[سلامي عليك يالقناص20]

اول شي كل عام وانتم بخير
انا والله ياجماعة الخير هذي اول مشاركه لي لاني بالعاده ادخل موقع الهلال اشيك على المواضيع الجديده وانقهر وقفل الموقع فا اعذروني اذا ماعرفت ارتب الموضوع كويس , اني واي انا والله دورت اسمي في الموقع لين طلعته ورجعت حسابي عشان اكتب موضوع عن الجماهير الي تحكم بغير عقلانيه , والله ياجماعه انا من القهر الي فيني جالس اكتب هلموضوع ولا انا والله يالله الحق على دراستي ماعندي وقت بس كل الي جالس اكتبه
عشان الناس الي جالسه تحكم من غير عقلانيه تفكر شوي

انا بصراحه من معارضين التعاقد مع كالديرون "ولكن" تورطنا وش نسوي يعني كان على الاقل المفروض على الادارة تتعاقد مع مدرب بحجم جيرتس او اقوى بعد بس الشكوى لله ماحصلت وجانا كالديرون بيه ,طبعا انا شايف الهلال اخر ايامه مستواه جدا سيء الى درجة اني صرت ما اطيق اشوف مبارياته كامله اشوف الملخص والملخص بعد ممل , ولحد الان ماحكمت عارفين ليه ؟ لان نص الهلال اصابات والي توه راجع من اصابه ومافي تفاهم بين الاعبين عندك مرشدي خلال مباريتين سبب ثلاث بالنتيات اذا ماخاب ضني "هذا شي مايخلي مرشدي لاعب سيء وننسى كل شي ونقول احنا نحب الكيان الهلالي ياشيخ لو اجيب لك بي بي مدافع ريال مدريد بيغلط وترا الغلط وارد من اي شخص خصوصا ان مرشدي طول مالعب .
نروح لأسامه هوساوي اسامه ياشباب ابدع وتعب موسم كامل وكل الدفاع فوق راسه وبصراحه شهادتي فيه مجروحه لو اتكلم من اليوم الين بكرا ماراح اوفي فيه. عندك عبدالله الزوري جته اصابه وتورطنا
وبعد مارجع ماعاد صار فيه تفاهم بالدفاع زي ماكان اول . "لي يونق" فيه ناس كثيره مصره انها تتخلى عنه ياشباب هلاعب هذا خرافي فكنا من مشكله كنا نعاني منها وصدقوني صعبه نتعاقد مع لاعب وفجـأه يغطي مكانه انا من رأيي الشخصي يايطلع لاعب من مدرسة الهلال ولا لا
طبعا رادوي مايحتاج اتكلم عنه . "تياقو نيفيز " بصراحه تياقو والله لاعب مافهمت له مره يبدع ومره مدري وين يروح يصير وجوده زي عدمه ويقهرني دايم بحبه لتملك للكره بالعربي احسه لاعب يدور انجازات لنفسه (اناني نوعا ما) اذا حس ان مافي امل يشوت مررها بنسبا لي قاتل للهجمات بس مايمنع يكون لاعب جيد انا لاحظت اخر مباراة مع نجران انه صاير يمرر كثير مايتحفظ بالكوره كثير فا احتمال يكون تكتيك مدربين , وبصراحه ما اتمنى يروح ويلهامسون انا مدري وش في الناس عليه يعني اذا طاح مستوى لاعب صار لازم ينشات ومعاد نبيه وهو غبي مايعرف يلعب ونذكر سيئاته اكثر من ايجابياته وكل ماصار شي قالو هو سبب خروجنا من اسيا ياحبيبي ولهامسون لاعب سريع وذكي ونص اهداف الهلال منه لاعب ذكي ورشيق بمعنى الكلمه , نواف العابد بصراحه لاعب مبدع وله مستقبل باهر بس مدري وش مشكلته مع الباب يعني تتقشر له كور عند الباب ويسطحها , وعلى فكره ماحكمت عليه من مره ولا مرتين لا نواف اكثر من مره يضيع كور زي كذا اتوقع يحتاج يتدرب اكثر على التسديد على المرمى , الفريدي بطيء بس ذكي يبي له احد فاهم له يعني رفعه بسيطه منه ممكن تسبب هدف لو فهمها الاعب الثاني , الشلهوب لاعب يتعبني صراحه مدري وش اقول غير ماشاء الله عليه لاعب متحرك وسريع وذكي , خلصت من الوسط , ابي اروح للهجوم الي كل يوم اشوف موضوع عنه, فيه ناس مصره نجيب مهاجم افريقي وجوعان على قولتهم, على فكره لو الجوع بيخليه يلعب زي العالم والناس كان ماشفت فيه عقود للاعبين بالملايين , ولو الفلوس لها دخل بالعب كان كريستيانو رونالدو اخذ الفلوس ونفخ كرشته وجلس المسأله حب الفريق الاعب يلعب ويبدع لفريقه لانه يحب الفريق يعشق الفريق متى ماحب الاعب فريقه صدقني بيبدع , وانا ياسر بنسبا لي لاعب مانزل مستواه ولا شي غير انه اشغل المدافعين ولو تلاحظون ياسر لو يمسك كوره تلاقي الفريق الخصم كله على ياسر "صيغة مبالغه" بعدين ترا على كثر ماتردد الشي تبدا تتهيء لك اشياء تخليك تصدق من جد لكن والله لو تقول ماطاح مستواه بتلاحظ اشياء حلوه بهلاعب ياخي ياسر ماشاء الله عليه يصنع ويسجل مدري يعني قالب لكم وسط ومهاجم ترا صعبه تحصل لاعب بهلمهارات بعدين شف ياسر كيف استلامه للكوره وشف المحياني . واخيرا انا كتبت كل هلموضوع ودي بس مانحكم ابدن على الفريق كاااااااااااااااااااااااااااااااااااامل في هلحاله الفريق يحتاج اعداد الاعبين مقهورين من الاسيويه وتغير المدرب والاصابات فيه حوسه شوي بالنادي يحتاج وقت لين ترجع الامور لمجاريها ,وانا ضد تغيير اي لاعب بالهلال اتمنى كل الاعبين يجلسون لان الهلال يوم كان مع جيرتس كان شي خرافي انتشار خرافي توزيع خرافي طقطقه خرافيه مدري وش اقول غير ان الهلال كان قريق اوربي 100% [/CENTER]

معليش اذا الموضوع مو مركب وفيه حوسه بس ترا اول مره اكتب موضوع بهلطول بس حاولت اوصل وجهة نظري وياليت مانقسى على الاعبين والفريق كله على بعضه طايح صعبه نحكم على لاعب ونص لاعبين الهلال طايحين لاتدققون ياشباب ولاتتسرعون ولو الاداره بتمشي على رايكم صدقوني كان الهلال اختفى انا اقول دع القياده وتمتع

فيه شي ثاني موضوع حساب للهلال والله هذي فكره اكثر من رائعه بس ماتوقع تتطبق فا انا عندي افكار كثيره تسويقيه للهلال ياخي اقلها مجله خاصه للهلال يسوون مجله ويبيعونها وكل اخبار الهلال تاخذها من هلمجله وبنصير احنا يالجماهير اذا نبي الاخبار الأكيده نقرا المجله لان المجله طالعه من النادي والاخبار الداخليه للنادي ويصير كل يوم يكتبون شي عن الاعبين وحياتهم يسوون اشياء تحمس لأنك تشتريها,انا مدري اذا فيه محل خاص للهلال يبيع تي شيرتات اصليه ولا لا بس لو مافي اتمنى الاداره تفتح محل وتبيع تيشيرتات الاصليه بسعر قريب من التجاري عشان الناس تضطر تروح وتشتري من محل الهلال, وبعدين عاد يصير فيه اختراعات من النادي ياخي يطلعون جوال جديد للهلال لابتوب للهلال ويصير بلون الهلال شوز للهلال ويصير فيه اسامي الاعبين شنطه محل تضليلات حراريه اي شي يسووق للنادي اي شي , يعني كذا اختراعات ليش مانخترع الى متى حنا ننتظر لازم نشغل مخوخنا النايمه يارب نتطور يارب تعبت قسم بالله من هلحال العالم جالسه تطلع وحنا جالسين يمين بالله مو عيب نفكر

هنا بكتب موضوع ثاني

موضوع ملعب استاد الهلال انا بصراحه مستغرب مره للحين مافي استاد خاص للهلال
يعني السد القطري عنده ملعب خرافي ملعب مكيف والارضيه شي عجيب
اتمنى الادارة ترجع تفتح ملفات الملعب
الحاجه الثانيه ياخي مدري وش وضع استاد الملك فهد الحين ممكن احد يجاوبني كيف ارضيت ملعب استاد الملك فهد كذا , هل معقوله ناقصهم فلوس يجيبون ارضيه زي العالم والناس ؟ يعني ملعب دولي زي استاد الملك فهد ارضيته بهلسوء مدري وش اقول صدق مافي احتراف!!!!!!!!!

اخيرا اتمنى الاداره الهلاليه بعد نهاية عقد كالديرون تتعاقد مع مدرب زي جيرتس ابي اشوف الهلال زي الموسم الي راح



مره ثانيه اعذروني اذا اخطيت بشي . وذا فيه شي ماعجبك اطمره
فيصل

الله يوفق الجميع