[دايم الوجد]

،


'


السلام عليكم ورحمة الله وبركاته

بدخل في الموضوع على طول مو على عرض <<< يعني بدون مقدمات

والموضوع يخص نقطة واحدة من النقاط التي نسعى للمساهمه في تعديلها من اجل خدمة الهلال ترى ملينا التعادلات وملينا خسارة البطولات <<< قاعد يعيط.

وش رأيكم في دور القائد في الملعب؟؟

اقصد الكابتنية

الكابتن يا جماعه ومن واقع تجربة لازم يكون لاعب يوجه ويصيح في اخوياه بالملعب ويعطي نصائح والاهم من هذا كله ان يكون (دعياوي) اقصد خبرة مثل محمد الدعيع <<<< الله يذكره بالخير

وايضاً الكابتن له صلاحيات كثيره في الملعب ، هو الوحيد اللي يقدر يتجادل مع الحكم اذا لزم الامر ومناقشته.


لاعب كبير له ثقله ، وتوجيهاته كثير ويا سلام لما تجي التوجيهات من قاعدة الهرم (الحارس)

بكل صراحه اكثر شيء محزن لي هذا الموسم (اعتزال محمد الدعيع)

اسامه هوساوي لاعب كابتن كبير لكن يعيبه عدم توجيهه لمن معه << يمكن معظم اللاعبين في سنه فيواجه حرج في ذلك.

اهم شيء لا تقولوا وش فيك على الهوساوي ، ترى هذا مجرد رأي وهوساوي كلنا مقتنعين انه افضل لاعب في آسيا. <<< ترى بعض الاعضاء يدور مثل هالفرص عشان يبدأ يهايط (انا قلت بعض)



اخيراً وليس آخراً،،،

ماذا لو كان رادوي الذي ترك كابتنية رومانيا من اجل الهلال ، هو قائد الهلال؟؟

لاعب حماسي وكلنا نشوف يتفاعل مع جميع اللاعبين في الملعب ولاعب منتظم في الملعب وخارجه (التدريبات).

ومع هذا كله ، خبره خبره خبره.


عموماً يهمني رأيك فيما اذا كنت تتفق في بقاء الكابتنية لدى الهوساوي.
او ذهابها لرادوي ، او اي كابتن آخر.


بالله عليكم تقبلوا تحياتي


'


،