه ذيك المباره وديه او دوري ما اذكر .. بس طلعت بصورة مع المصيبيح هذي الحسنه الوحيده من هذيك المبارة لاني طول وقت المباره نايم في حظن الوالد

[ولـد زايـد]

اتذكر بدايتي مع لقاء الهلال والنصر لكن ماذكر باي عام .. وانتهت 1-1 , كان عمري وقتها 6 سنوات , اعجبني فيها يوسف الثنيان ومهاراته , وكان بجنبي اخوي نصراوي يزن على راسي شجع الاصفر شجعه , بس الحمدلله اني نطقت وقتها وقلت , لا لا ابي الازرق
ومريت بسنوات كثيره صار فيها محاولات واغرااءات من الخوال بما انهم كلهم نصراويه , تصدقون يوم اني بالابتدائيه واحد عرض علي جوال عشان اشجع النصر !!
لكن الحمدلله اني قلت لا .. وش يفيدني الجوال وانا يبي يصير فيني سكر وضغط

[م - أحمد الفيفي]

لي عوده
-------------------------------------------

[Abdullah Al-badrani]

عواااااااااافي ع الموضووع

والله حبيت الهلال من يوم طلعت على الدنياااا من يوم عمري تقريبا 5 سنواااات

لان كل الي حوولي هلاليين ولله الحمد

وبدااا معاااي هذا الحب الان انا صار عمري الان 21 سنه

وصراااحه الموسم الماااضي هو احسن الموااسم الي مرة علي

معااي وين مارااااح الهلال

تحيااتي لكم

وكل عاااام وانتم بخير

[جنون أزرق]

ههههههه حلو بس قصتي " عششت في جو نصراوي وبطوله خليجيه فـ شاهدت وكان النصر الممثل الوحيد للمملكه في تلك البطوله ولاكن سرعان ماشهدت الدوري ف اطربت بلعب نادي ازرق كنت أعرف لونه فقط <<قبل ادش المدرسه بسنه - وبعدهآ اصبحت هلالي ولله الحمد << ومنذ اكثر من 10 سنوات وأنا متيم بالهلال "

[loly alhilal]

الله يعطييييك الف عافيه ع الموضووووووووع

[حبي للهلال جنون "]

انا بصرااااااحه لمن كنت في الابتدااائي كنت اشجع الهلال عشان خالتي>>هع
وبعدين شجعته وبقووووووووه لمن طلعت اولى متوسط..
وآآآآآآآآآآه من عشق الهلال وربي جنااااااااان
ومن مايعرف الهلال ولا يعشقه بجنووووووو20وووووووووووون
عوااااااااافي اخوي

[هلال اسيآ]

رغم ميول الوالد الاتحاديه

الا اني ولدت و ترعرت هلاليا متعصبا
و من اهم اسباب ميولي الهلاليه [ خالي ابو هتيف ]

و مثل ماقال الشاعر :
الهلال اليوم لي و غدا لابنائي و لاحفادي في المستقبل

[مشعل الحربـي]

انا كل اهلي هلاليين ابوي هلالي متعصب ولازال وامي بعد بس امي تسلك لابوي ولا ماتحب الكوره

وعماني كلهم هلالين وبعض خوالـــي

يعني هلالي بالوراثه من وانا صغير احب الهلال الى الان عمري 19 سنه

والى اخر العمر والله ماأترك عشق الزعيم

[سعووووود]

موضوعك ..
خطير خطير خطير .. وجهنمي ..


انا والله بدايتي مع الهلال كانت غريبه شوي ..
كان [ خشم ] هو سبب تشجيعي لهالكيان الكبير ..


ايام ما انكسر خشم سامي الجابر للي يتذكرون من زمان ..
وقتها انا انكسر خشمي ..

عاد جا اخوي الكبير وحنا نلعب كوره قالي ياسامي ..
وكل اقاربنا صارو يقولونها لي وحنا نلعب كوره ..

لين اصريت اتابع سامي .. وتابعته وحبيته وتابعت الهلال ..

[ابو برقان]

انه الفيلسوف ابو يعقوب قصة عشق لاتنتهي قمة وروعة وجمال الكوره السعوديه لن ارى ولن اشاهد اجمل من مهارات وابداعات الفيلسوف بحكم اني لحقت على عصره كامل وشاهدة مباراته كامله لن تلد الملاعب مثلك يايوسف بن ناصر الثنيان والله اني شاهدت في سوق في التخصصي ومن كثر عشقي له مريت من امامه ولا تكلمت
والله ماادري وش اللي حصل لي عشرين سنه وانت تمتع وتستمتع وتمتع الجماهير الهلاليه على غريمه اول بالاحرى على الملطشه النصراويه الفقراويه وحبي للهلال استمد من عشق اخي للهلال ولكن قبل كل شئ انا اقول يوسف

[بلـآنكو]

عمري الحين تقريباً 18 ..

و بداية قصتي مع الهلال منذ الطفولة ..

و لكن 2005 .. صار فيه اشتباك معلومات خاطئ عن طريق خالي الله يهديه "اتحادي" و كانت 2005 اتحادية بحته ..

ولكن الحمد لله اصريت ع الهلال ..

اما السبب فهو الوالد الله يطول بعمره و بعد عماني الله يحظهم لي .. و خصوصا عمي عبد الله و تركي

والسبب الثاني هو يوسف الثنيان رغم اني ما لحقت عليه .. بس اليوتيوب يوفي و يكفي .. و ياسر و نواف و سامي و الدعيع و النعيمة و القائمة تطول .. و اهم واحد الشلهوب

ولكم ودي ..

وشكراً يا صاحب الموضوع ..

[ABDULRAHMAN ALAEIDI]

منذ التقاط انفاسي بعد الخروج من رحم امي وانا لم اشاهد غير اللون الازرق

ولله الحمد