[so blue]

موسم عجيب يمر به زعيمنا
بداية من الاشاعات عن رحيل جيريتس بين مؤكد و نافي لرحيله
الخروج الاسيوي
رحيل جيريتس فعليا
الهلال بدون مدرب
تساؤلات حول مستوى عدد من اللاعبين
اصابات
تعادلات في الدوري
والكثير الكثير
موسم مرهق نفسيا لادارة و لاعبي و جماهير الزعيم
لكن الاستقرار النفسي و الفني قادم باذن الله
و كالديرون أول الخطوات
اللي اختياره كان من باب معرفته بالدوري السعودي و باللاعبين
واعتبار ان هذا هو الخيار الأسلم للفريق
لقيادته الى نهاية هذا الموسم فقط
لكن أكثر شي مخوفني و راح يجنني هو فترة الانتقالات الشتويه
الامير عبدالرحمن لمح و صرح أكثر من مره الى انه بالغالب سيكون هناك تغيير بالنسبه للاعبين الاجانب
والمدرب الجديد هو من سيقرر ذلك
طيب يا ناس كالديرون مؤقت كيف يقرر مثل هالقرار هذا أولا
ثانيا الفريق مو ناقص لخبطه بهالوقت يكفي اللي مر فيه
الفريق الان محتاج للاستقرار من جميع النواحي
أنا رأيي ان مايكون فيه تغيير بالنسبه للأجانب و يؤجل هالشي الى بداية الموسم القادم
لكن في حال صممت الاداره و كالديرون على التغيير فيجب مثل ما اُختير كالديرون يُختار اللاعبين
يعني نجيب لاعب قريب عارف و فاهم الكره السعوديه و متعود على الاجواء عشان ينسجم بسرعه مع الفريق وطبعا يكون سعره مناسب
لان مدرب الموسم القادم ان الله أحيانا و اياكم بتكون له نظرته و بيختار اللاعبين على كيفه
و أساساً الموسم الجاي بيكون بدايه جديده للفريق بالكامل
اقتراحي مثل ما كالديرون مؤقت يكون الاعب مؤقت ايضا
كأس الخليج عالابواب اتمنى من الاداره و من كالديرون التركيز على هاللاعبين فقط
الا ما يكون فيه لاعب زين عارفنا و عارفينه وأعتقد فيه كثير ( ناس كثير معجبين بحمد العنزي لاعب الكويت شخصيا ما تابعته كثير اتمنى أعرف رأيكم حول هالاعب)
لاعب نكون متأكدين من مستواه وانه راح يفيدنا بهالمده
والأهم انه راح ينسجم و بسهوله مع الفريق
الهلال محتاج للاستقرار بهالموسم أكثر من أي شي ثاني
ارجع و اقول ما أتمنى يكون فيه تغيير باللاعبين الان لكن اذا لزم الأمر فلاعبي الخليج هم الاختيار الانسب بهذا الوقت
هذا رأيي و اتمنى من الجميع المشاركه بآرائهم و شكرا لكم